काठमाडौं (हाम्रो खेलकुद)– – चौथो संस्करणको एभरेष्ट प्रिमियर लिग (इपिएल) को अन्तर्राष्ट्रिय मिडिया अधिकार सेल्स एजेन्टमा मारोन मिडियाले पाएको छ । इपिएल असोज ९ देखि २३ गते सम्म टियु मैदानमा हुने यसअघि नै सर्वाजनिक भइसकेको छ । इपिएलले मंगलबार प्रेस विज्ञप्ती मार्फन मारोन मिडियालाई मिडिया राइट्स जिम्मा दिइएको जनाएको छ ।

अष्ट्रेलिया मारोन मिडियाले विश्वव्यापी सहायक नेपाल र भारत बाहेक विश्वभर प्रत्यक्ष प्रसारणको अधिकार पाएको छ । नेपाल र भारतमा भने ग्लोबल ब्रोडकास्ट पार्टनर र होस्ट ब्रोडकास्टको रुपमा लेक्स स्पोर्टेल रहेको छ । ‘हामी इपिएलको साथ रोमान्चित र उत्साहित छौं । इपिएलमा स्थानिय प्रतिभा धेरै छन् । अन्तर्राष्ट्रिय स्टार खेलाडी मिसिएका छन् । यसमा हामी सहभागी हुन पाउँदा धेरै खुसी छौं’, मारोन मिडिया सह संस्थापक लारा रिचर्डसले उदृत गर्दै विज्ञप्तीमा भनिएको छ ।

इपिएलका संस्थापक आमिर अख्तरले मारोन मिडियालाई साझेदारीको लागि धन्यवाद दिदै यो प्रयासले नेपाली क्रिकेटको प्रचार विश्वव्यापी हुने आशा व्यक्त गरेका छन् । इपिएललाई आइसिसीले स्वीकृति दिई सकेको छ । कोरोना महामारीका कारण गतवर्ष चैत १ देखि १५ गते सम्म हुने तय भएपनि अन्तिममा एपिएल स्थगित एको थियो । इपिएलमा ललिपुर प्याट्रियट्स, काठमाडौं, किंग्स इभाभेन, विराटनगर वारियर्स, चितवन टाइगर्स, पोखरा राइनोज र भैरहवा ग्लाडियटर्स गरि ६ टोली छन् । अन्तिम पटक इपिएलको फाइनलमा भैरहवालाई १४ रनले हराउँदै ललिपुरले तेस्रो संस्करणको उपाधि जितेको थियो ।

कोरोना महामारी अघि इपिएलमा पोखरा राइनोजले वेस्ट इन्डिजका विश्फोटक ब्याट्सम्यान क्रिस गेल, केसरिक विलियम्स र स्कटल्याण्डका ओपनर जर्ज मुन्शेलाई अनुबन्ध गरेको थियो । भैरहवा ग्ल्याडियटर्सले वेस्ट इन्डिजका ड्वेन स्मिथ, ललितपुर प्याट्रीयट्सले पाकिस्तानका हमाद हसन, हसन खान, मिर हाम्जा र श्रीलंका उपुल थरंगालाई टोलीमा भित्र्याएको थियो ।

काठमाडौं किंस ११ ले केभिन ओ ब्रायनको नाम सार्वजनिक गर्दा अन्य विदेशी खेलाडीको नाम सार्वजनिक गरेको थिएन । चितवन टाइगर्समा अफगानिस्तानका मोहम्मद शाहजाद, पल स्टिर्लिङ र सिंगापुरका टिम डेविड खेल्ने पक्का भएको थियो । पारस खड्का कप्तान रहेको विराटनगर वारियर्सले भने कुनै विदेशी खेलाडीको नाम सार्वजनिक गरेको थिएन । अव ती विदेशी खेलाडी आउने वा नआउने स्पष्ट भने छैन ।