हाम्रो खेलकुद – हंगकंगमा जारी आई.सी.सी. वोमन्स वर्ल्ड कप क्वालिफाइङ्ग सिरिज अन्तर्गत नेपालले दोश्रो खेलमा थाईल्याण्डसंग ३ विकेटको हार व्येहोरेको छ।
तस्बिर: राजु घिसिङ
टस जितेर पहिलो ब्याटिङ्ग रोजेको नेपालले निर्धारित २० ओभरमा आठ विकेट गुमाउदै ७६ रन जोडेको थियो। नेपालका लागि निर्मला शाहीले ३६ रन बनाइन। अन्य कुनै ब्याट्सवुम्यानले दोहोरो अंक छुन नसकेपछि नेपालले ७६ रनमै खुम्चिनु परेको थियो।
७७ रनको लक्ष्य पछ्याएको थाईल्याण्डले १९औं ओभरमा लक्ष्य पुरा गर्यो। सात विकेट गुमाउदै लक्ष्य प्राप्त गरेको थाई टोलीको लागि सुत्थिरुंगले अविजित २३ रन बनाएकी थिइन। एक समय ४२-६को स्थितिमा रहेको टोलीलाई नेपाली बलिङ्गले थप क्षति पुर्याउन सकेन।
नेपालको लागि ब्याटिङ्गमा चम्किएकी निर्मलाले चार ओभरमा २ मदन फाल्दै ७ रन दिएर तिनविकेट लिईन।
