3 years ago
January 27, 2021
काठमाडौं (हाम्रो खेलकुद) – चौथो संस्करणको प्रधानमन्त्री कप राष्ट्रिय एकदिवसिय क्रिकेट प्रतियोगिता पहिलो सेमिफाइनलमा नेपाल एपिएफ क्लबले नेपाल पुलिसविरुद्ध पहिला ब्याटिङ गर्ने भएको छ । टियु क्रिकेट मैदानमा पुलिसका कप्तान मन्जित श्रेष्ठले टस जितेर पहिला बलिङ गर्ने निर्णय लिएका छन् । एपिएफले आजको खेलमा ओपनर रित गौतम, स्पिनर वसन्त रेग्मी र किशोर महतोलाई बेन्चमा राखेको […]
काठमाडौं (हाम्रो खेलकुद) – चौथो संस्करणको प्रधानमन्त्री कप राष्ट्रिय एकदिवसिय क्रिकेट प्रतियोगिता पहिलो सेमिफाइनलमा नेपाल एपिएफ क्लबले नेपाल पुलिसविरुद्ध पहिला ब्याटिङ गर्ने भएको छ ।
टियु क्रिकेट मैदानमा पुलिसका कप्तान मन्जित श्रेष्ठले टस जितेर पहिला बलिङ गर्ने निर्णय लिएका छन् । एपिएफले आजको खेलमा ओपनर रित गौतम, स्पिनर वसन्त रेग्मी र किशोर महतोलाई बेन्चमा राखेको छ । टोलीमा यसअघि अन्तिम १४ बाहिर रहेका अफ स्पिनर सूर्य तामाङलाई मौका दिएको छ । पुलिसले भने टोलीमा परिवर्तन गरेको छैन ।
एपिएफ समूह ‘ए’ को विजेता हो भने पुलिस समूह ‘बी’ को उपविजेता हो । जारी प्रतियोगितामा एपिएफ अपराजित छ । पुलिसले बागमतीसँग ७ विकेटले हारेको थियो । पुलिस पहिलो हार देखि सजग छ । अपराजित एपिएफलाई हराउँदै पुलिस फाइनलमा पुग्न चाहन्छ । एपिएफ अपराजित लयलाई कायमै राख्दै दोस्रो पटक फाइनलमा पुग्न चाहन्छ ।
पुलिस मञ्जित श्रेष्ठ र एपिएफ शरद भेषावकरको कप्तानीमा मैदान उत्रने छन् । पुलिस तेस्रो र एपिएफ दोस्रो पटक फाइनलमा पुग्ने सोचमा छन् । एपिएफले दोस्रो र पुलिसले तेस्रो संस्करणको उपाधि जितेका थिए । राष्ट्रिय टोलीको बाहुल्यता भएका यी दुई विभागीय टोलीबीच कडा प्रतिस्पर्धा हुने आशा राखिएको छ ।
एपिएफको टोली : शरद भेषावकर (कप्तान), सूर्य तामाङ, सुबास खकुरेल, सन्दीप जोरा, कमलसिंह ऐरी, सुमित महर्जन, शंकर राना, भुवन कार्की, मोहम्मद आसिफ शेख, अमर सिंह राउटेला र अभिनास बोहरा
पुलिसको टोली : मन्जित श्रेष्ठ (कप्तान), कुशल भुर्तेल, अनिल शाह, अमित श्रेष्ठ, दीपेन्द्र सिंह ऐरी, आरिफ शेख, सुनिल धमला, सागर ढकाल, ललित नारायण राजवंशी, राशिद खान, पवन सरार्फ
April 24, 2024
काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिपमा बुधबार लुम्बिनी प्रदेशले सुदूरपश्चिम प्रदेशलाई २३ रनले हराउँदै फाइनलमा पुग्ने संभावना कायमै राखेको छ। लुम्बिनीको जितमा आकाश त्रिपाठीले ६७ रनको पारी खेले। १ सय ३८ रनको विजय लक्ष्य पछाएको सुदूरपश्चिम १८.३ ओभरमा मात्र १ सय १८ रनमा अल आउट भयो। सुदूरपश्चिमले कुनैपनि समयमा ठूलो साझेदारी […]
April 24, 2024
काठमाडौं (हाम्रो खेलकुद)- नेपाल क्रिकेट टोलीसँगको ५ टि ट्वान्टी खेलका लागि वेस्ट इन्डिज ‘ए’ टोली बुधबार नेपाल आइपुगेको छ । दुई पटकको टि ट्वान्टी विश्वकप विजेता वेस्ट इन्डिजको ए टोलीको कप्तानमा रोस्टन चेस छन् । नेपाल क्रिकेट संघ (क्यान) का क्रिकेट मेनेजर विनोद दासले वेस्ट इन्डिज टोलीलाई त्रिभुवन अन्तर्राष्ट्रिय विमानस्थलमा स्वागत गरेका थिए। कीर्तिपुरस्थित त्रिवि मैदानमा […]
April 24, 2024
काठमाडौं (हाम्रो खेलकुद) – गण्डकी प्रदेशले वीर गणेशमान सिंह राष्ट्रिय टी–ट्वान्टी च्याम्पिनसिपमा पुछारमा रहेको कोशी प्रदेशलाई बुधबार ४ विकेटले पराजित गरेको छ । गण्डकीको यो दोस्रो जित हो । जितका बाबजुद गण्डकी लिग चरणबाटै बाहिरिसकेको छ । लगातारको पाँचौ हार बेहोरेको कोशीले अंकको खाता खोल्न सकेको छैन । कर्णाली पनि लिग चरणबाटै बाहिरिएको छ । […]