एजेन्सी – घरेलु टोली ओमानले अर्को महिना आयोजना हुने टि२० विश्वकपको लागि टोली घोषणा गरेको छ । टि२० विश्वकप संयुक्त अरब इमिरेट्स (युएई) र ओमानमा अक्टोबर १७ देखि नोभेम्बर १४ सम्म हुँदै छ ।

ओमानले युवा ब्याट्सम्यान अकिब इलायसलाई उपकप्तानको जिम्मेवारी दिएको छ । घोषणा टोलीमा दुई अनक्याप्ड खेलाडी अयान खान र नेस्टर धम्बा छन् । अनुभवी खेलाडी जतिन्दर सिंह, बिलाल खान, मोहम्मद नदीम लगायतका खेलाडीहरु छन् । ओमान पहिलो चरणको समूह बी मा छ । ओमानसँगै, नामिबिया, बंगलादेश र पिएनजी छन् ।

ओमानले विश्वकप तयारीको लागि आइसिसी विश्वकप लिग–२ अन्तर्गत त्रिकोणात्मक ओडिआई सिरिज नेपाल र अमेरिका तथा स्कटल्यान्ड र पिएनजीसँग खेल्ने छ । त्यस्तै श्रीलंकासँग दुई टि२० आई खेल खेल्ने छ । नेपाल र ओमानबीचको पहिलो खेल सेप्टेम्बर १४ मा हुने छ । नेपाल र ओमानबीचको दोस्रो ओडिआई खेल सेप्टेम्बर १९ मा हुने छ । अक्टोबर ७ र ९ मा श्रीलंकासँग टि२० आई खेल खेल्ने छ । मुम्बईसँग तीन टि२० र चार एकदिवसिय अभ्यास खेल खेल्ने छ ।

पिएनजीले पहिलो खेल अक्टोबर १७ मा पिएनजीसँग खेल्ने छ । ओमानले दोस्रो खेल अक्टोबर १९ मा बंगलादेशसँग खेल्ने छ । अन्तिम खेल अक्टोबर २१ मा स्कटल्यान्डसँग खेल्ने छ । समूह बी बाट शीर्ष दुईमा रहन सके सुपर १२ मा स्थान बनाउने छ ।

ओमानको टोली : जिशान मकसुद (कप्तान), अकिब इलायस, जतिन्दर सिंह, खवर अली, मोहम्मद नदीम, अयान खान, सुरज कुमार, सन्दीप गौड, नेस्टर धम्बा, कलिमुल्लाह, बिलाल खान, नसिम खुशी, सुफ्यान मोहम्मद, फैज बुट र खुराम खान ।

टि२० विश्वकपमा समूह चरण :

पहिलो चरण :

समूह ए : नेदरल्यान्ड्स, आयरल्यान्ड, नामिबिया र श्रीलंका

समूह बी : ओमान, पिएनजी, बंगलादेश र स्टकल्यान्ड

सुपर १२ :

समूह ए : इंग्ल्यान्ड, वेस्टइन्डिज, दक्षिण अफ्रिका, अष्ट्रेलिया, पहिलो चरणको समूह ए को विजेता र समूह बी को उपविजेता ।

समूह बी : भारत, पाकिस्तान, अफगानिस्तान, न्युजिल्यान्ड, पहिलो चरणको समूह बी को विजेता र समूह ए को उपविजेता ।