3 years ago
February 25, 2021
काठमाडौं (हाम्रो खेलकुद) – नेपाल क्रिकेट संघ (क्यान) ले नेपाली राष्ट्रिय क्रिकेट टोलीको बन्द प्रशिक्षण अनिश्चित समयलाई स्थगित गरेको छ । दोस्रो चरणको प्रशिक्षण सुरु भएको दुई हप्तामा स्थगित हुन पुगेको हो । क्यानले फागुन २२ देखि सुरु हुने काठमाडौं मेयर कप–२०७७ लाई कारण देखाउँदै मंगलबारदेखि स्थगित गरेको जनाएको छ । क्यानले फागुन २ गते […]
काठमाडौं (हाम्रो खेलकुद) – नेपाल क्रिकेट संघ (क्यान) ले नेपाली राष्ट्रिय क्रिकेट टोलीको बन्द प्रशिक्षण अनिश्चित समयलाई स्थगित गरेको छ । दोस्रो चरणको प्रशिक्षण सुरु भएको दुई हप्तामा स्थगित हुन पुगेको हो ।
क्यानले फागुन २२ देखि सुरु हुने काठमाडौं मेयर कप–२०७७ लाई कारण देखाउँदै मंगलबारदेखि स्थगित गरेको जनाएको छ । क्यानले फागुन २ गते देखि दोस्रो चरणको प्रशिक्षणमा २० खेलाडीलाई राखेको थियो ।
‘मेयर कप सकिँदा फागुन पनि सकिन्छ । त्यसपछि तत्काल बोलाउने वातावरण नहुन सक्छ, के निर्णय हुन्छ त्यसमा भरपर्छ’, क्यानका सचिव अशोकनाथ प्याकुरेलले हाम्रो खेलकुदसँग भने, ‘ मेयरकपपछि प्रशिक्षकसँग छलफल गरेर टुंगो लगाउने छौं । झट्ट हेर्दा क्याम्प राखि राख्नु पर्ने परिस्थीति भने देखिदैन । अनिश्चित समयको लागि स्थगित भएको हो, परिस्थिति हेरेर मात्र प्रशिक्षण थाल्ने छौं ।’
नेपालले चैतमा ओमानमा अमेरिकासँग आइसिसी विश्वकप लिग–२ अन्तर्गत एक दिवसिय त्रिकोणात्मक सिरिज खेल्ने तालिका रहेपनि कोरोना महामारीलाई देखाउँदै आइसिसीले स्थगित गरेको थियो । उक्त भ्रमणको लागि क्यानले दुई चरणमा खेलाडी बोलाएको थियो । पहिलो चरणमा २१ र दोस्रो चरणमा २० खेलाडीलाई प्रशिक्षणमा बोलाएको थियो ।
मेयर कप फागुन २२ देखि २९ गते सम्म टियु र मुलपानी क्रिकेट मैदानमा हुने छ । पाँच टोलीबीच प्रतिस्पर्धा हुने छ । माघमा सम्पन्न प्रधानमन्त्री कप पुरुष एक दिवसीय राष्ट्रिय क्रिकेट प्रतियोगिताका चार वटा सेमिफाइनलिस्ट टिमहरू त्रिभुवन आर्मी क्लब, एपीएफ, नेपाल पुलिस क्लब र बाग्मती प्रदेश सँगै काठमाडौं महानगरपालिका टोलीले मेयर कपमा प्रतिस्पर्धा गर्नेछन् ।
महानगरको टोली प्रधानमन्त्री कपमा सहभागी प्रदेश १, प्रदेश २, गण्डकी प्रदेश, लुम्बिनी, कर्णाली प्रदेश र सुदूरपश्चिम प्रदेशका खेलाडी समावेश गरेर तयार हुनेछ । टोलीहरुले सिंगल राउन्ड रोविनमा खेलेपछि शीर्ष दुई टोलीले फाइनल खेल्नेछन् ।
March 18, 2024
धनगढी (हाम्रो खेलकुद) – कैलाली प्रिमियर लिगमा शुक्लाफाँटा नगरपालिकाले विजयी सुरुवात गरेको छ । जिल्ला क्रिकेट संघ कैलालीको आयोजनामा सोमबार फाप्ला मैदानमा सुरु भएको कैलाली प्रिमियर लिगमा शुक्लाफाँटाले पर्शुराम नगरपालिकालाई ३५ रनले पराजित गरेको हो । टस जितेर पहिला ब्याटिङ गरेको शुक्लाफाँटाले निर्धारित २० ओभरमा ३ विकेट गुमाउँदै १ सय ८१ रन बनायो । टोलीका […]
March 15, 2024
सुनिल गाँउले, सिमरा प्रथम जीतपुरसिमरा क्रिकेट कप प्रतियोगिता शनिबारदेखि हुँदैछ । जीतपुरसिमरा उपमहानगरपालिका ४ स्थित सेज क्रिकेट मैदानमा सुरु हुने प्रतियोगिताको उद्घाटन खेलमा आयोजक जीतपुरसिमरा क्रिकेट क्लब र पर्सा क्रिकेट संघ भिड्दैछन् । राउण्ड रोबिनका आधारमा संचालन हुने प्रतियोगितामा ६ टोलीको सहभागिता रहेको छ । चैत १० गतेसम्म चल्ने प्रतियोगिताका ६ टोलीलाई दुई समूहमा विभाजन […]
March 13, 2024
काठमाडौं (हाम्रो खेलकुद) – अन्तर्राष्ट्रिय क्रिकेट परिषद (आइसीसी) का प्रमुख ग्रेग बार्कले अर्को साता नेपाल भ्रमणमा आउने भएका छन् । नेपाल क्रिकेट संघ (क्यान) ले नेपाली क्रिकेटमा थप अवसरको सिर्जना गर्न र विकासलाई गति दिन बार्कलेको भ्रमण महत्त्वपूर्ण हुने बताएको छ । बार्कले १८ मार्चमा काठमाडौं आएर ४ दिन नेपाल भ्रमण गर्ने तालिका रहेको छ […]