काठमाडौँ (हाम्रो खेलकुद) – एभेरेष्ट प्रिमिएर लिग अन्तर्गत आज टि.यु. मैदानमा भएको खेलमा राइनोजले गुर्खाजलाई ११ रनले पराजित गर्यो।
खेलमा पहिलो ब्याटिङ्ग गरेको राइनोजले ८ विकेटको नोक्सानीमा १२४ रन जोडेको थियो। राइनोजका लागि सोमपाल कामीले सर्वाधिक ४४ रन जोडेका थिए। उनले बलिङ्गतर्फ एक विकेट लिदैं म्यान अफ द म्याच पनि घोषित भए गुर्खाजको लागि ब्याटिङ्ग सम्हालिन नसक्दा निर्धारित २० ओभरमा ११३ रन मात्र जोड्न सक्यो।
दिनको दोश्रो खेलमा एक्स फ्याक्टर्सले सगरमाथा लेजेण्डसमाथि ९ रनको जित दर्ता गर्यो। पहिलो ब्याटिंग गरेको एक्स फ्याक्टर्सले कप्तान ज्ञानेन्द्र मल्लको ५२ र राजेश पुलामी मगरको ५६ रन्को मद्दतले १६८ रनको विशाल योगफल तयार परेको थियो। प्रतियोगितामा उत्कृष्ट लयमा देखिएका ब्याट्सम्यान सूनिल धमलाले ४६ र कप्तान विनोद भण्डारीले ४८ रन बनाएपनि लेजेण्डसले जित हासिल गर्न सकेन। लेजेण्डसको पारि २० ओभरमा सात विकेटको नोक्सानीमा १५९ रनमा टुंगियो।
