काठमाडौं (हाम्रो खेलकुद) – नेपाली राष्ट्रिय क्रिकेट टोलीका अलराउन्डर सोमपाल कामीले आबुधाबी टि१० लिग अन्तर्गत सिजनको पहिलो खेलमा नै डेब्यु गर्ने भएका छन् ।

सिजनको पहिलो खेलमा मराठा अरेबियन्सको प्लेइङ ११ मा सोमपाल सामेल भएका छन् । नर्दर्न वारियार्सविरुद्ध खेलमा मराठाका कप्तान मोसदेक होसेनले टस जितेर फिल्डिङ रोजेका छन् ।

मराठाले प्लेइङ ११ मा सोमपालसँगै लौरी एभान्स, जाभेद अहमादी, अब्दुल बांगाश, मोहमद हफिज, प्रविन ताम्बे, इशान मलहोत्रा, सोमपाल कामी, मुक्तार अली, सोहाग गाजी र यामिन अहम्द्जाईलाई उतारेको छ ।

निकोलस पुरन कप्तान रहेको वारियार्समा रोभमान पावेल, लेन्डल सिमन्स, ब्रेन्डन किङ्ग, मोहमद वासिम, रायद एम्रित, फबियन एलन, वायन पार्नेल, वाहब रियाज, जुनेद सिदिकी र महेश ठिकसाना रहेका छन् ।

त्यस्तै नेपाली अलराउन्डर करण केसी सम्मिलित पुणे डेभिल्स र डेकन ग्ल्याडियटर्स खेल्दै छन् । खेल नेपाली समय अनुसार ८ बजे आबूधाबीमा चल्ने छ । डेकन वेस्टइन्डिजका काइरन पोलार्डको कप्तानीमा मैदान उत्रने छ ।

डेकनमा सुनिल नारायण, कोलिन इनग्राम, पोलार्ड र इमरान ताहिर लगायतका विश्वका चर्चित खेलाडी छन् । यता करणको टोली पुणेमा चाडविक वाल्टन, साम विलिंग्स, थिसेरा परेरा, मोहम्मद आमिर लगायतका विश्व चर्चित खेलाडी हुँदा सम्भावना कम देखिन्छ ।