काठमाडौँ (हाम्रो खेलकुद) – एभरेष्ट प्रिमिएर लिग अन्तर्गत आज भएको पहिलो खेलमा ज्ञानेन्द्र मल्लको कलर्स एक्स-फ्याक्टर्सले शक्ति गौचनको कप्तानीमा रहेको जगदम्बा राइनोजलाइ सुपर ओभरमा हराएको छ।
पहिलो ब्याटिङ्ग गरेको एक्स-फ्याक्टर्सले निर्धारित २० ओभरमा ८ विकेटको क्षतिमा ११२ रन जोडेको थियो। ओपनर हरिशंकर शाह र फैजल खान नचलेपनि राजेश र कप्तान ज्ञानेन्द्रले पारि सम्हालेका थिए। ज्ञानेन्द्रले ४४ बलमा २९ रन बनाए भने राजेशले २९ रन बनाउन २९ बल खर्चे। बलिङ्ग तर्फ सोमपाल कामि र निजामुद्दीन हलवाईले समान ३-३ विकेट लिए।
११३ रन्को लक्ष्य पछ्याएको राइनोजको इनिंग्स सन्जम रेग्मीको स्पिनसामु टिक्न सकेन। सुरुवाती चार विकेट लिएका सन्जमले चार ओभरमा मात्र १२ रन खर्चे। सोमपाल र पवनले समान १९ रन बनाएपछि राइनोजको पारि सम्हालिएको थियो। अन्तिम ओभरमा अभिनाश कर्णले १३ रन दिएपछि खेल सुपर ओभरमा लम्बिएको थियो।
सुपर ओभरमा १० रन जोडेको राइनोजले सोमपाल र सौरभ खनाललाइ ब्याटिङ्गमा पठाएको थियो भने एक्स-फ्याक्टर्सका अभिनाश कर्णले बलिंग गरेका थिए। सिधान्त लोहनीले सोमपालको पहिलो बलमा नै छक्का प्रहार गरेपछि एक्स-फ्याक्टर्सले सहजै जित हात परेको थियो।
खेलको म्यान अफ द म्याच सन्जम रेग्मी घोषित भए।
