3 years ago
December 2, 2020
एजेन्सी – विकेटकिपर जस बटलर र शीर्षक्रमका ब्याट्सम्यान डेविड मलानको कीर्तिमानी ब्याटिङसँगै इंग्ल्यान्डले दक्षिण अफ्रिकासँगको तीन खेलको टि२० आई सिरिजमा क्लिनस्विप गरेको छ । क्लिनस्विपसँगै विश्व टि२० वरियतामा इंग्ल्यान्डले अष्ट्रेलियालाई पछि पार्दै शीर्षस्थानमा उक्लिएको छ । तेस्रो तथा अन्तिम टि२० खेलमा ९ विकेटको सानदार जित निकाल्दै इंग्ल्यान्डले घरेलु टोली दक्षिण अफ्रिकामाथि सानदार क्लिनस्विप गरेको हो […]
एजेन्सी – विकेटकिपर जस बटलर र शीर्षक्रमका ब्याट्सम्यान डेविड मलानको कीर्तिमानी ब्याटिङसँगै इंग्ल्यान्डले दक्षिण अफ्रिकासँगको तीन खेलको टि२० आई सिरिजमा क्लिनस्विप गरेको छ ।
क्लिनस्विपसँगै विश्व टि२० वरियतामा इंग्ल्यान्डले अष्ट्रेलियालाई पछि पार्दै शीर्षस्थानमा उक्लिएको छ । तेस्रो तथा अन्तिम टि२० खेलमा ९ विकेटको सानदार जित निकाल्दै इंग्ल्यान्डले घरेलु टोली दक्षिण अफ्रिकामाथि सानदार क्लिनस्विप गरेको हो । जितको लागि १ सय ९२ रनको बलियो विजयी लक्ष्य पछ्याएको इंग्ल्यान्डले १७.४ ओभरमा १ विकेटको क्षतिमा सहजै पूरा गर्यो ।
इंग्ल्यान्डको जितमा टि२० आई वरियताका शीर्षस्थानका ब्याट्सम्यान डेविड मलान ४७ बलमा ११ चौका र ५ छक्का सहित ९९ रनमा अविजित रहे । टि२० आईमा एक रनले शतक बनाउन चुक्ने उनी तेस्रो ब्याट्सम्यान पर्दछन् । जस बटलर ४६ बलमा ३ चौका र ५ छक्का सहित ६७ रनमा अविजित रहे ।
दोस्रो विकेटका लागि मलान र बटलरले १ सय ६७ रनको अविजित विश्व कीर्तिमानी साझेदारी गरेका थिए । जुन टि२० आईमा दोस्रो विकेटको लागि भएको सर्वाधिक ठूलो साझेदारी पर्दछ । ओपनर जेसन रोय १६ रनमा एलबिडब्लू आउट भए । रोयलाई तीव्र गतिका बलर एनरिच नोर्कियाले आउट गरेका थिए ।
त्यसअघि कप टाउनमा टस जितेर पहिला ब्याटिङ रोजेको घरेलु टोली दक्षिण अफ्रिकाले ३ विकेट गुमाउँदै १ सय ९१ रन बनाएको थियो । उसका लागि रास्सी भान डर डुसेन ३२ बलमा ५ चौका र ५ छक्का सहित ७४ रनमा अविजित रहेपनि जितको लागि पर्याप्त रहेन ।
फाफ डु प्लेसिसले ३७ बलमा ५ चौका र ३ छक्का सहित ५२ रनमा अविजित रहे । चौथो विकेटका लागि डु प्लेसिस र डुसेनले १ सय २७ रनको अविजित साझेदारी गरेका थिए । ओपनर क्विन्टन डी कक १७, टेम्बा बभुमा ३२ र रिजा हेन्ड्रिक्स १३ रनमा आउट भए ।
इंग्ल्यान्डका बेन स्टोक्सले २ र क्रिस जोर्डनले एक विकेट लिए । पहिलो खेलमा इंग्ल्यान्ड ५ विकेट र दोस्रो खेलमा ४ विकेटले विजयी भएको थियो । मलान प्लेयर अफ द म्याच र सिरिज चुनिए ।
इंग्ल्यान्ड र दक्षिण अफ्रिकाबीच तीन ओडिआई खेलको सिरिज पनि हुने छ । पहिलो ओडिआई शुक्रबार केप टाउनमा हुने छ । टि२० वरियतामा इंग्ल्यान्ड शीर्ष, अष्ट्रेलिया दोस्रो र भारत तेस्रो स्थानमा छन् ।
March 19, 2024
काठमाडौं (हाम्रो खेलकुद) – राष्ट्रिय महिला क्रिकेट टोलीकी पहिलो कप्तान नेरी थापाले अन्तर्राष्ट्रिय र घरेलु दुबै क्रिकेटबाट सन्न्यासको घोषणा गरेकी छिन् । १७ वर्ष लामो क्रिकेट यात्रामा साथ दिने आफ्नो परिवारलाई विशेष धन्न्यावाद दिँदै नेरीले सोमबार सामाजिक सञ्जाल फेसबुक मार्फत सन्न्यास लिएको घोषणा गेकी हन्। ‘म आज राष्ट्रिय तथा अन्तर्राष्ट्रिय क्रिकेटबाट सन्न्यासको घोषणा गर्दैछु। क्रिकेट […]
March 18, 2024
धनगढी (हाम्रो खेलकुद) – कैलाली प्रिमियर लिगमा शुक्लाफाँटा नगरपालिकाले विजयी सुरुवात गरेको छ । जिल्ला क्रिकेट संघ कैलालीको आयोजनामा सोमबार फाप्ला मैदानमा सुरु भएको कैलाली प्रिमियर लिगमा शुक्लाफाँटाले पर्शुराम नगरपालिकालाई ३५ रनले पराजित गरेको हो । टस जितेर पहिला ब्याटिङ गरेको शुक्लाफाँटाले निर्धारित २० ओभरमा ३ विकेट गुमाउँदै १ सय ८१ रन बनायो । टोलीका […]
March 15, 2024
सुनिल गाँउले, सिमरा प्रथम जीतपुरसिमरा क्रिकेट कप प्रतियोगिता शनिबारदेखि हुँदैछ । जीतपुरसिमरा उपमहानगरपालिका ४ स्थित सेज क्रिकेट मैदानमा सुरु हुने प्रतियोगिताको उद्घाटन खेलमा आयोजक जीतपुरसिमरा क्रिकेट क्लब र पर्सा क्रिकेट संघ भिड्दैछन् । राउण्ड रोबिनका आधारमा संचालन हुने प्रतियोगितामा ६ टोलीको सहभागिता रहेको छ । चैत १० गतेसम्म चल्ने प्रतियोगिताका ६ टोलीलाई दुई समूहमा विभाजन […]