4 years ago
July 6, 2021
एजेन्सी – अन्तर्राष्ट्रिय क्रिकेट परिषद् (आइसिसी) का सन् २०२४ देखि २०३१ सम्म हुने प्रमुख प्रतियोगिता आयोजना गर्न मलेसिया, अमेरिका सहित १७ देशले इच्छा ब्यक्त गरेका छन् ।
आगमी २०२४ देखि २०३१ सम्म टि२० विश्वकप, एकदिवसिय विश्वकप, च्याम्पियन्स ट्रफी र यू१९ विश्वकप लगायतका प्रमुख प्रतियोगिता हुने छन् । ११ टेस्टसँगै ६ एसोसियट राष्ट्रले इच्छा ब्यक्त गरेका छन् । टेस्ट टोली अफगानिस्तानले भने आफ्नो नाम दिएको छैन । २०२४ देखि २०३१ सम्म चार टि२० विश्वकप, दुई एक दिवसिय विश्वकप र दुई च्याम्पियन्स ट्रफी गरि प्रमुख आठ पुरुष प्रतियोगिता हुने छन् । आइसिसीले आफ्ना सदस्य राष्ट्रलाई प्रतियोगिता आयोजना टेक्निकल प्रस्तावको लागि आमन्त्रिण गरेको थियो ।
अष्ट्रेलिया, बंगलादेश, इंग्ल्यान्ड, भारत, आयरल्यान्ड, मलेसिया, नामिबिया, न्युजिल्यान्ड, ओमान, पाकिस्तान, स्कटल्यान्ड, दक्षिण अफ्रिका, श्रीलंका, वेस्ट इन्डिज, अमेरिका, यूएई र जिम्बावेले पारम्भिक प्रस्ताव पठाएको आइसिसीले जनाएको छ । आगमी विश्वकप रोडम्याप सार्वजनिक गरिएको छैन ।
२०२४ देखि टि२० विश्वकपमा २० देशले सहभागी जनाउने छन् । २०२७ को एकदिवसिय विश्वकप देखि १४ देशले प्रतिस्पर्धा गर्ने छन् । च्याम्पियन्स ट्रफीमा आइसिसी ओडिआई वरियता शीर्ष आठ टोलीले प्रतिस्पर्धा गर्ने छन् । कुन प्रतियोगिता कसले आयोजना गर्ने आइसिसीको बोर्ड बैठकले छनोट गर्ने छ । टेस्ट टोलीमा पाकिस्तानको नाम निकै रुचिका साथ हेरिएको छ ।
पाकिस्तानले सन् १९९६ को एकदिवसिय विश्वकप पछि आइसिसीको प्रतियोगिता आयोजना गरेको छैन । २००८ मा पाकिस्तानमा च्याम्पियन्स ट्रफी आयोजना गर्ने कार्यक्रम भएपनि पछि दक्षिण अफ्रिका सरेको थियो । २००९ मा श्रीलंका खेलाडी चडेको बस लाहोरमा आक्रामण भएपछि पाकिस्तानले यूएईमा आफ्नो घरेलु मैदान बनाउँदै आएको छ । पछिल्लो समय पाकिस्तानमा अन्तर्राष्ट्रिय क्रिकेट फर्कि सकेको छ ।
२०२१ को टि२० विश्वकप कोरोना महामारीको कारण भारतबाट यूएई र ओमानमा सरि सकेको छ । २०२२ को टि२० विश्वकप अष्ट्रेलिया र २०२३ को एकदिवसिय विश्वकप भारतमा हुने कार्यक्रम छ । मलेसिया सहित एसोसियट देशले टि२० विश्वकप आयोजना गर्न बढी रुचि देखाएको अनुमान गरिएको छ ।
भारतले २०२५ को च्याम्पियन्स ट्रफी, २०२८ को टि२० विश्वकप र २०३१ को एकदिवसिय विश्वकप आयोजना गर्न रुचि देखाउँदै आएको छ । पछिल्लो पटक २०१६ मा भारतमा भएको टि२० विश्वकप वेस्ट इन्डिज, २०१७ मा इंग्ल्यान्डमा भएको च्याम्पियन्स ट्रफी पाकिस्तान र २०१९ को एकदिवसिय विश्वकप घरेलु टोली इंग्ल्यान्डले जितेका थिए ।
December 20, 2025
एजेन्सी – भारतले पाँचौँ टि ट्वान्टी आईमा दक्षिण अफ्रिकालाई ३० रनले पराजित गर्दै ५ खेलको सिरिज ३-१ ले आफ्नो पक्षमा पारेको छ। अहमदाबादस्थित नरेन्द्र मोदी अन्तर्राष्ट्रिय क्रिकेट रंगशालामा आज भारतले दक्षिण अफ्रिकालाई हराउँदै सिरिज जितको हो। पहिले ब्याटिङको निम्तो पाएको भारतले निर्धारित २० ओभरमा ५ विकेट गुमाउँदै विशाल २ सय ३१ रन बनायो। भारतको इनिङ्समा […]
December 19, 2025
एजेन्सी – भारत र पाकिस्तान युएईमा जारी यु १९ एसिया कपको फाइनलमा पुगेका छन्। दुबैले सेमिफाइनलमा प्रभावशाली प्रदर्शन गर्दै फाइनलको यात्रा तय गरेका हुन्। आज भारतले श्रीलंका र पाकिस्तानले बंगलादेशलाई समान ८ विकेटले हराउँदै एकअर्कासँगको भेट पक्का गरेका हुन्। आइतवार हुने फाइनलमा फेरि एकपटक भारत र पाकिस्तानबीच प्रतिस्पर्धा हुनेछ। एउटै समूहबाट भारत विजेता र पाकिस्तान […]
December 16, 2025
भुपेन्द्र जि.सी. नेपाल प्रिमियर लिग (एनपिएल) मा लिगबाटै बाहिरिने अवस्थामा पुगेको लुम्बिनी लायन्सलाई अप्रत्याशित पुनरागमनका साथ च्याम्पियन बनाउन स्पिनर शेर मल्लले गजबको प्रदर्शन गरे । एनपिएलमा १७ विकेट लिर्दै उदीयमान खेलाडी चुनिएका शेर विराटनगर किंग्सका कप्तान सन्दीप लामिछाने र सुदूरपश्चिम रोयल्सका तीव्र गतिका बलर अभिनाश बोहरासँग संयुक्त रुपमा सर्वाधिक विकेट लिने खेलाडी बने । पहिलो […]
