एजेन्सी – न्युजिल्यान्डले १८ वर्षपछि पाकिस्तान भ्रमण गर्ने भएको छ । पाकिस्तान क्रिकेट बोर्डले न्युजिल्यान्ड आगमी सेप्टेम्बर अक्टोबरमा तीन ओडिआई र पाँच टि२० आईको लागि भ्रमण गर्ने जनाएको छ । टि२० विश्वकप तयारीको रुपमा न्युजिल्यान्डले पाकिस्तानसँग पाँच टि२० आई खेल्न लागेको हो ।

पहिलो ओडिआई खेल १७ सेप्टेम्बरमा सुरु हुने छ । सबै ओडिआई खेल पाकिस्तानको रावलपिन्डीमा हुने छन् । सबै टि२० आई खेल लाहोरमा हुने छन् । न्युजिल्यान्डले पछिल्लो पटक सन् २००३ नोभोम्बरमा पाकिस्तान भ्रमण गरेको हो । २००९ मा लाहोरमा श्रीलंका टोली चडेको बसमा आतन्ककारीले बम आक्रामण गरेपछि पाकिस्तानले यूएईलाई आफ्नो घरेलु मैदान बनाउँदै आएको थियो । तर पछिल्लो समय भने पाकिस्तानमा घरेलु र अन्तर्राष्ट्रिय क्रिकेट फर्कि सकेको छ । पछिल्ला समय ठूला टोलीले पनि पाकिस्तान भ्रमण गरि रहेका छन् ।

इन्डियन प्रिमियर लिग (आइपिएल) २०२१ को बाँकी खेल सेप्टेम्बर १९ देखि १५ अक्टोबरसम्म हुने छ । टि२० विश्वकप १७ अक्टोबर देखि नोभेम्बर १४ सम्म चल्ने छ । आइपिएलको कारण न्युजिल्यान्डका प्रमुख खेलाडी पाकिस्तान भ्रमण गर्ने सम्भावना कम छ । केन विलियम्सन सनराइजर्स हैदराबादका कप्तान हुन् । ट्रेन्ट बोल्ट र जिमी निसम मुम्बई इन्डियन्समा छन् । काईल जेमिसन रोयल च्यालेन्जर्स बेंगलोरका प्रमुख सदस्य हुन् । यस सिरिज टि२० विश्वकप खेलाडी छनोटको लागि निर्णायक बन्ने छ ।

न्युजिल्यान्ड र पाकिस्तानबीचको पहिलो ओडिआई १७ सेप्टेम्बर, दोस्रो १९ सेप्टेम्बर र तेस्रो २१ सेप्टेम्बरमा हुने छ । पाकिस्तान र न्युजिल्यान्ड बीचको पहिलो टि२० आई २५ र दोस्रो २६ सेप्टेम्बरमा हुने छन् । तेस्रो २९ सेप्टेम्बर, चौथो अक्टोबर एक र पाँचौ अक्टोबर तीनमा हुने कार्यतालिका छ ।