काठमाडौं (हाम्रो खेलकुद) – त्रिकोणात्मक टि२० आई सिरिज अन्तर्गत चौथो खेलमा नेपालले नेदरल्यान्ड्सविरुद्ध पहिलो पावरप्लेमा राम्रो ब्याटिङ गरेको छ ।

टियु क्रिकेट मैदानमा टस जितेर पहिला ब्याटिङ थालेको नेपालले सुरुवाती ६ ओभर अर्थात पहिलो पावरप्लेमा १ विकेट गुमाउँदै ६० रन बनाएको छ । नेपालका ओपनर कुशल भुर्तेल २२ बलमा ६ चौका सहित ३४ रनमा अविजित छन् । ज्ञानेन्द्र मल्ल ११ बलमा २ चौका र १ छक्का सहित १९ रनमा क्रिजमा छन् । कुशलले सुरुवाती दुबै खेलमा अर्धशतक प्रहार गरेका थिए ।

सुरुवाती दुई खेलमा शतकीय साझेदारी ओपनिङ गरेको नेपालले तेस्रो खेलको नेदरल्यान्ड्सविरुद्ध २० रन जोड्दा पहिलो विकेट गुमाउन पुग्यो । तीव्र गतिका बलर भिभिन किंगमाको बलमा आसिफ मिडअनमा बेन कुपर बाट शून्यमा क्याच आउट भएका थिए । चार बलको सामना गरेका आसिफले तेस्रो खेलमा रन बनाउन सकेनन् । पहिलो खेलमा नेदरल्यान्ड्स ५४ रनमा अविजित रहँदा दोस्रो खेलमा मलेसियासँग ४२ रनमा आउट भएका थिए ।

नेपालको प्लइङ ११ : ज्ञानेन्द्र मल्ल (कप्तान, दीपेन्द्रसिंह ऐरी, विनोद भण्डारी, सोमपाल कामी, करण केसी, सन्दीप लामिछाने, अभिनाश बोहरा, आसिफ शेख, कुशल मल्ल, कुशल भुर्तेल, साहब आलम ।

नेदरल्यान्ड्सको प्लेइङ ११ : पिटर सीलार (कप्तान), टोबियस भिसे, बेन कुपर, म्याक्स ओडिवड, बास डी लीडे, स्कर्ट एडवार्डस, आर्यन दत्त, पल पान मीकेरन, भिभिन किंगमा, टोनी स्टल र जुलियन डी मे ।