एजेन्सी – दक्षिण अफ्रिका आक्रामक ब्याट्सम्यान एवी डिभिलियर्सले आगमी अक्टोबर नोभेम्बरमा भारतमा हुने टि२० विश्वकप खेल्ने इच्छा राखेका छन् । एवी डिभिलियर्सले इन्डियन प्रिमियर लिग (आइपिएल) २०२१ मा रोयल च्यालेन्जर्स बेंगलोरबाट सुरुवाती खेलमा राम्रो प्रदर्शनका साथ सन्न्यास फिर्ता लिन तयार रहेको संकेत दिएका छन् ।

बेंगलोरका प्रमुख ब्याट्सम्यान डी भिलियर्सले आइतबार राती कोलकाता नाइट राइडर्सलाई ३८ रनले पराजित गर्दै ३४ बलमा ७६ रनको प्लेयर अफ द म्याच इनिङ खेलेका थिए । डी भिलियर्सले सन् २०१८ मा सबैलाई आश्चर्य पार्दै अन्तर्राष्ट्रिय क्रिकेटबाट सन्न्यास लिएका थिए ।

२०१९ मा इंग्ल्यान्डमा भएको एकदिवसिय विश्वकपमा एवी डिभिलियर्सले टोलीलाई आवश्यक भए आफू फर्किन तयार भएको जनाएका थिए । विश्वकप मुखमै सन्न्यास लिएका डी भिलियर्सको प्रस्तावलाई दक्षिण अफ्रिकाले ठाडै अस्वीकार गरेको थियो ।

सन् २०२० मा अष्ट्रेलियामा हुने टि२० विश्वकपमा पर्न आइपिएलमा उच्च प्रदर्शन गर्नु पर्ने दक्षिण अफ्रिकाले जनाएको थियो । तर कोरोनाको कारण उक्त विश्वकप हुन सकेन । डी भिलियर्सले आफ्नो सन्न्यास फिर्ता लिन दक्षिण अफ्रिका प्रशिक्षक तथा सँगै खेल्दाका साथी मार्क बाउचरसँग छलफल गर्ने बताएका छन् । कोलकातासँगको खेलपछि विश्वकप खेल्ने इच्छा दोर्याउदै सन्न्यास फिर्ता लिन बाउचरसँग छलफल गर्ने बताएका छन् ।

‘आइपिएलसँगै मैले बाउची (बाउचर) सँग कुरा गरेको छैन । यसबारेमा हामी कुरा गर्दैछौं । गतवर्ष उनले मलाई खेल्न रुचि छ भनेर सोधेका थिए । मैले खेल्ने इच्छा भएको बताएका थिए । आइपिएलको अन्त्यमा मेरो लय र फिटनेश कहाँ छ भन्ने कुरामा बढी निर्भर रहनेछ’, उनले भने । त्यसैमा उनले थपे’, आइपिएल अन्त्यपछि बाउचको निर्णयको पर्खाइमा हुने छु र त्यसै अनुसार योजना बनाउने छु ।’

बाउचरले पनि एवी डिभिलियर्स दक्षिण अफ्रिका टोलीमा फर्किन सक्ने संकेत दिई सकेका छन् । ‘एबीआइपिएलमा जानु अघि मैले कुरा गरेको थिए । अझै धेरै खुल्ला छ । डी भिलियर्स आइपिएलमा उत्कृष्ट प्रदर्शन गर्न चाहन्छन् । अरु सबैलाई विश्व क्रिकेटको महत्वपूर्ण व्यक्ति हो भन्दै प्रभुत्व जमाउन चाहन्थें । मैले उनलाई तिमी जाउँ भने । म तिमीलाई आइपिएलको अन्त्यतिर भन्ने छु । हामीपनि उसँगै रहेका छौं’, उनले दक्षिण अफ्रिका वेवसाइट टाइम्स लाइभडटकमसँगको कुराकानीमा भनेका छन् ।

दक्षिण अफ्रिकाले यसै साता पाकिस्तानसँगको चार टि२० आई सिरिज ३–१ ले गुमाएको थियो । पछिल्लो समय दक्षिण अफ्रिका विश्व क्रिकेटमा प्रदर्शन खस्किदो छ । जसले गर्दा डी भिलियर्स फर्किने सम्भावना छ । डी भिलियर्स फर्किदा क्विन्टन डी कक, कागिसो रबाडा, एनरिच नोर्किया, डेविड मिलर लगायतका खेलाडी हुँदा टोली बलियो बन्ने देखिन्छ ।