3 years ago
February 25, 2021
एजेन्सी – भारतीय क्रिकेट टोलीका २१ वर्षिय युवा ओपनर पृथ्वी शा ले भारतको चर्चित एक दिवसिय विजय हजारे ट्रफी प्रतियोगितामा मुम्बईबाट पुडुचेरीवरुद्ध दोहोरो शतकका साथ कीर्तिमान बनाएका छन् । सवाई मानसिंह स्टेडियम जयपुरमा जारी खेलमा मुम्बईले टस हारेर पहिला ब्याटिङ गर्दै ५० ओभरमा ४ विकेटको क्षतिमा कुल ४ सय ५७ रन बनायो । पृथ्वी शा […]
एजेन्सी – भारतीय क्रिकेट टोलीका २१ वर्षिय युवा ओपनर पृथ्वी शा ले भारतको चर्चित एक दिवसिय विजय हजारे ट्रफी प्रतियोगितामा मुम्बईबाट पुडुचेरीवरुद्ध दोहोरो शतकका साथ कीर्तिमान बनाएका छन् ।
सवाई मानसिंह स्टेडियम जयपुरमा जारी खेलमा मुम्बईले टस हारेर पहिला ब्याटिङ गर्दै ५० ओभरमा ४ विकेटको क्षतिमा कुल ४ सय ५७ रन बनायो । पृथ्वी शा ले १ सय ५२ बलमा ३१ चौका र ५ छक्का सहित २ सय २७ रनको अविजित दोहोरो शतकीय इनिङ खेले ।
जुन विजय हजारे ट्रफी इतिहासै सर्वाधिक उच्च व्यक्तिगत स्कोर हो । यसअघि विजय हजारे ट्रफीमा सर्वाधिक व्यक्तिगत स्कोर सन्जु स्यामसनको नाममा थियो । सन् २०१९ मा सन्जु स्यासमनले केरलाबाट गोवाविरुद्ध २ सय १२ रनमा अविजित रहँदै कीर्तिमान राखेका थिए ।
त्यस्तै पृथ्वी लिष्ट ए मा एक इनिङमा सर्वाधिक रन बनाउने कप्तान पनि बनेका छन् । यसअघि उक्त कीर्तिमान दक्षिण अफ्रिका पूर्व क्रिकेटर ग्रिम पोलकको नाममा थियो । पोलकले लिष्ट ए मा कप्तानी गर्दै २ सय २२ रनको अविजित इनिङ खेलेका थिए ।
पृथ्वीले दोहोरो शतक प्रहार गर्दा सूर्यकुमार यादवले ५८ बलमा २२ चौका र ४ छक्का सहित १ सय ३३ रनको आक्रामक शतकीय इनिङ खेले । पाडुचेरीका पंकज सिंहले सर्वाधिक २ विकेट लिए ।
पृथ्वी गत डिसेम्बरमा अष्ट्रेलियाविरुद्ध पहिलो टेष्टमा शून्य र ४ रनमा आउट भएदेखि भारतीय टोली बाहिर छन् ।
शा ले ४६ औं ओभरको पहिलो बलमा एक रन बटुल्दै लिष्ट ए करिअरको पहिलो दोहोरो शतक पूरा गरेका थिए । नियमित कप्तान श्रेयस ऐरलाई विश्राम दिएपछि पृथ्वीले पहिलो पटक मुम्बईको सिनियर टोलीको कप्तानी गरि रहेका छन् । जारी सिजनमा पृथ्वी को यो दोस्रो शतक हो । यसअघि गत आइतबार दिल्लीविरुद्ध १ सय ५ रनको अविजित इनिङ खेलेका थिए ।
March 19, 2024
काठमाडौं (हाम्रो खेलकुद) – राष्ट्रिय महिला क्रिकेट टोलीकी पहिलो कप्तान नेरी थापाले अन्तर्राष्ट्रिय र घरेलु दुबै क्रिकेटबाट सन्न्यासको घोषणा गरेकी छिन् । १७ वर्ष लामो क्रिकेट यात्रामा साथ दिने आफ्नो परिवारलाई विशेष धन्न्यावाद दिँदै नेरीले सोमबार सामाजिक सञ्जाल फेसबुक मार्फत सन्न्यास लिएको घोषणा गेकी हन्। ‘म आज राष्ट्रिय तथा अन्तर्राष्ट्रिय क्रिकेटबाट सन्न्यासको घोषणा गर्दैछु। क्रिकेट […]
March 18, 2024
धनगढी (हाम्रो खेलकुद) – कैलाली प्रिमियर लिगमा शुक्लाफाँटा नगरपालिकाले विजयी सुरुवात गरेको छ । जिल्ला क्रिकेट संघ कैलालीको आयोजनामा सोमबार फाप्ला मैदानमा सुरु भएको कैलाली प्रिमियर लिगमा शुक्लाफाँटाले पर्शुराम नगरपालिकालाई ३५ रनले पराजित गरेको हो । टस जितेर पहिला ब्याटिङ गरेको शुक्लाफाँटाले निर्धारित २० ओभरमा ३ विकेट गुमाउँदै १ सय ८१ रन बनायो । टोलीका […]
March 15, 2024
सुनिल गाँउले, सिमरा प्रथम जीतपुरसिमरा क्रिकेट कप प्रतियोगिता शनिबारदेखि हुँदैछ । जीतपुरसिमरा उपमहानगरपालिका ४ स्थित सेज क्रिकेट मैदानमा सुरु हुने प्रतियोगिताको उद्घाटन खेलमा आयोजक जीतपुरसिमरा क्रिकेट क्लब र पर्सा क्रिकेट संघ भिड्दैछन् । राउण्ड रोबिनका आधारमा संचालन हुने प्रतियोगितामा ६ टोलीको सहभागिता रहेको छ । चैत १० गतेसम्म चल्ने प्रतियोगिताका ६ टोलीलाई दुई समूहमा विभाजन […]