काठमाडौं (हाम्रो खेलकुद) – आयोजक हङकङसँग खेल्दै आज नेपालले आइसिसी महिला विश्वकप छनोटको यात्रा सुरु गर्दैछ । नेपालले दुई बर्षपछि अन्तर्राष्ट्रिय प्रतियोगितामा भाग लिदैछ ।
नेपाल, हङकङ,थाइल्यान्ड र चीन रहेको एसियाली छनोटमा सबैले एकअर्कासँग दुई पटक खेलेपछि शीर्ष टोली अर्को बर्ष हुने आइसिसी महिला विश्वकप ग्लोबल छनोटमा पुग्नेछ । सन् २०१४ मा कोरियामा भएको एसियाली खेलकुद पनि नेपाली महिला टोलीले कुनै अन्र्राष्ट्रिय प्रतियोगिता खेलेको छैन ।
आजै अर्को खेलमा थाइल्यान्ड र चीन प्रतिस्पर्धा गरिरहेका छन् । थाइल्यान्डले चीनलाई १ सय ८ रनको लक्ष्य दिएको छ । पहिलो ब्याटिङ गरेको थाइल्यान्डले निर्धारित २० ओभरमा ६ विकेटको क्षेतिमा १ सय ७ रन बनाएको थियो ।
नेपाली टोली – रुविना क्षेत्री, सीता रानामगर (उपकप्तान), नीरा राजोपाध्याय, नेरी थापा, इन्दु बर्मा, सबनम राई, निर्मला शाही, रश्मी शर्मा चौलागाई, रोशनी बोहोरा, सरिता मगर, करुणा भण्डारी, काजोल श्रेष्ठ, ज्योति पाण्डे र सरस्वती चौधरी छन् ।
प्रशिक्षक – राजु बस्न्यात
