एजेन्सी – इन्डियन प्रिमियर लिग (आइपिएल) २०२१ को अक्सन चेन्नईमा सकिएको छ । चेन्नईमा सकिएको अक्सनमा दक्षिण अफ्रिका क्रिस मोरिस सर्वाधिक महँगो मूल्यमा अनुबन्ध भएका छन् ।

मोरिसलाई राजस्थान रोयल्सले आइपिएल इतिहासकै सर्वाधिक रकम क्रममा १६ करोड २५ लाख खर्चेर खरिद गर्यो । नेपाली लेगस्पिनर सन्दीप लामिछानेलाई पनि कुनैपनि टोलीले अक्सनमा खरिद गरेनन् । अक्सनमा इंग्ल्यान्डका ओपनर जेसन रोय, एलेक्स हेल्स र अष्ट्रेलिया आरोन फिन्च जस्ता चर्चित ओपनरलाई कुनैपनि टोलीले लिएनन् ।

अक्सनमा बेंगलोरले दुई खेलाडी १० करोडभन्दा माथि खर्चेर अनुबन्ध गर्यो । भारतीय पुर्व क्रिकेट सचिन तेन्दुलकरका छोरा अर्जुन तेन्दुलकुरलाई मुम्बई इन्डियन्सले खरिद गरेको छ । १० करोडभन्दा माथि मूल्य परेका ग्लेन म्याक्सवेल बाहेक अन्य सबै तीव्र गतिका अलराउन्डर रहेका छन् ।

अक्सनमा कुल ६१ खेलाडीको कोटा बाँकी थियो । जसमा ५७ खेलाडी खक्सनमा बिक्री भएका छन् । राजस्थानले एक र बेंगलोरले तीन खेलाडी खाली राख्दा अन्य सबै टोलीमा २५–२५ खेलाडी भएका छन् । स्टिभ स्मिथ र डेविड मलान अपेक्षा भन्दा धेरै न्यून रकममा अनुबन्ध हुन पुगे ।

आइपिएल अक्सन २०२१ मा बिक्री भएका सम्पूर्ण खेलाडी, रकम र टोली:

चेन्नई सुपर किंग्स : कृष्णप्पा गौवथम (९ करोड २५ लाख , मोइन अली (७ करोड, चेतेश्वर पुजारा (५० लाख), भगर्थ बर्मा (२० लाख), हरि निसान्थ (२० लाख) र एम हरिशंकर रेड्डी (२० लाख)

दिल्ली क्यापिटल्स : टम करन ( ५ करोड २५ लाख , स्टिभ स्मिथ (२ करोड २० लाख, साम विलिंग्स (२ करोड), उमेश यादव (१ करोड), रिपल पटेल, विष्णु विनोद, लुकमान मेरिवाल र एम सिद्धार्थ (समान २० लाख)

कोलकाता नाइट राइडर्स : सकिब अल हसन (३.२ करोड), शेल्डन ज्याकसन (२० लाख), विभव आरोन (२० लाख), करुण नायर (५० लाख), हरभजन सिंह (२ करोड), बेन कटिङ (७५ लाख), वेन्केश ऐर (२० लाख) र पवन नेगी (५० लाख)

मुम्बई इन्डियन्स : नाथन कुल्टर नाइल (५ करोड), एडम मिल्ने (३ करोड २ लाख), पियुष चवला (२ करोड ४ लाख), जेम्स निसम (५० लाख), युधवीर चरक (२० लाख), मार्को जेनसन (२० लाख), अर्जुन तेन्दुलकुर (२० लाख)

पन्जाब किंग्स : झेय रिचर्डसन (१४ करोड), राइली मेरेडीथ (८ करोड), शाहरुख खान( ५ करोड २५ लाख), मोइजेस हेनरिक्स (४.२ करोड) डेविड मलान (१ करोड ५० लाख , जलाज सक्सेना (३० लाख, उत्कर्ष सिंह (२० लाख), फबेन एलिएन (७५ लाख), सौरभ कुमार (२० लाख)

राजस्थान रोयल्स : क्रिस मोरिस (१६ करोड २५ लाख), शिवम दुबे (४ करोड ४० लाख), चेतन सकरिया (१ करोड २ लाख), मुस्ताफिजुर रहमान (१ करोड), केसी चरिप्पा (२० लाख), लियाम लिभिङस्टोन (७५ लाख), कुलदीप यादव (२० लाख), आकाश सिंह (२० लाख)

रोयल च्यालेन्जर्स बेंगलोर : काइल जामिसन (१५ करोड), ग्लेन म्याक्सवेल (१४ करोड २५ लाख , डेन क्रिष्टियन (४ करोड ८० लाख, सचिन वेबी, राजत पतिदार, मोहम्मद अजहरुद्दिन, सिकर भारत र सुयस प्रधुदेसमई (समान २० लाख)

सनराइजर्स हैदराबाद : केदार जाधव (२ करोड), जे सुचित (३० लाख), मुजिब उर रहमान (१.५ करोड)