एजेन्सी – इन्डियन प्रिमियर लिग (आइपिएल) २०२१ को बाँकी खेलमा सनराइजर्स हैदराबादको कप्तानी न्युजिल्यान्डका कप्तान केन विलियम्सनले गर्ने भएका छन् ।

अष्ट्रेलिया ओपनर डेविड वार्नरलाई नेतृत्वबाट हटाउँदै हैदराबादले विलियम्सनलाई कप्तानी दिएको जानकारी गराएको छ । सुरुवाती ६ खेलमा हैदराबाद १ मा जित र ५ मा हार सहित पुछारमा रहेपछि आइतबार राजस्थान रोयल्ससँग खेल्नुअघि कप्तान परिवर्तन गरेको छ । विलियम्सनको कप्तानीमा हैदराबादले सन् २०१८ मा फाइनल सम्मको यात्रा तय गरेको थियो । फाइनलमा चेन्नई सुपर किंग्ससँग हैदराबाद ८ विकेटले पराजित भएको थियो ।

सन् २०१६ मा वार्नरको कप्तानीका हैदराबादले उपाधि जितेको थियो । वार्नरको कप्तानीमा हैदराबादले फाइनलमा रोयल च्यालेन्जर्स बेंगलोरलाई ८ रनले हराउँदै उपाधि जितेको थियो । वार्नरले खेलाडीको रुपमा भने आइपिएल खेल्दै विलियम्सनलाई सहयोग गर्ने छन् । बल टेम्पिरिङ काण्डका कारण स्टिभ स्मिथ र डेविड वार्नर २०१८ मा १ वर्षे प्रतिबन्ध परेपछि ११ औं संस्करणको आइपीएलमा हैदरावादले केन विलियम्सनलाई कप्तानीको जिम्मेवारी दिएको थियो ।

वार्नरले गत वर्षदेखि पुन हैदराबादको कप्तानी गरेका थिए । यस सिजनमा वार्नरको कप्तानीलाई लिएर आलोचना भएको थियो । विषेश गरेर दिल्लीसँग सुपर ओभरमा जोनी बेयरस्टोलाई ब्याटिङ नगराएपछि वार्नरको आलोचना झनै बढेको थियो ।