एजेन्सी – कप्तान रोहित शर्माको अर्धशतकको बाबजुद मुम्बई इन्डियन्सले इन्डियन प्रिमियर लिग (आइपिएल) २०२१ मा पन्जाब किंग्सलाई १ सय ३२ रनको लक्ष्य दिएको छ ।

चेन्नईमा टस हारेर पहिला ब्याटिङ थालेको मुम्बईले निर्धारित २० ओभरमा ६ विकेट गुमाउँदै १ सय ३१ रन बनायो । मुम्बईका कप्तान रोहित शर्माले ५२ बलमा ५ चौका र २ छक्का सहित सर्वाधिक ६३ रनको योगदान दिए । सूर्यकुमार यादवले २७ बलमा ३ चौका र १ छक्का सहित ३३ रन बनाए ।

दीपक हुडाले दोस्रो ओभरको अन्तिम बलमा क्विन्टन डी ककलाई ३ रनमा क्याच आउट गराएका थिए । सातौं ओभरको अन्तिम बलमा रवि विश्रोईले ईशान किशनलाई ६ रनमा लोकेश राहुलबाट क्याच आउट गराएका थिए । किशनले १७ बलमा ६ रन मात्र जोडे । सात ओभरमा मुम्बईले मात्र २६ रन जोडेको थियो ।

तेस्रो विकेटका लागि सूर्य र रोहितले ५६ बलमा ७९ रनको साझेदारी गर्दै इनिङ सम्हालेका थिए । सूर्यलाई रवि विश्रोईले क्रिस गेलबाट क्याच आउट गराएका थिए । काईरन पोलार्डले १६, हार्दिक पान्ड्या १ र क्रुनाल पान्ड्याले ३ रन बनाए ।

पन्जाबका लागि युवा स्पिनरले रवि विश्रोईले जारी आइपिएलको पहिलो खेल खेल्दै ४ ओभरमा २१ रन खर्चेर २ विकेट लिए । मोहम्मद शामीले ४ ओभरमा २१ रन खर्चेर २ विकेट लिए । दीपक हुडा र अर्शदीप सिंहको नाममा १–१ विकेट रह्यो