default_image

3 years ago

July 20, 2021

इंग्ल्यान्डको क्रिकेट बोर्डप्रति सन्दीपको असन्तुष्टि

काठमाडौं (हाम्रो खेलकुद) – नेपाली राष्ट्रिय क्रिकेट टोलीका स्पिनर सन्दीप लामिछानेले भिसा समस्याका कारण अन्तिम समयमा द हन्ड्रेड खेल्न नपाएपछि इंग्ल्यान्ड तथा वेल्स क्रिकेट बोर्ड (ईसीबी) प्रति असन्तुष्टि जनाएका छन् । सन्दीपले सामाजिक संजालमार्फत आफूले इंग्ल्यान्ड पुगेर पनि द हन्ड्रेड खेल्न नपाउनुको कारणबारे लेख्दै यसमा ईसीबीको भूमिका सन्तोषजनक नरहेको उल्लेख गरेका छन् । सन्दीपले यसअघि […]

59 views

0 Bookmark

काठमाडौं (हाम्रो खेलकुद) – नेपाली राष्ट्रिय क्रिकेट टोलीका स्पिनर सन्दीप लामिछानेले भिसा समस्याका कारण अन्तिम समयमा द हन्ड्रेड खेल्न नपाएपछि इंग्ल्यान्ड तथा वेल्स क्रिकेट बोर्ड (ईसीबी) प्रति असन्तुष्टि जनाएका छन् ।

सन्दीपले सामाजिक संजालमार्फत आफूले इंग्ल्यान्ड पुगेर पनि द हन्ड्रेड खेल्न नपाउनुको कारणबारे लेख्दै यसमा ईसीबीको भूमिका सन्तोषजनक नरहेको उल्लेख गरेका छन् । सन्दीपले यसअघि टि२० ब्लास्टमा सहभागी हुन गरेको कागजी प्रक्रियाबाट प्राप्त गरेको भिसाबाट नै इंग्ल्यान्ड यात्रा गरेका थिए । सुरुवातमा ईसीबीको निर्देशन अनुसार नै उक्त भिसाबाट द हन्ड्रेड खेल्न पुगेका सन्दीपलाई २ दिनअघि मात्र सकेसम्म चाडो देश छोड्न भनिएको थियो ।

सन्दीपले सामाजिक संजालमा यस्तो लेखेका छन् :

‘द हन्ड्रेडमा सहभागी हुन नपाउँदा निराश छु । म आफ्नो टोली ओभल इन्भिन्सिबलबाट खेल्न उत्साहित थिएँ । मैले ईसीबीका अधिकारीहरुले दिएको निर्देशन पालना गरेको थिएँ ।

मैले टिएर ५ भिसाका लागि आवेदन दिँदा दुवै प्रतियोगिताका लागि एकै प्रायोजन प्रमाण पत्र पर्याप्त रहने बताइएको थियो । टि२० ब्लास्टका लागि मेरो भिसा समयमा नआएपछि वोर्चेस्टरसाएरले नाम फिर्ता लिएपनि जुलाई १० अघि बेलायत आए मेरो उक्त प्रमाण पत्र मान्य हुने सूचना दिइएको थियो ।

म जुलाई ९ मा बेलायत आउँदा अध्यागमनमा कुनै समस्या भएन र सरकरले तोकेको क्वारेन्टिनमा नै बसेको थिएँ । जुलाई १८ को दिन, मेरो क्वारेन्टिन पूरा हुनुभन्दा २ दिनअघि मलाई ईसीबीबाट मेरो भिसा मान्य नभएको र सकेसम्म चाडो देश छोड्न भनियो । मैले लगातार ईसीबी अधिकारीसँग यसबारे कारण सोधिरहेको छु र सहि उत्तर पाइरहेको छैन । म बुझ्छु अवस्था बदलिन समय लाग्दैन, तर मेरो भिसा मान्य नहुनुको प्रष्ट कारण भने मैले पाउनुपर्छ ।

मैले यस प्रतियोगितामा सहभागी हुन निकै मिहिनेत गरेको छु । म सबै टोलीलाई शुभकामना पनि दिन चाहन्छु । मैले यहाँका समर्थकबाट सधैं माया पाएको छु र ईसीबीलाई यस विषयमा हेरेर अन्यलाई यस्तो समस्या नपरोस् भन्ने कामना गर्दछु । मेरो सहभागिताको प्रतीक्षा गरिरहनुभएका समर्थकको अवस्था मैले बुझेको छु । आशा गरौं आउने दिन राम्रो हुनेछ ।’

यो पनि : सन्दीपले द हन्ड्रेड गुमाउने, नेपाल फर्कंदै

March 29, 2024

इण्डो–नेपाल टि ट्वान्टी- मधेश र तालतला फाइनल भिड्ने

चितवन (हाम्रो खेलकुद)- मधेश प्रदेश र भारतीय टोली तालतला इन्स्टिटाइट कोलकाता चितवनको भरतपुरमा जारी इण्डो–नेपाल टि‌ ट्वान्टी च्याम्पियनसिप क्रिकेटको‌ फाइनलमा भिड्ने भएका छन्। गौतमबुद्ध अन्तर्राष्ट्रिय क्रिकेट रंगशालाको नमुना मैदानमा शुक्रबार भारतको क्षेत्रीय टोली पिएसआरए ग्रुप लखनउलाई २ विकेटले पराजित गर्दै मधेश फाइनलमा पुगेको हो। जितको लागि लखनउले दिएको १ सय ४८ रनको लक्ष्य मधेशले १९.४ […]

March 29, 2024

लोकेशको शतकका बाबजुद नेपाल ‘ए’ पराजित

काठमाडौं (हाम्रो खेलकुद) – ओपनर लोकेश बमको आक्रामक शतकका बाबजुद नेपाल ‘ए’ ले टि२० सिरिजको पहिलो खेलमा आयरल्यान्ड वल्भ्ससँग २१ रनले पराजित भएको छ । आयरल्यान्डले प्रस्तुत गरेको २ सय २३ रनको विजयी लक्ष्य पछ्याएको नेपाल ‘ए’ ले ३ बल अगावै २ सय १ रनमा अलआउट भयो । यससँगै वल्भ्सले सिरिजमा १-० को अग्रता लिएको […]

March 29, 2024

नेपाल ‘ए’ लाई आयरल्यान्ड वल्भ्सको विशाल लक्ष्य

काठमाडौं (हाम्रो खेलकुद) – आयरल्यान्ड वल्भ्सले नेपाल ‘ए’ विरुद्धको टि२० सिरिज अन्तर्गत पहिलो खेलमा २ सय २३ रनको विशाल लक्ष्य प्रस्तुत गरेको छ । पहिलो ब्याटिङको निम्तो पाएको वल्भ्सले निर्धारित २० ओभरमा ५ विकेट गुमाएर २ सय २२ रन बनायो । मध्यम सुरुवात गरेको आयरल्यान्ड वल्भ्सले अन्त्यतिर आक्रामक ब्याटिङ गर्दै विशाल योगफल खडा गर्यो । […]

Success

Thank you for your time.