default_image

3 years ago

May 2, 2021

बटलरको शतकमा हैदराबादमाथि राजस्थानको सहज जित

एजेन्सी – ओपनर जस बटलरको उत्कृष्ट शतकको सहयोगमा राजस्थान रोयल्सले इन्डियन प्रिमियर लिग (आइपिएल) २०२१ मा तेस्रो जित निकालेको छ । आइतबार साँझ राजस्थान रोयल्सले सनराइजर्स हैदराबादलाई ५५ रनले पराजित गर्दै अंक तालिकामा पाँचौं स्थानमा उक्लिएको छ । जितका लागि २ सय २१ रनको विजयी लक्ष्य पछ्याएको हैदराबादले निर्धारित २० ओभरमा ८ विकेटको क्षतिमा १ […]

47 views

0 Bookmark

एजेन्सी – ओपनर जस बटलरको उत्कृष्ट शतकको सहयोगमा राजस्थान रोयल्सले इन्डियन प्रिमियर लिग (आइपिएल) २०२१ मा तेस्रो जित निकालेको छ । आइतबार साँझ राजस्थान रोयल्सले सनराइजर्स हैदराबादलाई ५५ रनले पराजित गर्दै अंक तालिकामा पाँचौं स्थानमा उक्लिएको छ ।

जितका लागि २ सय २१ रनको विजयी लक्ष्य पछ्याएको हैदराबादले निर्धारित २० ओभरमा ८ विकेटको क्षतिमा १ सय ६५ रन बनायो । हैदराबादका ओपनर मनिष पाण्डेले २० बलमा ३ चौका र २ छक्का सहित सर्वाधिक ३१ रनको योगदान दिए ।

अर्का ओपनर जोनी बेयरस्टोले २१ बलमा ४ चौका र १ छक्का सहित ३० रन बनाए । कप्तान केन विलियम्सन २०, विजय शंकर ८, केदार जाधव १९, मोहम्मद नाबी १७, अब्दुल सामद १० र भुवनेश्वर कुमारले १४ रनको योगदान दिए ।

राजस्थानका तीव्र गतिका बलर मुस्ताफिजुर रहमानले ४ ओभरमा २० रन खर्चेर ३ विकेट लिए । क्रिस मोरिसले ४ ओभरमा २९ रन खर्चेर ३ विकेट लिए । कार्तिक त्यागि र राहुल टेवाटियाको नाममा १–१ विकेट रह्यो ।

त्यसअघि अरुण जेटली स्टेडियम दिल्लीमा टस हारेर ब्याटिङ थालेको राजस्थानले निर्धारित २० ओभरमा ३ विकेट गुमाउँदै २ सय २० रन बनाएको थियो । सुरुवाती १० ओभरमा १ विकेट गुमाउँदै ७७ रन बनाएको राजस्थानले अन्तिम १० ओभरमा २ विकेट गुमाउँदै १ सय ४३ रन बनाएपछि विशाल योगफल तयार पारेको थियो ।

राजस्थानलाई विशाल लक्ष्यमा पुर्याउन ओपनर जस बटलरले ६४ बलमा ११ चौका र ८ छक्का सहित सर्वाधिक १ सय २४ रनको सर्वोत्कृष्ट शतकीय इनिङ खेले । बटलरले विजय शंकरको १७ औं ओभरको अन्तिम बलमा एक रन बटुल्दै आइपिएल र टि२० करिअर दुबैको पहिलो शतक पूरा गरेका थिए । बटलरले ५६ बलमा १० चौका र ५ छक्का सहित शतक पूरा गरेका थिए ।

सुरुवाती संयमित ब्याटिङ गरेका बटलरले ३९ बलमा अर्धशतक पूरा गरेका थिए । थप १७ बलमा ५० रन बनाउँदै बटलरले टि२० करिअरको पहिलो सानदार शतक प्रहार गरेका थिए । बटलर सन्दीप शर्माको १९ औं ओभरको अन्तिम बलमा बोल्ड आउट भएका थिए । राजस्थानका लागि यो कुनैपनि ब्याट्सम्यानले एक खेलमा बनाएको सर्वाधिक रन हो ।

यसअघि सन्जु स्यामसनले पन्जाब किंग्सविरुद्ध यसै सिजनमा १ सय १९ रनको उत्कृष्ट शतकीय इनिङ खेलेका थिए । राजस्थानलाई ओपनर यशस्वी जैसवाल र जस बटलरले पहिलो विकेटका लागि ३ ओभरमा १७ रनको साझेदारी गरेका थिए । स्पिनर राशिद खानले जैसवाललाई १२ रनमा एलबिडब्लू आउट गरे । जैसवालले १३ बलमा २ चौका प्रहार गरे । दोस्रो विकेटका लागि सञ्जु र बटलरले ८८ बलमा १ सय ५० रनको उत्कृष्ट साझेदारी गरेपछि बलियो योगफलमा पुगेको थियो ।

विजय शंकरको १७ औं ओभरको चौथो बलमा स्यामसनले ठूलो सट खेलेपनि लङअफमा अब्दुल सामदले उत्कृष्ट जम्पकासाथ साझेदारीमा ब्रेक लगाएका थिए । कप्तान सञ्जु स्यामसनले ३३ बलमा ४ चौका र २ छक्का सहित ४८ रनको योगदान दिए । सन्जु स्यामसनले ब्यक्तिगत २३ रनमा जीवनदान पाएका थिए ।

सन्दीप शर्माको नवौं ओभरको दोस्रो बलमा ठूलो सट खेलेका स्यमसन लङअफमा मनिष पाण्डेले क्याच ड्रप गर्न पुगेका थिए । युवा ब्याट्सम्यान रियान पराग १५ र डेविड मिलर ७ रनमा अविजित रहे । हैदराबादका विजय शंकर, सन्दीप शर्मा र राशिद खानले १–१ विकेट लिए ।

अंक तालिका

चेन्नई सुपर किंग्स ७ खेलमा ५ जित र २ मा हार सहित १० अंक सहित शीर्षस्थानमा छ । दिल्ली क्यापिटल्स ७ खेलमा ५ मा जित र २ मा हार सहित १० अंकका साथ दोस्रो स्थानमा छ । रोयल च्यालेन्जर्स बेंगलोर ७ खेलमा ५ मा जित र २ मा हार सहित १० अंक भएपनि नेट रनरेटको आधारमा तेस्रो स्थानमा छ । मुम्बई इन्डियन्स ७ खेलमा ३ मा हार र ४ मा जित सहित ८ अंक बटुल्दै चौथो स्थानमा छ । राजस्थान रोयल्स ७ खेलमा ४ मा हार र ३ मा जित सहित ६ अंकका साथ पाँचौं स्थानमा उक्लिएको छ ।

पन्जाब ७ खेलमा ४ मा हार र ३ मा जित सहित ६ अंक जोड्दै छैटौ स्थानमा छ । कोलकाता ७ खेलमा ५ मा हार र २ जित सहित ४ अंकका साथ सातौं स्थानमा छ । सनराइजर्स हैदराबाद ७ खेलमा ६ मा हार र १ मा जित सहित २ अंक जोड्दै पुछारमा छ । हैदराबादले मंगलबार मुम्बईसँग खेल्ने छ । राजस्थानले बुधबार चेन्नईसँग खेल्ने छ ।

March 29, 2024

इण्डो–नेपाल टि ट्वान्टीको सेमिफाइनल समीकरण पूरा

चितवन (हाम्रो खेलकुद)- चितवनको भरतपुरमा जारी इण्डो–नेपाल टि ट्वान्टी च्याम्पियनसिप क्रिकेट प्रतियोगिताको सेमिफाइनल समीकरण पूरा भएको छ । गौतमबुद्ध अन्तर्राष्ट्रिय क्रिकेट रंगशालाको नमुना मैदानमा बिहीबार भएका लिग चरणका अन्तिम खेलमा विजयी हुँदै मधेश प्रदेश र सुदूरपश्चिम प्रदेशले सेमिफाइनलमा स्थान पक्का गरेका हुन् । सबै खेलमा जित निकाल्दै ८ अंकका साथ पिएसआरए ग्रुप लखनउ समूह विजेता […]

March 28, 2024

राजस्थानको लगातार दोस्रो जित

एजेन्सी – दिल्ली क्यापिटल्स माथि जित दर्ता गर्दै राजस्थान रोयल्सले १७औं संस्करणको इंडियन प्रिमियर लिग (आईपिएल) मा लगातार दोस्रो जित दर्ता गरेको छ । दिल्लीलाई लगातार दोस्रो हार चखाउने क्रममा राजस्थानले १२ रनको जित दर्ता गरेको हो । १८६ रनको लक्ष्य पछ्याएको दिल्लीले २० ओभरमा ५ विकेट गुमाएर १८५ रन मात्र बनाउन सक्यो । अन्तिम […]

March 28, 2024

सिइसी र धनगढी विजयी

सुमन अधिकारी,बुटवल नेपालका पूर्व अन्तराष्ट्रिय क्रिकेट खेलाडी शक्ति प्रसाद गौचनले बुबाको नामबाट आयोजना रुपन्देहीमा जारी छैंटौं खड्ग प्रसाद गौचन मेमोरियल यु—१९ क्रिकेट प्रतियोगिता–२०८० मा बिहीबार समुह बिका २ खेल सम्पन्न भएका छन् । जसमा पल्सर क्रिकेट एक्सलेन्स सेन्टर (सिइसी) , काठमाण्डौ र धनगढी क्रिकेट क्लब विजयी भएका छन् । पहिलो खेलमा पल्सर सिइसी काठमाण्डौले सेन्टर […]

Success

Thank you for your time.