3 years ago
March 1, 2021
काठमाडौं (हाम्रो खेलकुद) – धनगढीमा जारी विद्यालयस्तरीय राष्ट्रिय क्रिकेट प्रतियोगिता चण्डिका ग्रुप लिटल फ्लावर प्रिमियर लिग (एलपिएल) प्रतियोगितामा सोमबार रुपन्देहीको न्यू एकेडेमी र काठमाडौँको हिमालयन ह्वाइट हाउस विजयी भएका छन् । दिनको पहिलो खेलमा न्यू एकेडेमीले दाङको रोजी बर्ड्सलाई १ सय ५ रनले हरायो । टस जितेर पहिला ब्याटिङ रोजेको न्यू एकेडेमीले निर्धारित २० ओभरमा […]
काठमाडौं (हाम्रो खेलकुद) – धनगढीमा जारी विद्यालयस्तरीय राष्ट्रिय क्रिकेट प्रतियोगिता चण्डिका ग्रुप लिटल फ्लावर प्रिमियर लिग (एलपिएल) प्रतियोगितामा सोमबार रुपन्देहीको न्यू एकेडेमी र काठमाडौँको हिमालयन ह्वाइट हाउस विजयी भएका छन् ।
दिनको पहिलो खेलमा न्यू एकेडेमीले दाङको रोजी बर्ड्सलाई १ सय ५ रनले हरायो । टस जितेर पहिला ब्याटिङ रोजेको न्यू एकेडेमीले निर्धारित २० ओभरमा ९ विकेट गुमाउँदै १ सय ७० रन बनाएको थियो । अंकित बिएमले ३३, सन्दिप विष्टले ३१ र सुवाश थापाले ३० रनको योगदान दिए । आशिष सुवेदीले ३, विजय विश्वकर्मा र यकुव मियाले २-२ विकेट लिए ।
जितका लागि १ सय ७१ रनको विजयी लक्ष्य पछ्याएको रोजी बर्ड्स १७.१ ओभरमा ६५ रनमा अल आउट भयो । खुम चौधरीले २० रन बनाउन बाहेक अन्य खेलाडीले दोहोरो अंकमा रन छुन सकेनन् । रोजी बर्ड्सलाई सस्तैमा समेट्न सन्दीप विष्टले ३, सुरेश रावल र अनिल थापाले २-२ विकेट लिए । खेलका म्यान अफ द म्याच न्यू एकेडेमीका सन्दिप विष्ट भए ।
दिनको दोस्रो खेलमा ह्वाइट हाउसले कञ्चनपुरको लिटल बुद्ध एकेडेमीलाई ८ विकेटले हराउन पुग्यो । टस जितेर पहिला ब्याटिङ रोजेको लिटल बुद्ध १७.५ ओभरमा ७२ रनमा अल आउट भयो । रोयल बम र राजेश ऐरले १५–१५ रन बनाए । ह्वाइट हाउसका स्पिन अलराउन्डर गजेन्द्र बोहराले सर्वाधिक ५ विकेट लिए । सन्दीप शाहीले ३ विकेट लिए ।
जितका लागि ७३ रनको विजयी पछ्याएको ह्वाइट हाउसले ११.३ ओभरमा २ विकेटको क्षतिमा पूरा गर्यो । दीपक बोहरा ५० रनमा अविजित रहे । निश्चल थापाले १९ रन जोडे । सागर भण्डारी र राजेश ऐरले १-१ विकेट लिए । खेलका म्यान अफ द म्याच गजेन्द्र बोहरा चुनिए ।
April 17, 2024
एजेन्सी – दिल्ली क्यापिटल्सले इन्डियन प्रिमियर लिग (आइपिएल) मा तेस्रो जित हासिल गरेको छ । दिल्लीले बुधबार गुजरात टाइटेन्सलाई ६ विकेटले हराएको छ । टस जितेर फिल्डिङ रोज्ने दिल्लीको निर्णय सहि साबित भएको थियो । ९० रनको सामान्य लक्ष्य पछ्याएको दिल्लीले ६७ बल बाँकी रहँदा ४ विकेट गुमाएर ९२ रन बनाएको थियो । दिल्लीका लागि […]
April 17, 2024
काठमाडौं (हाम्रो खेलकुद) – आशुतोष गिरहियाको सानदार शतकमा बागमती प्रदेशले वीर गणेशमान सिंह राष्ट्रिय टी–ट्वान्टी च्याम्पिनसिपमा पहिलो जित हात पारेको छ । बागमतीले बुधबार गण्डकी प्रदेशलाई ६७ रनको सहज नतिजामा हराएको हो । गण्डकीको यो लगातार दोस्रो हार हो । माथिल्लो मुलपानी मैदानमा भएको खेलमा टस जितेर पहिले ब्याटिङ गरेको बागमतीले २० ओभरमा ६ विकेट […]
April 17, 2024
काठमाडौं (हाम्रो खेलकुद) – वीर गणेशमान सिंह राष्ट्रिय टी–ट्वान्टी च्याम्पिनसिपमा मधेश प्रदेशले लगातार दोस्रो जित निकालेको छ । मयान यादव र अरनिको यादवले अर्धशतकीय पारी खेल्दा मधेशले बुधबार लुम्बिनी प्रदेशलाई २७ रनले पराजित गर्यो । माथिल्लो मुलपानी क्रिकेटमा मैदानमा भएको खेलमा लुम्बिनीले टस जितेर पहिले फिल्डिङ रोज्यो । मधेशले निर्धारित २० ओभरमा ९ विकेट गुमाउँदै […]