काठमाडौं (हाम्रो खेलकुद)- महोत्तरी जिल्ला क्रिकेट संघले स्व. विशाल गुप्ता एवम कुन्दन सिंह मेमोरियल जिल्ला अन्तर पालिका स्तरीय क्रिकेट प्रतियोगिता-२०७७ आयोजना गर्ने भएको छ ।
शनिवार एक पत्रकार सम्मेलन गर्दै प्रतियोगिता चैत्र २२ देखि जलेश्वर रंगशालामा सुरु हुने महोत्तरी क्रिकेट संघका अध्यक्ष तथा नेपाल क्रिकेट संघ (क्यान) का कोषाअध्यक्ष रोशन कुमार सिंहले जानकारी दिए ।प्रतियोगिता कुल बजेट ३२ लाख छ । प्रतियोगितामा सहभागी हुन पालिकाले चैत्र १० सम्म आवेदन दिन सक्ने छन् ।
प्रतियोगिता ५० ओभरको हुने छ । प्रतियोगिता विजेताले १ लाख र ५१ हजार पाउने छन् । प्रतियोगिता सर्वोत्कृष्ट खेलाडीले २० हजार, उत्कृष्ट ब्याट्सम्यान र बलरले १०-१० हजार प्राप्त गर्ने छन् । उदीयमान खेलाडीले १५ हजार पाउने छन् । प्रतियोगिता मुख्य उदेश्य महोत्तरी जिल्लाको क्रिकेट विकास गर्ने रहेको अध्यक्ष रोशनले बताए ।
‘गाउँ गाउँ टोल टोलवाट नयाँ उर्जावान, गुणवान, प्रतिभावान खेलाडी उत्पादन गरी राष्ट्रिय तथा अन्तराष्ट्रिय स्तरमा पुर्याउने लक्ष्य राखेका छौं । यसले गा्रस रुटको क्रिकेट विकाशमा ठूलो योगदान पुर्याउने छ’, रोशनले भने ।
