एजेन्सी – श्रीलंकाले भारतविरुद्ध दोस्रो ओडिआई खेलमा पहिला ब्याटिङ गर्ने भएको छ । कोलोम्बो स्थित आर प्रेमाडासा स्टेडियममा श्रीलंका कप्तान दासुन शनाकाले टस जितेर पहिला ब्याटिङ गर्ने निर्णय लिएका छन् ।

श्रीलंकाले टोलीमा एक परिवर्तन गरेको छ । इसुरु उडानाको स्थानमा कसुन रजिथालाई मौका दिएको छ । पहिलो खेलमा उडानाले बलिङमा खराब प्रदर्शन गरेका थिए । भारतले भने टोलीमा कुनै परिवर्तन गरेको छैन ।

भारत लगातार दोस्रो जितका साथ सिरिज एक खेल अगावै जित्न चाहन्छ । पहिलो खेलमा भारतले ७ विकेटको सहज जित हात पारेको थियो । उक्त खेलमा भारतका ओपनर पृथ्वी शा २४ बलमा ९ चौका सहित ४३ रन जोड्दै म्यान अफ द म्याच चुनिएका थिए । पछिल्लो समय शा उच्च लयमा छन् । कप्तान शिखर धवनले ८६, ईशान किशन ५९ र सूर्य कुमार यादवले ३१ रन जोड्दै सहज जित दिलाएका थिए ।

भारतको प्लेइङ ११ : शिखर धवन, पृथ्वी शा, ईशान किशन, मनिष पाण्डे, सूर्यकुमार यादव, हार्दिक पान्ड्या, क्रुनाल पान्ड्या, दीपक चहर, भुवनेश्वर कुमार, युजभेन्द्र चहल र कुलदीप यादव ।

श्रीलंका प्लेइङ ११ : अविष्का फ्रेनान्डो, मिनोद भानुका (विकेटकिपर), भानुका राजपक्षे, धनन्जय डि सिल्भा, चरिथ असालंका, दासुन शनाका(कप्तान), वानिन्दु हसरंगा, चामिका करुणारत्ने, कसुन रजिथा, दुश्मन्था चामिरा र लक्शान शनदाकन ।