3 years ago
August 30, 2021
काठमाडौं (हाम्रो खेलकुद) – लुम्बिनी प्रदेशका युवा ब्याट्सम्यान देव खनालले चौथो संस्करणको एभरेष्ट प्रिमियर लिग (इपिएल) चितवन टाइगर्सबाट खेल्ने भएका छन् । चितवनले देव खनाल र नेपाली क्रिकेट टोलीका अलराउन्डर राजेश पुलामी मगरलाई न्यूनतम मूल्य ५० हजार रुपैयाँमा अनुबन्ध गरेको हो । देव पहिलो पटक फ्रेन्चाइज लिगमा अनुबन्ध भएका हुन् । गत माघमा भएको प्रधानमन्त्री […]
काठमाडौं (हाम्रो खेलकुद) – लुम्बिनी प्रदेशका युवा ब्याट्सम्यान देव खनालले चौथो संस्करणको एभरेष्ट प्रिमियर लिग (इपिएल) चितवन टाइगर्सबाट खेल्ने भएका छन् ।
चितवनले देव खनाल र नेपाली क्रिकेट टोलीका अलराउन्डर राजेश पुलामी मगरलाई न्यूनतम मूल्य ५० हजार रुपैयाँमा अनुबन्ध गरेको हो । देव पहिलो पटक फ्रेन्चाइज लिगमा अनुबन्ध भएका हुन् । गत माघमा भएको प्रधानमन्त्री कपमा उनको ब्याटिङको क्लासले धेरैलाई प्रभावित पारेको थियो ।
लुम्बिनी प्रदेश प्रधानमन्त्री कपमा समूह चरणबाटै बाहिरिएपनि देव खनालले आफ्नो उत्कृष्ट प्रभाव छोड्दै फर्किएका थिए । रुपन्देहीका २० वर्षिय युवा ब्याट्सम्यान देवको प्रर्दशनसँगै खेल्ने शैली, आकर्षण सटले धेरैलाई प्रभाव पारेको थियो । ६ फिट अग्ला उनको खेल्ने शैली गज्जव छ । उनको कभरड्राइभले विश्वका चर्चित ब्याट्सम्यानको झल्को दिने गर्दछ ।
‘इपिएल नेपालको ठूलो लिग हो । इपिएल खेल्ने सपना पूरा हुँदै छ । टोलीमा खेल्न पाइयो भने जसरी भएपनि राम्रो गर्ने सोच छ’, देवले हाम्रो खेलकुदसँग भने । ‘चितवनले टोलीमा मलाई लिएको छ । मैले पनि चितवनलाई केहि गर्नु छ । विदेशी खेलाडीहरुसँग धेरै कुराहरु सिक्न पाइन्छ । इपिएल खेल्न निकै उत्साहित छुँ’, उनले भने ।
त्यस्तै नेपाली टोलीमा पूनरागमन गर्न संघर्षरथ अलराउन्डर राजेश पुलामी मगरले पनि प्रधानमन्त्री कप प्रतियोगितामा उत्कृष्ट प्रदर्शन गरेका थिए । आर्मी प्रतियोगिता च्याम्पियन बन्दा उनको अलराउन्ड योगदान थियो । राजेशलाई पोखरा राइनोजले गतवर्ष टोलीबाट फुकुवा गरेको थियो । राजेश मध्यक्रममा ब्याटिङसँगै लेगस्पिन बलिङ गर्ने गर्दछन् ।
चितवनले विदेशी खेलाडीको रुपमा अफगानिस्तानका विष्फोटक ब्याट्सम्यान मोहम्मद शाहजाद, पाकिस्तानका अलराउन्डर दानिस अजिज, मलेसिया चर्चित युवा ब्याट्सम्यान विरनदीप सिंह र श्रीलंका अलराउन्डर सिक्कुगे प्रसन्नालाई टोलीमा अनुबन्ध गरेको छ ।
सोमपाल कामीको कप्तानीमा रहेको चितवनमा दिलिप नाथ, सन्दीप सुनार, साहब आलम, कमल सिंह ऐरी, भीम सार्की, सागर ढकाल, आदिल खान, ईशान पाण्डे, खडक बोहरा स्वदेशी खेलाडी रहेका छन् । इपिएल आगमी असोज ९ देखि २३ सम्म टियु मैदानमा हुने छ ।
April 19, 2024
एजेन्सी – लखनउ सुपर जाइन्टले इन्डियन प्रिमियर लिग (आइपिएल) मा शुक्रबार चेन्नई सुपर किंग्सलाई ८ विकेटले हराएको छ । १ सय ७७ रनको विजय लक्ष्यसहित उत्रेको लखनउले कप्तान केएल राहुल र क्विन्टन डि ककको अर्धशतकसँगै १९ ओभरमा २ विकेटको क्षेतिमा १ सय ८० रन जोडेर जित निकालेको छ । डि कक र केएल राहुले पहिलो […]
April 19, 2024
एजेन्सी – नेपाली क्रिकेट टोलीले एसीसी इमर्जिङ टिम्स एसिया कपमा छनोट हुनका लागि शनिबार हङकङसँग प्रतिस्पर्धा गर्ने भएको छ । एसीसी प्रिमियर कपको दोस्रो सेमिफाइनलमा घरेलु टोली ओमानसँग शुक्रबार ५ विकेटले पराजित भएपछि हङकङको नेपालसँगको भेट पक्का भएको हो । फाइनल पुगेको ओमानले भने एसिया कपमा पुग्नको लागि आइतबार संयुक्त अरब इमिरेट्स (युएई)को सामना गर्नेछ […]
April 19, 2024
एजेन्सी – संयुक्त अरब इमिरेट्स (युएई) ले एसीसी प्रिमियर कपको उपाधिका घरेलु टोली ओमानको सामना गर्ने भएको छ । दोस्रो सेमिफाइनलमा शुक्रबार हङकङलाई ५ विकेटले हराउँदै ओमानले युएईसँगको फाइनल भेट पक्का गरेको हो । त्यसअघि नेपाललाई ६ विकेटले हराउँदै युएई फाइनलमा पुगेको थियो । हङकङविरुद्ध १ सय ३१ रनको लक्ष्य पछ्याएको ओमानले ४ बल बाँकी […]