काठमाडौँ (हाम्रो खेलकुद) – राजधानीमा जारि एभरेष्ट प्रिमिएर लिग अन्तर्गत आज भएको खेलमा पन्चकन्या तेजले सगरमाथा लेजेन्ड्सलाइ ४९ रनको भारि अन्तरले हरायो।
म्यान अफ द म्याच करण केसीको आक्रमण ब्याटिङ्गको मद्दतले पन्चकन्या तेजले पहिलो इनिंग्समा १८५ रनको विशाल योगफल खडा गरेको थियो। केसीले ३१ बलमा चार चौका र चार छक्काको मद्दतले ५२ रन बनाएका थिए। तेजका लागी ओपनर असिफ सेख २ रनमा आउट भए भने अन्य सबै ब्याट्सम्यानले दोहोरो अंकमा रन बनाएका थिए।
१८६ रनको लक्ष्य पछ्याएको लेजेन्ड्सले कुनै समयमा पनि खेलमा हावी हुन सकेन। मेहबुब आलमले २३, राहुल विश्वकर्मा र चन्द्र साउदले २२ रन बनाएर टोलीलाई सम्मानजनक योगफल तर्फ डोर्याएका थिए। लिगमा पहिलोपल्ट अल आउट हुन पुर्व टोलीले १३६रन जोड्न सक्यो। एक समयमा लेजेन्ड्स ६-६८को दयानिय स्थितमा थियो।
