नेपालको एसिया कपमा छनोट हुने सम्भावना बलियो

हाम्रो खेलकुद – नेपालले हंगकंगमा जारी आई.सी.सी. वोमन्स वर्ल्ड कप क्वालिफाइङ्ग सिरिज अन्तर्गत अन्तिम खेलमा चीनलाई ४ विकेटले पराजित गर्यो।

तस्बिर: हंगकंग क्रिकेट

जितसंगै नेपालले अंक तालिकामा ६ अंक जोड्दै दोश्रो स्थानमा उक्लिन सफल भयो। आज हुने दोश्रो खेलमा थाईल्याण्डले हंगकंगलाइ हराएको खण्डमा नेपालले दोश्रो स्थनमा रहेर प्रतियोगिता टुंग्याउने छ।

वुमन्स एसिया कप क्रिकेट २०१६मा थाईल्याण्डमा आयोजना हुने कार्यक्रम रहेको छ। ६ राष्ट्र सम्मिलित उक्त प्रतियोगितामा आयोजकको हैसियताले थाइल्यान्डले पनि उक्त प्रतियोगिता खेल्नेछ। विश्व कपको एसियाली छनोटमा उसले शीर्षस्थान हात पारे दोस्रो स्थानमा रहने टिमले एसिया कप खेल्न पाउने आईसीसीले जनाएको छ।