भारतिय क्रीकेटर अजय जडेजा एभ्रेस्ट प्रीमियर लिगको फाइनलमा नेपाल आउने भएका छन । ४५ बर्षिय जडेजा इपिएलको फाइनलमा उपस्थित हुन नेपाल आउने कुरा आयोजकले पत्रकार सम्मेलनमा जानकारी दिएको हो ।
जोहरा स्पोर्टस मेनेजमेन्टले आयोजना गरेको प्रतियोगितामा राष्ट्रिय टोलीका कप्तान पारस खड्का, उपकप्तान ज्ञानेन्द्र मल्लसहित अधिकांश स्टारहरुको सहभागिता रहने प्रतियोगिता असोज ८ देखि १७ गते सम्म कीर्तिपुर स्थित त्रिभुवन विश्व विद्यालयको मैदानमा सञ्चालन हुनेछ ।
जोहरा स्पोर्टस मेनेजमेन्टको म्यानेजिङ डिरेक्टर आमिर अक्तर जडेदाको कलेजको साथी भएको कारण अक्तरले आफुले आयोजना गरेको प्रतियोगितामा जडेजालाई बोलाउन सहज भएको हो ।
असोज ८ देखि सुरु हुने प्रतियोगिताको प्रतक्ष्य प्रसारण कान्तिपुर गोल्डले गर्नेछ ।
