एजेन्सी – भारतले श्रीलंकासँग अन्तिम तथा तेस्रो टि२० आई खेलमा पहिला ब्याटिङ गर्ने भएको छ । आर प्रेमाडासा स्टेडियम कोलोम्बोमा भारतका कप्तान शिखर धवनले टस जितेर ब्याटिङ गर्ने निर्णय लिएका छन् ।

भारतले टोलीमा एक परिवर्तन गरेको छ । घाइते नवदीप सैनीको स्थानमा तीव्र गतिका बलर सन्दीप वारियरले टि२० आईमा डेब्यू गरेका छन् । सन्दीप नेट बलरको रुपमा श्रीलंका गएका थिए । स्पिनर क्रुनाल पान्ड्यालाई कोरोना पोजेटिभ देखिएपछि नेट बलरको रुपमा गएका पाँच खेलाडीलाई भारतले १५ सदस्य टोलीमा समेटेको छ । तामिल नाइडुका सन्दीपले कोलकाता नाइट राइडर्सबाट आइपिएल खेल्ने गर्दछन् । दोस्रो खेलमा चार खेलाडीलाई भारतले डेब्यू दिएको थियो ।

श्रीलंकाले टोलीमा एक परिवर्तन गरेको छ । ईसुरु उडाना पनि चोटका कारण बाहिरिएका छन् । पाथुम निसंकाले उनसको स्थान लिएका छन् । भारतको प्लेइङ ११ मा पाँच प्रमुख ब्याट्सम्यान र ६ बलर छन् । तीन टि२० आई सिरिज १–१ को बराबरी अवस्थामा छ । आज खेल जित्ने टोलीले सिरिज पनि जित्ने छ । भारत पहिलो खेलमा ३८ रनले विजयी हुँदा दोस्रो खेलमा ४ विकेटले पराजित भएको थियो ।

भारतको प्लेइङ ११ : शिखर धवन (कप्तान), ऋतुराज गायकवाड, देवदत्त पाडिक्कल, सन्जु स्यामसन(विकेटकिपर), नितिश राणा, भुवनेश्वर कुमार, कुलदीप यादव, राहुल चाहर, सन्दीप वारियर, चेतन सकारिया र बरुणचक्रवर्ती ।

श्रीलंका प्लेइङ ११ : अविष्का फ्रेनान्डो, मिनोद भानुका ९विकेटकिपर०, धनन्जय डि सिल्भा, सदिरा समाराविक्रम , दासुन शनाका ९कप्तान०, रमेश मेन्डिस, वानिन्दु हसरंगा, चामिका करुणारत्ने, पाथुम निसंका, अकिला धनन्जय र दुश्मन्था चामिरा ।