हाम्रो खेलकुद – कप्तान मसरफे मोर्ताजाले राम्रो प्रदर्शन गरेपछि बंगलादेशले वान डे सिरिज अन्तर्गत दोश्रो खेलमा इंग्ल्यान्डलाइ ३४ रनले पराजित गरेको छ।
टस जितेर फिल्डिंग रोजेको इंग्ल्यान्डले राम्रो सुरुवात गरेपनि आठौँ विकेटका लागि कप्तान मोर्ताजा र नासिर होस्सैनले ६९रनको साझेदारी गरेपछि बंगलादेश २३८रनको योगफल खादा गर्न सफल भयो। बंगलादेशका लागि महमदुल्लाहले ७५ रन बनाए भने मोर्ताजाले ९औं नम्बरमा ब्याटिङ्ग गर्दै ४४ रन ठोके। बलिङ्गतर्फ क्रिस वोक्स, अदिल रशिद र जेक बलले समान २-२ विकेट लिए भने बेन स्टोक्सको नाममा एक विकेट रह्यो।
२३९रनको सामान्य लक्ष्य पछ्याएको इंग्ल्यान्डको सुरुवात राम्रो हुन सकेन। ब्याटबाट चम्किएका कप्तान मोर्ताजाले ओपनर रोय र भिन्स दुवैलाई पेभेलियन फर्काए। कुल चार विकेट लिएका उनले ८.४ ओभरमा २९ रनमात्र दिए। कप्तान जोस बटलरले ५७ रन बनाएर इनिंग्स सम्हाल्न खोजे पनि इंग्ल्यान्ड २०४ रनमा अलआउट भयो।
