आज त्रिभुवन बिश्वबिद्यालयको खेल मैदानमा भएको ईपीएलको फाइनलमा कलर्स एक्स फ्याटर्सलाई पराजित गर्दै तेजले उपाधी जितेको छ । तेजका लागि १६ बर्षे आशिफ शेखले शतकिय पारी खेल्दै म्यान अफ द म्यात्च घोषित भएका थिए ।
पहिलो ब्याटिङ गरेको तेजको लागि ओपनिङमा गएका कप्तान शरद ले खाता खोल्न नसकेपनी अर्का ओपनर आसिफले उत्कृष्ट प्रदर्शन गरे, उनले ६४ बल मा १११ रन को पारी खेले भने उनका दाई को ब्याटबाट २३ रनको योगदान भएको थियो । २० ओभरमा चार विकेट गुमाउदै १७१ रन बनाएको तेजका लागि अन्य ब्याट्सम्यान करणले ५, पृथुले ८ र सोनुले १२ रन बनाएका थिए ।
१७२रन को लक्ष्य लिएर उत्रीएको एक्स फ्याक्टर्सका लागि ओपनिङ आएका फैजल खाता नखोली आउट भए र अर्का ओपनर हरीपनी १४रन बनाउदै पेभोलियन फर्किएका थिए । ४० रनले पराजित भएको एक्स फ्याटर्सका लागि कप्तान ज्ञानेन्द्रले ४७ र राजेश पुलामीले ३७रन को योगदान दिएका थिए । १७.३ ओभरमा कलर्सलाई समेट्दा तेजका करणले ३, शरद र सुनिल ले २ विकेट लिएका थिए ।
खेलको म्यान अफ द म्यात्च अशिफ शेख भए भने प्रतियोगिताको उत्कृष्ट खेलाडी सोमपाल कामी भएका थिए । टिबी शाह इमर्जिङ प्लेएर आशिफ शेख चुनिए ।
