एजेन्सी – उपाधिको बलियो दाबेदार वेस्टइन्डिजले अर्को महिना संयुक्त अरब इमिरेट्स (युएई) र ओमानमा हुने टि२० विश्वकपको लागि टोली घोषणा गरेको छ । काइरन पोलार्डको कप्तानीमा वेस्टइन्डिजले १५ सदस्य बलियो टोली घोषणा गरेको छ ।

विश्व क्रिकेटमा आक्रमक ब्याटिङका लागि परिचित वेस्टइन्डिजको टोलीमा ३६ वर्षिय तीव्र गातिका बलर रवि रामपाउलले पूनरागमन गरेका छन् । रामपाउलले ६ वर्षपछि वेस्टइन्डिजको टोलीमा फर्किएका हुन् । विश्वका चर्चित टि२० स्टार ब्याट्सम्यानले भरिभराउ वेस्टइनिडजले बलियो टोली घोषणा गर्दै उपाधि दाबेदार प्रस्तुत गरेको छ ।

आन्द्रे रसेल, क्रिस गेल, ड्वेन ब्राभो, शिम्रन हेटमायर, निकोलस पुरन लगायतका स्टार ब्याट्सम्यान टोलीमा छन् । सुनिल नारायण भने टोलीमा छैनन् । स्टार अलराउन्डर जेसन होल्डर र युवा स्पिनर अकिल हुसैन वैकल्पिक सुचिमा छन् । टेस्ट स्टार स्पिन अलराउन्डर रोश्टन चेशले पनि टि२० विश्वकप टोलीमा स्थान बनाएका छन् । वेस्टइन्डिज सुपर १२ को समूह ए मा छ । वेस्टइन्डिजले विश्वकपमा पहिलो खेल अक्टोबर २३ मा इंग्ल्यान्डसँग खेल्दै सुरुवात गर्ने छ । साविक विजेता वेस्टइन्डिजले २०१६ को फाइनलमा इंग्ल्यान्डलाईनै पराजित गर्दै दोस्रो पटक उपाधि जितेको थियो ।

वेस्टइन्डिजको विश्वकप खेल्ने टोली : काइरन पोलार्ड (कप्तान), निकोलस पुरन (उपकप्तान), फबिएन एलेन, ड्बेन ब्राभो, रोश्टन चेश, आन्द्रे फ्लेचर, क्रिस गेल, शिम्रन हेटमायर, इभिन लेविस, ओबेद म्याककोय, रवि रामपाउल, आन्द्रे रसेल, लेन्डन सिमन्स, ओशान थोमस र हेडन वाल्श जुनियर ।

भ्रमण बैकल्पिक खेलाडी : ड्यारेन ब्राभो, शेल्डन कटरेल, जेसन होल्डर र अकिल हुसैन ।

टि२० विश्वकपमा समूह चरण :

पहिलो चरण :

समूह ए : नेदरल्यान्ड्स, आयरल्यान्ड, नामिबिया र श्रीलंका

समूह बी : ओमान, पिएनजी, बंगलादेश र स्टकल्यान्ड

सुपर १२ :

समूह ए : इंग्ल्यान्ड, वेस्टइन्डिज, दक्षिण अफ्रिका, अष्ट्रेलिया, पहिलो चरणको समूह ए को विजेता र समूह बी को उपविजेता ।

समूह बी : भारत, पाकिस्तान, अफगानिस्तान, न्युजिल्यान्ड, पहिलो चरणको समूह बी को विजेता र समूह ए को उपविजेता ।