काठमाडौं (हाम्रो खेलकुद) – युवा तीव्र गतिका बलर अनुज चनाराले खेलकुद सामाग्री किन्नको लागि दक्षिण कोरियाबाट आर्थिक सहयोग पाएका छन् ।

अनुजले दक्षिण कोरियाबाट खेलप्रेमीले सहयोग संकलन गरेपछि आर्थिक सहयोग प्राप्त गरेका हुन् । दुई साताअघि कर्णाली प्रदेशबाट प्रधानमन्त्री कप प्रतियोगितामा खेल्दै उत्कृष्ट प्रर्दशन गरेपछि ओमान भ्रमणको लागि नेपाली टोलीको बन्द प्रशिक्षणमा अनुज परेपछि हाम्रो खेलकुद डटकमले उनको क्रिकेट यात्रालाई समेट्दै ‘साथीको जुत्ता र भान्जाको साथमा राष्ट्रिय टोलीको यात्रा’ शीर्षकमा समाचार लेखेको थियो ।

जाजरकोटका १६ वर्षिय अनुजले आर्थिक अवस्था कमजोर हुँदा प्रधानमन्त्री कपमा साथीको जुत्ता मागेर खेलेको कुरा समेट्दै समचार आएको थियो । बन्द प्रशिक्षणमा आउँदा उनको साथीको खेल परेपछि उक्त जुत्ता साथीले नै लगाएको र उनी एक वर्षअघि किनेको सामान्य जुत्ता लगाएर आएका थिए ।

उक्त समचारसँगै अनुजले जुत्ता र खेलकुद सामाग्री किन्नको लागि आर्थिक सहयोग पाउन थालेका थिए । सोमबार दक्षिण कोरियामा सुदीप रावतको विशेष पहलमा अनुजलाई अनलाइनमा एक कार्यक्रमकाबीच अनुजलाई ८ लाख २७ हजार वन (८६ हजार ७ सय रुपैयाँं) हस्तान्तरण गरेका छन् । जाजरकोट निवासी सुदीपले हाम्रो खेलकुदमा उक्त समचार आएपछि अनुजलाई सहयोग गर्न दक्षिण कोरियामा रहेका नेपालबीच अभियान चलाएका थिए । सोमबार सुदीप, अनुज र उनका मामा नरेन्द्र विकले अनलाइन कार्यक्रमका बीच उक्त रकम प्राप्त गरे ।

‘जाजरकोट झाडापखला उपचार नभएर ज्यान गुमाउने ठाउँ हो । त्यो ठाउँबाट आएर राष्ट्रिय टोलीको बन्द प्रशिक्षण सम्म आउनु ठूलो गर्वको कूरा हो । अनुजलाई खेलकुद सामाग्री सहयोगको लागि आर्थिक सहयोग गर्न पाउँदा धेरै खुसी छौं । आगमी दिनमा पनि आवश्यक परे सहयोग गर्न तयार रहने छौं’, सुदीपले भने । उनले अनुजलाई निरन्तर खेलमा केन्द्रित हुँदै कर्णाली र नेपालको नाम चिनाउन मिहिनेत गरि रहन आग्रह समेत गरे ।

यसअघि नेपाली क्रिकेटका सक्रिय समर्थक तारा पाठक, विनोद जि.सी, गोविन्द भुषाल, प्रतीक उपाध्याय, जय लामिछाने र कृष्ण खनाल मिलेर मंगलबार १८ हजार नेपाली रुपैयाँ बराबरको जुत्ता हस्तान्तरण गरेका थिए । अनुजलाई बागलुङ नगरपालिका वडा नम्बर ८ का वासिन्दा तथा अधिबक्ता रमेश बहादुर खड्काले ७ हजार र कमल सुनचाँदी पसल पोखरा, बेनी र म्याग्दीका प्रमुख कमल विश्वकर्माले पनि ५ हजार सहयोग गरेका थिए । सौराह स्यान्ड्सले पनि अनुजलाई जुत्ता किन्नको लागि १५ हजार रुपैयाँ सहयोग गरेको थियो ।

अनुज ओमान भ्रमणको लागि पहिलो पटक राष्ट्रिय क्रिकेट टोलीको बन्द प्रशिक्षणमा परेका थिए । एक साता राष्ट्रिय टोलीको बन्द प्रशिक्षणबाट पहिलो चरणमा सहभागी भएका अनुज दोस्रो चरणमा पर्न असफल रहे । चैत्रमा ओमानमा हुने भनिएको उक्त सिरिज पनि स्थगित भइसकेको छ । क्यानले दोस्रो चरणमा २० खेलाडीलाई राखेर प्रशिक्षण थालेको छ ।

अनुजलाई कोरियाबाट सहयोग गर्नेको नामवाली :

१.सुदिप रावत- १०१००० वन

२.कमल केसी- ३००००वन

३.भीम रोकाय- २००००वन

४.तेजबिक्रम रोकाय- ३१०००वन

५.भानु मगर- ५००००वन

६.प्रकाश बस्नेत- ३१०००वन

७.साकेन्द्र चनारा- ४००००वन

८. नेपाल कार्की- ५००००वन

९.हरि थापा- ३००००वन

१०.पूर्ण बुढा- १६०००वन

११.केपी कुसारी- ५००००वन

१२.तिलक हमाल- ३००००वन

१३.गणेश कोइराला- २१०००वन

१४.कुशल दर्लामी- ३००००वन

१५.लक्ष्मीनारायण बस्नेत- १६०००वन

१६.यज्ञराज कंडेल- २००००वन

१७.कमल मगर – २००००वन

१८.निमा गुरुङ- ३००००वन

१९.बसन्त बाबु बस्नेत- २००००वन

२०.तुलश गुरुङ- २१०००वन

२१.भक्तराज योगी- २१०००वन

२२.धर्मराज शाही- १६०००वन

२३.कमल मगर-३००००वन

२४.मोहन राउत- १००००वन

२५.दिनेश क्षेत्री- १५०००वन

२६.हिमाल बोहोरा- १००००वन

२७.एम के राई- ३००००वन

२८.दिपेन थापा- २५०००वन

२९.बिमल सुबेदी- १००००वन