5 years ago
January 21, 2021
काठमाडौं (हाम्रो खेलकुद) – नेपाली राष्ट्रिय क्रिकेट टोलीका कप्तान ज्ञानेन्द्र मल्लले आफ्ना एक कलिला समर्थकलाई ब्याट उपहार दिएका छन् ।
काठमाडौंमा जारी प्रधानमन्त्री कप राष्ट्रिय एकदिवसिय क्रिकेट प्रतियोगिता हेर्न टियु मैदानमा दैनिक आउने बालक सुभम रिजाल नाम गरेका समर्थकलाई ज्ञानेन्द्रले आफूले अभ्यास गर्ने ब्याटनै उपहार दिएका छन् । सुभम उमेरले भर्खरका भएपनि नेपाली क्रिकेटका धेरै खेलाडीलाई चिनेका छन् ।
ज्ञानेन्द्रको बिहिबार उनीसँग कुराकानी गर्दै ब्याटमा रहेको स्टिकर निकालेर हस्ताक्षर गर्दै ब्याट उपहार दिएका थिए । टियुमा उक्त ब्याट पाएपछि निकै खुसी हुँदै उनले नेटमा केहि समय ब्याटिङ गरेका थिए । उनीमा खुसीको सिमा नै रहेन ।
बिहिबार उनी दिउँसभर मैदानबाहिर खेल हेर्दै क्रिकेट खेलिरहेका थिए । रिजाल प्रधानमन्त्री कप सुरु भएसँगै दैनिक रुपमा उनी टियु मैदानमा खेल हेर्न आउँछन् । जसमा उनले बागमतीलाई बढी समर्थन गर्ने गर्दछन् । ज्ञानेन्द्र मल्ललाई नजिकबाट नियालेका उनले लगातार मैदानमा हौसला प्रदान गर्दै आएका छन् । ज्ञानेन्द्रले बिहिबार अभ्यासको क्रममा ब्याट दिएका हुन् ।
सुभम सुरुको दिनदेखिनै लगातार मैदानमा खेल हेर्न आएका छन् । विशेषत बागमतीको खेलमा उनको समर्थन, उत्साह र हौसला बढी हुने गर्दछ । उनी ज्ञानेन्द्रका ठूला फ्यान हुन् । उनको क्रिकेट प्रतिको क्रेज देखेर पहिलो दिनपछि टिकट काउन्टरले निशुल्क प्रवेश गराएको छ । टियु मैदानमा विद्यार्थीलाई २५ र अन्यलाई ५० रुपैयाँ तोकिएको छ ।
सुभमले ज्ञानेन्द्रसँग सुरुकै दिन ब्याट मागेका थिए । ज्ञानेन्द्रले अभ्यासको क्रममा भेटेरै उनीसँग केहि समय कुरा गरेका थिए । ज्ञानेन्द्रले उनलाई त्यसबेला नै ब्याट दिने बाचा गरेका थिए । ज्ञानेन्द्रले पनि रमाईलो र निकै चाखका रुपमा उनीसँग कुराकानी गरेका थिए ।
सुभमले आफू खेतमा टेष्ट क्रिकेट खेल्ने, लेग स्पिनर भएको, टि२०मा फाइभ डाउन ब्याटिङ गर्ने, ज्ञानेन्द्र दाईको काठमाडौं क्रिकेट टेनिङ सेन्टर एकेडेमी रहेको लगायतका चाखलाग्दा कुरा गरेका थिए । ज्ञानेन्द्रले पनि केटाकेटी शैलीमा उनीसँग रमाईलो मान्दै कुराकानी गरेका थिए ।
ज्ञानेन्द्रले उनको क्रिकेट प्रतिको क्रेज र समर्थन देखेर ब्याट दिने बाचा गरेका थिए । बिहिबार अभ्यास गर्न आएको बेला उनलाई आफैं खेल्ने ब्याट ल्याइदिएका थिए । अझ उनले खेल्न सकुन भनेर आफूले खेल्ने ब्याटलाई तासेर केहि सानो पनि बनाइदिएका थिए ।
सबै तस्बिरहरु : विशाल पोखरेल
December 16, 2025
भुपेन्द्र जि.सी. नेपाल प्रिमियर लिग (एनपिएल) मा लिगबाटै बाहिरिने अवस्थामा पुगेको लुम्बिनी लायन्सलाई अप्रत्याशित पुनरागमनका साथ च्याम्पियन बनाउन स्पिनर शेर मल्लले गजबको प्रदर्शन गरे । एनपिएलमा १७ विकेट लिर्दै उदीयमान खेलाडी चुनिएका शेर विराटनगर किंग्सका कप्तान सन्दीप लामिछाने र सुदूरपश्चिम रोयल्सका तीव्र गतिका बलर अभिनाश बोहरासँग संयुक्त रुपमा सर्वाधिक विकेट लिने खेलाडी बने । पहिलो […]
December 16, 2025
काठमाडौं (हाम्रो खेलकुद)- लिग चरणमा संघर्ष गर्दै अघि बढेको लुम्बिनी लायन्सलाई सुरुमा नेपाल प्रिमियर लिग (एनपिएल) को दाबेदारका रूपमा हेरिएको थिएन। लिग चरणका ४ खेल सकिँदा मात्र २ अंक जोड्न सकेको लुम्बिनीमाथि प्रश्नचिन्ह खडा भइसकेको थियो। तर पाँचौँ खेलबाट जितको लय समातेपछि लुम्बिनीले पछाडि फर्केर हेर्नु परेन। शनिवार क्रिकेट मैदानबाट टियु रंगशालामा रूपान्तरण गरिएको फ्लडलाइटमा […]
December 15, 2025
काठमाडौं (हाम्रो खेलकुद)- लगातार दोस्रो हारसँगै नेपाली युवा टोली युएईमा जारी एसिसी यु १९ एसिया कपबाट बाहिरिएको छ । समूह चरणको आफ्नो दोस्रो खेलमा नेपालले बंगलादेशसँग ७ विकेटले हार बेहोरेको थियो। समूह लगातार दुई खेल हारेको अफगानिस्तान पनि प्रतियोगिताबाट बाहिरिएको छ। बंगलादेशले र श्रीलंका दुवै टोलीले नेपाल र अफगानिस्तानलाई हराएका छन्। आज नेपालले दिएको १ […]
