एजेन्सी – भारत र इंग्ल्यान्डबीचको पाँचौं तथा अन्तिम टेस्ट खेल कोरोना कारण रद्ध भएको छ । खेल आजदेखि म्यानचेस्टरमा सुरु हुने कार्यक्रम थियो । तर भारतीय फिजियो योगेश प्रारमरलाई कोरोना देखिएपछि रद्ध हुन पुगेको हो ।

भारतीय सबै खेलाडीको कोरोना रिपोर्ट भने नेगेटिभ आएको थियो । इन्डियन प्रिमियर लिग (आइपिएल) सुरु हुन १० दिन मात्र बाँकी हुँदा मिति सरेको खण्डमा प्रभावित हुने हुँदा पाँचौं टेस्ट रद्ध नै हुन पुगेको हो । भारतीय कोचिङ स्टाफमा कोरोना देखिएपछि भारतीय टोली मदान उत्रन अयोग्य मानिएको थियो ।

दुबै क्रिकेट बोर्डको सहमतीमा पाँचौ टेस्ट रद्ध भएको इंग्ल्यान्ड क्रिकेट बोर्डले जनाएको छ । पाँचौं टेस्ट रद्ध भएसँगै पाँच खेलको सिरिज भारतले २-१ ले जितेको छ । भारतले चौथो टेस्ट खेलमा द ओभलमा सन् १९७१ पछि इंग्ल्यान्डलाई १सय ५७ रनले पराजित गरेको थियो । पहिलो टेस्ट बराबरीमा सकिएको थियो ।

दोस्रो खेलमा भारत १ सय ५१ रनले विजयी हुँदा तेस्रो खेलमा ७६ रनको इनिङ अन्तरले पराजित भएको थियो । अव भारतीय खेलाडी आइपिएलको लागि युएई जाने छन् । आइपिएल सेप्टेम्बर १९ देखि अक्टोबर १५ सम्म चल्ने छ । टि२० विश्वकप अक्टोबर १७ देखि नोभेम्बर १४ सम्म चल्ने छ ।