एजेन्सी – भारतका युवा युवा ब्याट्सम्यान पृथ्वी शा र स्पिनर बरुण चक्रबर्तीले श्रीलंकाविरुद्ध पहिलो टि२० आई खेलमा डेब्यू गरेका छन् । आर प्रेमाडासा स्टेडियममा घरेलु टोली श्रीलंका कप्तान दासुन शनाकाले टस जितेर बलिङ गर्ने निर्णय लिएका छन् । पृथ्वी र बरुणले भारतका लागि टि२० मा डेब्यू गरेका हुन् ।

इन्डियन प्रिमियर लिग (आइपिएल) मा यी दुबै खेलाडीले उत्कृष्ट प्रदर्शन गर्दै आएका छन् । शाले भारतका लागि ५ टेस्ट र ६ ओडिआई खेल खेलि सकेका छन् । उत्कृष्ट लयमा रहेका शा आक्रामक ब्याटिङका लागि परिचित छन् । दिल्ली क्यापिटल्सका ओपनर शाले श्रीलंकाविरुद्ध ओडिआई सिरिजमा उत्कृष्ट सुरुवात दिलाएका थिए । बरुणले भारतका लागि पहिलो खेल खेल्दै छन् । कोलकाता नाइट राइडर्सबाट खेल्दै आएका उनको घरेलु र आइपिएलमा प्रदर्शन उच्च छ ।

श्रीलंकाले अन्तिम ओडिआईबाट टोलीमा तीन परिवर्तन गरेको छ । इसुरु उडाना टोलीमा फर्किएका छन् । ब्याट्सम्यान चरिथ असालान्का र चामिका करुणारत्नेले पनि टि२० आईमा डेब्यू गरेका छन् ।

श्रीलंका प्लेइङ ११ : अविष्का फ्रेनान्डो, मिनोद भानुका (विकेटकिपर), धनन्जय डि सिल्भा, चरिथ असालान्का, दासुन शनाका (कप्तान), एशेन बन्डारा, वानिन्दु हसरंगा, चामिका करुणारत्ने, ईसुरु उडाना, अकिला धनन्जय र दुश्मन्था चामिरा ।

भारतको प्लेइङ ११ : शिखर धवन (कप्तान), पृथ्वी शा, ईशान किशन, सन्जु स्यामसन, सूर्यकुमार यादव, हार्दिक पान्ड्या, क्रुनाल पान्ड्या, दीपक चाहर, भुवनेश्वर कुमार, युजभेन्द्र चहल र बरुणचक्रवर्ती ।