काठमाडौं (हाम्रो खेलकुद) – धादिङ जिल्ला क्रिकेट संघ तदर्थ समिति गठन भएको छ । आईतबार धादिङ बेसीमा भएको भेलाले दीपेश कँडेलको अध्यक्षतामा तदर्थ समिति गठन गरेको । योसँगै नेपाल क्रिकेट संघ (क्यान) को केन्द्रिय सदस्यता प्राप्तको लागि धादिङलाई बाटो खुलेको छ ।

लामो समयदेखि धादिङ क्रिकेट विकासमा सक्रिय रुपमा लागि परि रहेका युवा क्रिकेटप्रेमी दीपेश निर्विरोध रुपमा अध्यक्षमा चयन भएका थिए । दीपेशको अध्यक्षतामा १५ सदस्य जिल्ला तदर्थ समिति गठन भएको छ । ‘राजधानीको नजिकै भएर पनि धादिङ क्रिकेट संघ नभएको अवस्थामा धेरै गाह्रो थियो । आज तदर्थ समिति गठन भएको छ । हामीले क्यानबाट मान्यता नपाएपनि विभिन्न प्रतियोगिता यहि समितिबाट जिल्ला खेलकुदमा दर्ता गर्ने, सञ्चालन तथा सक्रिय रुपमा सञ्चालन गर्ने र्छौ’, अध्यक्ष दीपेशले हाम्रो खेलकुदसँग कुरा गर्दै भने ।

‘प्रतियोगिता आयोजना गर्ने । सबै स्थायिनतहहरुसँग आफ्नो माग राख्ने र विभिन्न योजनाहरु लैजाने निर्णय गरेका छौं । हामीले धादिङका सबै स्थानियतह ११ गाउँपालिका र दुई नगरपालिकासँग एकेडेमी सञ्चालन देखि प्रतियोगिता आयोजना गर्नसम्म समन्वय र सहकार्य गर्दै अगाडि बढ्नेछौं’, दीपेशले भने । चाँडैनै प्रदेश हुँदै केन्द्रमा दर्ता गराउँदै बैधानिकतातार्फ लैजाउने उनले सुनाए । ‘एउटा राम्रो टिम निर्माण गरेका छौं । यो टिमले आगमी दिनमा धेरै राम्रो काम गर्ने छ’, उनले भने ।

उक्त कार्यक्रममा धादिङ खेलकुद विकास समितिका अध्यक्ष प्रताप तामाङ, जिल्ला पत्रकार महासंघका अध्यक्ष राजाराम शर्मा, विभिन्न क्लबका प्रतिनिधि र खेलप्रेमीहरु लगायतको सहभागिता थियो । तदर्थ समितिको उपाध्यक्षमा नारायण सिलवााल, महासचिवमा मनिष दुवाडी, सचिवमा सन्दीप सापकोटा र कोषाध्यक्षमा ठाकुर ढकाल छन् । सहसचिवमा राम बहादुर रानामगर चएन भएका छन् । सदस्यहरुमा सम्भाजी थापा, श्रीकृष्ण भण्डारी, अनिल अधिकारी, सन्तोष पाण्डे, रविन्द्रर सापकोटा, दीपेन्द्र शाह र सुमन श्रेष्ठ छन् ।