काठमाडौं (हाम्रो खेलकुद) – एभरेष्ट प्रिमियर लिग (इपिएल) को आगमी संस्करण असोजमा हुने भएको छ । गत फागुनमा कोरोना भाइरसको कारण अनिश्चित समयको लागि स्थगित भएको इपिएल अब असोजमा हुने भएको छ ।

प्रतियोगिता असोज ९ देखि २३ सम्म (सेप्टेम्बर २५ देखि अक्टोबर ९ सम्म) हुने आयोजकले जनाएको छ । इपिएल भारतमा हुने टि२० विश्वकप अघि हुनेछ । टि २० विश्वकप आगमी अक्टोबर १८ देखि नोभेम्बर १५ सम्म भारतमा हुँदैछ । प्रतियोगिता काठमाडौंमा हुनेछ ।

कोरोना महामारी अघि इपिएल चैत १ देखि १५ गते सम्म हुने तय भएपनि अन्तिममा अनिश्चित समयको लागि स्थगित हुन पुगेको थियो । प्रतियोगितालाई नेपाल क्रिकेट संघ(क्यान) ले स्वीकृति दिएको छ । इपिएलमा ललिपुर प्याट्रियट्स, काठमाडौं, किंग्स इभाभेन, विराटनगर वारियर्स, चितवन टाइगर्स, पोखरा राइनोज र भैरहवा ग्लाडियटर्स गरि ६ टोली छन् ।

कोरोना अघि इपिएलमा पोखरा राइनोजले वेस्ट इन्डिजका विश्फोटक ब्याट्सम्यान क्रिस गेल, केसरिक विलियम्स र स्कटल्याण्डका ओपनर जर्ज मुन्शेलाई अनुबन्ध गरेको थियो । भैरहवा ग्ल्याडियटर्सले वेस्ट इन्डिजका ड्वेन स्मिथ, ललितपुर प्याट्रीयट्सले पाकिस्तानका हमाद हसन, हसन खान, मिर हाम्जा र श्रीलंका उपुल थरंगालाई टोलीमा भित्र्याएको थियो ।

काठमाडौं किंस ११ ले केभीन ओ ब्रायनको नाम सार्वजनिक गर्दा अन्य विदेशी खेलाडीको नाम सार्वजनिक गरेको थिएन । चितवन टाइगर्समा अफगानिस्तानका मोहम्मद शाहजाद, पल स्टिर्लिङ खेल्ने पक्का भएको थियो । पारस खड्का कप्तान रहेको विराटनगर वारियर्सले भने कुनै विदेशी खेलाडीको नाम सार्वजनिक गरेको थिएन ।