3 years ago
November 18, 2020
काठमाडौं (हाम्रो खेलकुद) – नेपाल क्रिकेट संघ (क्यान) ले नेपाल प्रिमियर लिग (एनपिएल) आयोजनाको जिम्मेवारी भारतीय कम्पनी सेभेन–३ स्पोर्टस् प्रा.लीलाई दिने प्रस्ताव गरेको छ । बुधबार क्यानको वार्षिक साधरण सभामा भारतीय कम्पनी सेभेन–३ स्पोर्टस प्रा.लीलाई १० वर्षका लागि ४० करोड रुपैयाँमा बेच्ने प्रस्ताव गरिएको थियो । जसमा साधरण सभामै केहि प्रतिनिधिहरुले विरोध जनाएका थिए । […]
काठमाडौं (हाम्रो खेलकुद) – नेपाल क्रिकेट संघ (क्यान) ले नेपाल प्रिमियर लिग (एनपिएल) आयोजनाको जिम्मेवारी भारतीय कम्पनी सेभेन–३ स्पोर्टस् प्रा.लीलाई दिने प्रस्ताव गरेको छ ।
बुधबार क्यानको वार्षिक साधरण सभामा भारतीय कम्पनी सेभेन–३ स्पोर्टस प्रा.लीलाई १० वर्षका लागि ४० करोड रुपैयाँमा बेच्ने प्रस्ताव गरिएको थियो । जसमा साधरण सभामै केहि प्रतिनिधिहरुले विरोध जनाएका थिए ।
नेपाली क्रिकेट टोलीका पूर्वकप्तान तथा बारा जिल्लाका प्रतिनिधिको रुपमा सभामा रहेका पवनकुमार अग्रवालले एनपिएल आयोजना भारतीय कम्पनीलाई दिने प्रस्ताव भएको जानकारी दिए । यस विषयमा पवनले क्यानलेनै गर्नुपर्ने विचार राखेका थिए ।
‘घाटा नाफा जे हुन्छ क्यानले आयोजना गर्नुपर्छ । यसो गर्दा अहिले भई रहेका एभरेष्ट प्रिमियर लिग (इपिएल), धनगढी प्रिमियर लिग(डिपिएल) र पोखरा प्रिमियर लिग (पिपिएल) र एनपिएलमा खासै भिन्नता रहेन । क्यानले आफैं गर्नुपर्छ भन्ने मैले आफ्नो विचार राखेको थिएँ ।’
अग्रवालका अनुसार १० वर्ष सम्मलाई अनुमती (लाइसेन्स) दिने प्रस्ताव गरिएको थियो । पहिलो वर्ष उक्त कम्पनीले साढे दुई करोड बुझाउने छ । १० वर्षमा ४० करोड रुपैयाँ प्राप्त गर्ने प्रस्ताव रहेको अग्रवालले बताएका छन् ।
क्यानकी पूर्व सिइओ भावना घिमिरेले भारतीय कम्पनीलाई दिने प्रस्ताव गद्दारी भएको बताएकी छिन् । उनले एक ट्वटी गर्दै भनेकी छिन् ‘एनपिएल क्यानले नै गर्नुपर्छ यसमा दुविधा भएन तर भारतीय कम्पनीलाई दिने प्रस्ताव गद्दारी हो । हामी सक्षम छौँ, राष्ट्रिय खेलकुद परिषदको ब्रोडकास्टिङ्ग राईट्सको कथा नदोहोरियोस ।’
त्यस्तै उनले अर्को ट्वीटमा भनेकी छिन्, ‘५ वर्ष अघि मेरै कार्यकालमा एउटा साधारण राष्ट्रिय स्तरको खेलको लागि झण्डै पौने करोडको टाईटल स्पन्सर भटिएको देशमा क्रिकेट संघले गर्ने अन्तराष्ट्रीय स्तरको एक्सक्लुसिभ फ्रान्जाईज लिग एनपिएल को लागि २ करोड कुनै पनि हालतमा ठुलो रकम होइन ।’
क्यानले आगमी वर्ष एनपिएल गर्ने तयारी गरेको छ । साधरण सभामा एनपिएल सञ्चालन गर्न वार्षिक साधरण सभाका प्रतिनिधिहरु एकमत रहेको जनाएका छन् । सभाले क्यानको स्वामित्वमा रहने गरि नेपाली क्रिकेट हित र अनुकुल रहने गरी केन्द्रिय कार्यसमितिलाई एनपिएल सम्झौता प्रक्रिया अघि बढाउने जिम्मेवारी दिएको छ ।
April 19, 2024
एजेन्सी –आशुतोष शर्माको सानदार ब्याटिङका बाबजुद पञ्जाब किंग्स मुम्बई इण्डियन्ससँग बिहीबार इण्डियन प्रिमियर लिग (आइपिएल) मा नाटकीय शैलीमा ९ रनले पराजित भएको छ । पञ्जाबको लागि आठौं क्रमका ब्याटर आशुतोष शर्माले ६१ रन बनाएपनि जितको लागि प्रयाप्त भएन । मुम्बइको जितमा सूर्य कुमारले अर्धशतकीय पारी खेले । मुम्बईका जसप्रित बुमराह र जेराल्ड कोएट्जेको बलिङ महत्वपुर्ण […]
April 18, 2024
काठमाडौं (हाम्रो खेलकुद) – विपिन खत्रीको उत्कृष्ट बलिङमा मधेश प्रदेशलाई ८ विकेटले हराउँदै गण्डकी प्रदेशले वीर गणेशमान सिंह राष्ट्रिय टी-ट्वान्टी च्याम्पिनसिपमापहिलो जित दर्ता गरेको छ। लगातार २ हारपछि पहिलो जित निकाल्ने क्रममा गण्डकीका अर्जुन कुमालले नटआउट ४९ रन बनाए।माथिल्लो मुलपानी मैदानमा जितको लागि १ सय ३ रनको लक्ष्य गण्डकीले १६.३ ओभरमा २ विकेटको नोक्सानीमा पुरा […]
April 18, 2024
काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिप बिहीबार भएको कम योगफलको खेलमा लुम्बिनी प्रदेशले कर्णाली प्रदेशलाई ७ विकेटले सहजै हराएको छ। लुम्बिनीको जितमा कप्तान देव खनालले अर्धशतक बनाए। लुम्बीनीको यो दोस्रो जित हो। ८२ रनको सहज लक्ष्य लुम्बिनीले १२.२ ओभरमा मात्र ३ विकेटको नोक्सानीमा पुरा गर्यो। कप्तान देवले उत्कृष्ट ब्याटिङ गरे। उनले […]