default_image

3 years ago

November 17, 2020

पिपिएल खेलेका लरेन्स बिग ब्यासमा

एजेन्सी – दुई वर्षअघि एक्स्पर्ट धनगढी ब्लुजबाट पोखरा प्रिमियर लिग (पिपिएल) खेलेका इंग्ल्यान्डका युुवा ब्याट्सम्यान ड्यान लरेन्सले अष्ट्रेलियामा अर्को महिनादेखि सुरु हुने बिग ब्यास लिग (बिबिएल) खेल्ने भएका छन् । लरेन्सले ब्रिसबेन हिटबाट बिबिएल खेल्दै छन् । उनले २०२०/२१ को बिबिएलको लागि ब्रिसबेनसँग सम्झौता गरेका छन् । ब्रिसबेनमा इंग्ल्यान्डकै ओपनर टम ब्यान्टन, लेविस ग्रेगरी र […]

33 views

0 Bookmark

एजेन्सी – दुई वर्षअघि एक्स्पर्ट धनगढी ब्लुजबाट पोखरा प्रिमियर लिग (पिपिएल) खेलेका इंग्ल्यान्डका युुवा ब्याट्सम्यान ड्यान लरेन्सले अष्ट्रेलियामा अर्को महिनादेखि सुरु हुने बिग ब्यास लिग (बिबिएल) खेल्ने भएका छन् ।

लरेन्सले ब्रिसबेन हिटबाट बिबिएल खेल्दै छन् । उनले २०२०/२१ को बिबिएलको लागि ब्रिसबेनसँग सम्झौता गरेका छन् । ब्रिसबेनमा इंग्ल्यान्डकै ओपनर टम ब्यान्टन, लेविस ग्रेगरी र अफगानिस्तानका स्पिनर मुजिब उर रहमान छन् । गतवर्ष सातौं स्थारमा रहेर बाहिरिएको ब्रिसबेनले यस सिजनको लागि दक्षिण अफ्रिका एबी डिभिलियर्स, बेन कटिङ र जेम्स प्याटिनसनलाई भने फुकुवा गरेको थियो ।

लरेन्सले २०१८ मा दीपेन्द्रसिंह ऐरी कप्तान रहेको धनगढी ब्लुजबाट खेलेका थिए । तर अपेक्षा अनुसार प्रर्दशन भने गर्न सकेका थिएनन् । उनले ५ खेलमा ६५ रन जोडेका थिए । बलिङतर्फ ६ विकेट लिएका थिए । धनगढीबाट लरेन्सले ओपनिङ र तल्लोक्रममा ब्याटिङ गरेका थिए । बिराटनगर टाइटन्सलाई ७८ रनले हराउन लरेन्सले ४ ओभरमा १७ रन खर्चेर ३ विकेट लिएका थिए ।

लरेन्स बुटवल ब्लास्टर्सविरुद्ध ‘म्यान अफ द म्याच’ प्रर्दशन गरेका थिए । उक्त खेलमा लरेन्सले तल्लोक्रममा ब्याटिङ गर्दै ५२ रनको इनिङ खेलेका थिए । उक्त खेलमा लरेन्सलाई अभिनास बोहराले बोल्ड गरेका थिए । बलिङतर्फ सिद्धान्त लोहनीलाई १२ रनमा बोल्ड आउट गरेका थिए । गतवर्ष भने लरेन्स पिपिएल खेलेनन् ।

२३ वर्षिल लरेन्सले इंग्ल्यान्डको एसेक्सबाट घरेलु क्रिकेट खेल्ने गर्दछन् । मध्यक्रममा ब्याटिङ गर्ने उनले ७४ प्रथम श्रेणी, २८ लिष्ट ए र ६० टि२० खेल खेलेका छन् । इंग्ल्यान्डको टोलीमा डेब्युको प्रतीक्षामा रहेका लरेन्सले प्रथम श्रेणीमा १० शतक प्रहार गरेका छन् ।

लरेन्सले सन् २०१६ मा इंग्ल्यान्डबाट यू१९ विश्वकप खेलेका थिए । जसक्रममा उनले फिजीविरुद्ध १ सय ७४ रनको शतकीय इनिङ खेलेका थिए । गत जुलाईमा वेस्ट इन्डिजसँगको टेष्ट खेलमा उनी इंग्ल्यान्डको वैकल्पिक खेलाडीको रुपमा थिए । बिबिएल आगमी डिसेम्बर १० देखि सुरु हुनेछ ।

March 28, 2024

नेपाल ‘ए’ सिरिजको खेल तालिका परिवर्तन

काठमाडौं (हाम्रो खेलकुद) – नेपाल क्रिकेट संघ (क्यान) ले वर्षाका कारण विहीबार हुने भनिएको टि२० खेल रद्द भएपछि आयरल्यान्ड वल्भ्सविरुद्ध सिरिजको खेल तालिका परिवर्तन गरेको छ । लगातार वर्षाका कारण मैदान भिजेपछि टियु अन्तर्राष्ट्रिय क्रिकेट मैदानमा पहिलो खेल रद्द भएको थियो । क्यानले खेल तालिका परिवर्तन गर्दै शुक्रबारदेखि टि२० सिरिज सुरु हुने बताएको छ । […]

March 28, 2024

नेपाल ‘ए’ र आयरल्यान्ड वल्भस बीचको पहिलो खेल रद्द

काठमाडौं (हाम्रो खेलकुद) – टियु क्रिकेट मैदानमा पाहुना टोली आयरल्यान्ड वल्भस र नेपाल ‘ए’ बीच आजदेखि सुरु हुन लागेको तीन खेलको टि-२० शृंखला अन्तर्गतको पहिलो खेल रद्द भएको छ । नेपाल क्रिकेट संघ (क्यान) ले वर्षाका कारण मैदान भिजेको हुनाले खेल रद्द भएको जानकारी दिएको छ । आइरिश टोलीले नेपाल ‘ए’ विरुद्ध ३ टि-२० र […]

March 28, 2024

रनको वर्षा भएको खेलमा हैदराबादद्वारा मुम्बई पराजित

एजेन्सी – कीर्तिमानी योगफल सहित रनको वर्षा भएको खेलमा सनराईजर्स हैदराबादले मुम्बई इन्डियन्स विरुद्ध जित दर्ता गरेको छ । हैदराबादले मुम्बई माथि ३१ रनको जित निकालेको हो । घरेलु मैदानमा भएको खेलमा हैदराबाद इंडियन प्रिमियर लिग (आईपिएल) इतिहासको सबैभन्दा ठूलो योगफल खडा गरेको थियो । टस हारेर ब्याटिङको निम्तो पाएको हैदराबादले निर्धारित २० ओभरमा ३ […]

Success

Thank you for your time.