काठमाडौं (हाम्रो खेलकुद) – महिला विश्व कपको ग्लोबल छनोटमा पुग्न असफल भएपनि नेपाल एसिया कप खेल्न पाउने भएको छ । आइसीसी महिला विश्वकप २०१७ को एसियाली छनोटमा शनिबार थाइल्यान्डले हङकङलाई ७ विकेटले हराएपछि नेपाल छनोटको दोस्रो स्थानमा रह्यो र एसिया कप खेल्ने मौका पाउने भएको हो । थाइल्यान्डले हहङकङलाई हराउनु अघि नेपालले चीनलाई ४ विकेटले पराजित गरेको थियो ।
एसिया कप आगामी नोभेम्बर र डिसेमबरमा थाइल्यान्डमा हुनेछ । जसमा टेष्ट खेल्ने भारत, पाकिस्तान, श्रीलंका र बंगलादेशसँगै आयोजकको रुपमा थाइल्यान्डले सोझो प्रवेश पाएका छन् । विश्वकपको एसियाली छनोटमा दोस्रो भएपनि नेपालले पनि मौका पाएको हो ।
थाइल्यान्ड १० अंक सहित एसियाली छनोटमा पहिलो भएको थियो । अब टोलीले श्रीलंकाको कोलम्बोमा हुने ग्लोबल छनोटमा प्रतिस्पर्धा गर्नेछ । दोस्रो भएको खेलले ६ खेलमा ३ जित र यत्तिनै हार बेहोरेको थियो ।
