एजेन्सी – भारत र श्रीलंकाबीच समान तीन ओडिआई र टि२० आई सिरिज कोरोना कारण चार दिनपछि सरेको छ । बिहिबार श्रीलंका ब्याटिङ प्रशिक्षक ग्रेन्ट फ्लावर र शुक्रबार डाटा एनालिष्ट जिटी निरोशनको कोरोना परिक्षण पिसिआर परिक्षण पोजेटिभ आएपछि चार दिन पछि सरेको हो ।

यसअघि पहिलो ओडिआई जुलाई १३, दोस्रो जुलाई १६ र तेस्रो जुलाई १८ मा हुने कार्यक्रम थियो । नयाँ तालिका अनुसार पहिलो ओडिआई जुलाई १७, दोस्रो जुलाई १९ र तेस्रो जुलाई २१ मा हुने छ । टि२० आई सिरिज अव पहिलो जुलाई २४, दोस्रो २५ र तेस्रो जुलाई २७ मा हुने छ । यसअघि पहिलो टि२० जुलाई २१, दोस्रो २३ र चौथो २५ मा हुने कार्यक्रम थियो । यद्यपी श्रीलंका क्रिकेट बोर्डले आधिकारीक रुपमा सिरिज सरेको कुनै जानकारी भने दिएको छैन ।

श्रीलंका टोली आइसोलेसन छ । श्रीलंका खेलाडीको शनिबार बिहान पुन पिसिआर परिक्षण हुने छ । भारतसँगको सिरिजमा श्रीलंका कप्तानी दासुन शनाकाले गर्ने छन् । कुसल पेरेरा कप्तानीमा खराब प्रदर्शन गरेपछि शनाकालाई कप्तानी दिन लागेको हो । भारतको कप्तानी शिखर धवनले गर्ने छन् ।

अन्तर्राष्ट्रिय स्तरमा पछिल्लो समय श्रीलंका प्रदर्शन सम्झन लायक छैन । २०२१ मा खेलेका ६ मध्य पाँच टि२० आई खेलमा हार बेहोरेको छ । अघिल्लो महिना इंग्ल्यान्डविरुद्ध तीन टि२० आई सिरिजमा क्लिनस्विप बेहोरेको थियो । वेस्ट इन्डिजसँग मार्चमा तीन टि२० आई सिरिज २–१ ले गुमाएको थियो । २०२१ मा नौ ओडिआई खेल खेलेको छ । श्रीलंकाले एक खेलमा मात्र जित निकालेको छ । गत मार्चमा वेस्ट इन्डिजविरुद्ध ३–०, बंगलादेशविरुद्ध २–१ र इंग्ल्यान्डसँग २–० ले पराजित भएको थियो ।

‘यो भारतीय बी टोली होईन’