default_image

3 years ago

March 5, 2021

पन्तको सानदार शतकमा भारतको उत्कृष्ट अग्रता

एजेन्सी – युवा विकेटकिपर ब्याट्सम्यान ऋषभ पन्तको सानदार शतकसँगै भारतले इंग्ल्यान्डविरुद्ध चौथो टेष्टको पहिलो इनिङमा ८९ रनको अग्रता लिएको छ । दोस्रो दिनको समाप्तिमा भारत पहिलो इनिङमा ९४ ओभरमा ७ विकेट गुमाउँदै २ सय ९४ रन बनाएको छ । भारतका स्पिनर वासिन्टन सुन्दर १ सय १७ बलमा ८ चौका सहित ६० रन र अक्षर पटेल […]

25 views

0 Bookmark

एजेन्सी – युवा विकेटकिपर ब्याट्सम्यान ऋषभ पन्तको सानदार शतकसँगै भारतले इंग्ल्यान्डविरुद्ध चौथो टेष्टको पहिलो इनिङमा ८९ रनको अग्रता लिएको छ ।

दोस्रो दिनको समाप्तिमा भारत पहिलो इनिङमा ९४ ओभरमा ७ विकेट गुमाउँदै २ सय ९४ रन बनाएको छ । भारतका स्पिनर वासिन्टन सुन्दर १ सय १७ बलमा ८ चौका सहित ६० रन र अक्षर पटेल ११ रनमा अविजित छन् ।

ऋषभ पन्त १ सय १८ बलमा १३ चौका र २ छक्का सहित १ सय १ रनमा क्याच आउट भए । पन्तले इंग्ल्यान्डका कप्तान जो रुटलाई छक्का प्रहार गर्दै आफ्नो टेष्ट करिअरको तेस्रो शतक पूरा गरेका थिए । पन्त जेम्स एन्डरसनको ८५ औं ओभरको पहिलो बलमा रुटबाट समातिन पुगे । छैटौं विकेटका लागि पन्त र सुन्दरले १ सय १३ रनको उत्कृष्ट शतकीय साझेदारी गरेपछि भारतले अग्रता लिन सफल भएको हो ।

ओपनर रोहित शर्मा १ सय ४४ बलमा ७ चौका सहित ४९ रनमा एलबिडब्लू आउट भए । रोहितलाई बेन स्टोक्सले एलबिडब्लू आउट गरेका थिए । चेतेश्वर पुजारा १७, अजिक्या रहाणे २७ र रविचन्द्रन आश्विन १३ रनमा आउट भए । सुभमन गिल र कप्तान विराट कोहली शून्यमा आउट भएका थिए । इंग्ल्यान्डका जेम्स एन्डरसन, ज्याक लीच र बेन स्टोक्सले २–२ विकेट लिए ।

त्यसअघि नरेन्द्र मोदी स्टेडियम अहमदाबादमा टस जितेर पहिला ब्याटिङ थालेको इंग्ल्यान्ड पहिलो इनिङमा ७५.५ ओभरमा २ सय ५ रनमा अल आउट भएको थियो । इंग्ल्यान्डका अलराउन्डर बेन स्टोक्सले १ सय २१ बलमा ६ चौका र २ छक्का सहित सर्वाधिक ५५ रनको योगदान दिए । तल्लोक्रमका ब्याट्सम्यान ड्यान लरेन्सले ७४ बलमा ८ चौका सहित ४६ रन जोडे । जोनी बेयरस्टो २८ र ओली पोप २९ रनमा आउट भए । अन्य ब्याट्सम्यानको प्रर्दशन सम्झन लायक रहेन ।

स्पिनर अक्षर पटेलले छैटौं ओभरको दोस्रो बलमै सिब्लेलाई २ रनमा बोल्ड आउट गर्दै भारतलाई पहिलो सफलता दिलाएका थिए । अक्षरकै बलमा ठूलो सट खेल्ने धुनमा ज्याक क्रली ९ रनमा मोहम्मद सिराजबाट समातिन पुगे ।

१३ औं ओभरको पहिलो बलमा कप्ता जो रुटलाई मोहम्मद सिराजले ५ रनमा एलबिडब्लू आउट गर्दा इंग्ल्यान्ड ३०–३ को अवस्थामा पुगेको थियो । चौथो विकेटका लागि बेयरस्टो र स्टोक्सले ४८ रनको साझेदारी गर्दै इनिङ उकासेका थिए । बेयरस्टोलाई सिराजले एलबिडब्लू आउट गर्दै उक्त साझेदारी तोडे ।

बेयरस्टोले ६७ बलमा ६ चौका प्रहार गरे । पाँचौं विकेटका लागि स्टोक्सले ओली पोपसँग मिलेर ४३ रनको साझेदारी गरे । पोपलाई रविचन्द्रन आश्विनले सुभमन गिलबाट क्याच गराए । पोपले ८७ बल खेल्दै २ चौका प्रहार गरे ।

स्टोक्सलाई वासिन्टन सुन्दरले ४७ औं ओभरमा एलबिडब्लू आउट गरेपछि इंग्ल्यान्डको ठूलो योगफलको सम्भावना टाढिएको थियो । छैटौं विकेटका लागि पोपले लरेन्ससँग ४५ रनको साझेदारी गर्दै इनिङ उकासेका थिए । तर त्यसपछिका ब्याट्सम्यान मैदानमा टिक्न नसक्दा समस्तैमा समेटिएको हो ।

भारतका स्पिनर अक्षर पटेलले सर्वाधिक ४ विकेट लिए । रविचन्द्रन आश्विनले ३ र मोहम्मद सिराजले २ विकेट लिए । वासिन्टन सुन्दरको नाममा १ विकेट रह्यो । चार टेष्ट खेलको सिरिजमा भारतले २–१ को अग्रता लिएको छ ।

March 19, 2024

पहिलो कप्तान नेरीले क्रिकेटबाट सन्न्यास लिइन्

काठमाडौं (हाम्रो खेलकुद) – राष्ट्रिय महिला क्रिकेट टोलीकी पहिलो कप्तान नेरी थापाले अन्तर्राष्ट्रिय र घरेलु दुबै क्रिकेटबाट सन्न्यासको‌ घोषणा गरेकी छिन् । १७ वर्ष लामो क्रिकेट यात्रामा साथ दिने आफ्नो परिवारलाई विशेष धन्न्यावाद दिँदै नेरीले सोमबार सामाजिक सञ्जाल फेसबुक मार्फत सन्न्यास लिएको घोषणा गेकी हन्। ‘म आज राष्ट्रिय तथा अन्तर्राष्ट्रिय क्रिकेटबाट सन्न्यासको घोषणा गर्दैछु। क्रिकेट […]

March 18, 2024

कैलाली प्रिमियर लिग – शुक्लाफाँटाको जित

धनगढी (हाम्रो खेलकुद) – कैलाली प्रिमियर लिगमा शुक्लाफाँटा नगरपालिकाले विजयी सुरुवात गरेको छ । जिल्ला क्रिकेट संघ कैलालीको आयोजनामा सोमबार फाप्ला मैदानमा सुरु भएको कैलाली प्रिमियर लिगमा शुक्लाफाँटाले पर्शुराम नगरपालिकालाई ३५ रनले पराजित गरेको हो । टस जितेर पहिला ब्याटिङ गरेको शुक्लाफाँटाले निर्धारित २० ओभरमा ३ विकेट गुमाउँदै १ सय ८१ रन बनायो । टोलीका […]

March 15, 2024

जीतपुरसिमरा क्रिकेट कप सुरु हुँदै

सुनिल गाँउले, सिमरा प्रथम जीतपुरसिमरा क्रिकेट कप प्रतियोगिता शनिबारदेखि हुँदैछ । जीतपुरसिमरा उपमहानगरपालिका ४ स्थित सेज क्रिकेट मैदानमा सुरु हुने प्रतियोगिताको उद्घाटन खेलमा आयोजक जीतपुरसिमरा क्रिकेट क्लब र पर्सा क्रिकेट संघ भिड्दैछन् । राउण्ड रोबिनका आधारमा संचालन हुने प्रतियोगितामा ६ टोलीको सहभागिता रहेको छ । चैत १० गतेसम्म चल्ने प्रतियोगिताका ६ टोलीलाई दुई समूहमा विभाजन […]

Success

Thank you for your time.