काठमाडौं (हाम्रो खेलकुद) – नेपाली राष्ट्रिय क्रिकेट टोलीको बन्द प्रशिक्षणलाई नेपाल क्रिकेट क्रिकेट संघ (क्यान) ले सहायक प्रशिक्षकमा पूर्व क्रिकेटर मनोज कटवाललाई जिम्मेवारी दिएको छ ।

आगमी अन्तर्राष्ट्रिय क्रिकेट प्रतियोगितालाई मध्यनजर गर्दै क्यानले बिहिबार देखि बन्द प्रशिक्षण थालेको छ । प्रमुख प्रशिक्षकमा जगत टमटा रहँदा सहायक प्रशिक्षकमा नेपाल पुलिस क्लबका मुख्य प्रशिक्षक समेत रहेका राष्ट्रिय क्रिकेट टोलीका पूर्व क्रिकेटर कटवाललाई जिम्मेवारी दिइएको क्यानले जनाएको छ ।

कटवालको प्रशिक्षकमा नेपाल पुलिस क्बलले एक दर्जन भन्दा बढी उपाधि जितेको छ । उनकै प्रशिक्षकमा पुलिसले गत वर्ष प्रधानमन्त्री एक दिवसिय कपको उपाधि जितेको थियो । सन् २०६२ देखि नेपाल पुलिसबाट खेल्न थालेका कटवाल २०६७ सालमा प्रशिक्षण समालेका थिए । विकेटकिपर कटवालले यू१७ हुँदै सन् २००० देखि २००६ सम्म नेपाली राष्ट्रिय टोली प्रतिनिधित्व गरेका थिए ।

दोस्रो संस्करणको पोखरा प्रिमियर लिग (पिपिएल) चितवन राइनोजले अपराजित रहँदै उपाधि जित्दा कटवाल प्रशिक्षक थिए । एभरेष्ट प्रिमियर लिग (इपिएल) मा काठमाडौं किंग्स इलेभेन र धनगढी प्रिमियर लिग (डिपिएल) मा धनगढी स्टार्सको प्रशिक्षको रुपमा काम गरि सकेका छन् ।

क्यानले बन्द प्रशिक्षणमा सुरुमा २२ र पछि थप पाँच गरि कुल २७ जनालाई प्रशिक्षणमा बोलाएको छ । जसमा कुशल मल्ल कक्षा १२ को परिक्षा सकेर प्रशिक्षणमा सामेल हुनेछन् । सन्दीप लामिछाने कोरोना सक्रमणको कारण अस्पताल भर्ना भएका छन् । उनी कोरोनालाई जितेपछि बिग ब्यास लिग खेल्न अष्ट्रेलिया जाने छन् । वसन्त रेग्मी पनि कोरोना संक्रमणको कारण गृहनगर भैरहवामा छन् ।