3 years ago
September 12, 2021
काठमाडौं (हाम्रो खेलकुद) – स्पिनर सन्दीप लामिछानेले नेपाली राष्ट्रिय क्रिकेट टोलीबाट अन्तर्राष्ट्रिय खेलमा लगातार उत्कृष्ट प्रदर्शन गर्दै आएका छन् । नेपाली टोलीका प्रमुख हतियार सन्दीप विश्वको स्टार स्पिनरमा पर्दछन् । इन्डियन प्रिमियर लिग देखि बिग ब्यास लिग सम्मका चर्चित अन्तर्राष्ट्रिय फ्रेन्चाइज लिग खेलका सन्दीप वर्तमान समयका एसोसियट टोलीका प्रमुख स्पिनर मानिन्छन् । सन्दीप हाल आइसिसी […]
काठमाडौं (हाम्रो खेलकुद) – स्पिनर सन्दीप लामिछानेले नेपाली राष्ट्रिय क्रिकेट टोलीबाट अन्तर्राष्ट्रिय खेलमा लगातार उत्कृष्ट प्रदर्शन गर्दै आएका छन् । नेपाली टोलीका प्रमुख हतियार सन्दीप विश्वको स्टार स्पिनरमा पर्दछन् । इन्डियन प्रिमियर लिग देखि बिग ब्यास लिग सम्मका चर्चित अन्तर्राष्ट्रिय फ्रेन्चाइज लिग खेलका सन्दीप वर्तमान समयका एसोसियट टोलीका प्रमुख स्पिनर मानिन्छन् ।
सन्दीप हाल आइसिसी विश्वकप लिग–२ अन्तर्गत ओमान र अमेरिकासँग त्रिकोणात्मक ओडिआई सिरिजको लागि मस्कटमा छन् । नेपालले तयारी स्वरुप पपुवा न्युगिनी (पिएनजी) विरुद्ध दुई ओडिआई खेल खेल्दा सन्दीपले दुबै खेलमा उत्कृष्ट प्रदर्शन गरेका थिए । सन्दीप पहिलो खेलमा चार र दोस्रो खेलमा ६ विकेट लिँदै लगातार प्लेयर अफ द म्याच चुनिएका थिए ।
सन्दीप उच्च लयमा देखिएका छन् । यहि लयलाई कायम राख्न सके सन्दीपले ओडिआई विश्व क्रिकेटमा थुप्रै कीर्तिमानहरु बनाउन र तोड्न सक्ने सम्भावना छ । केहि सन्दीपले ओडिआई इतिहासमै बन्न नसकेको दुर्लभ कीर्तिमान बनाउन सक्छन् । सन्दीपले ओडिआईका यी दुर्लभ विश्व कीर्तिमान बनाउन सक्ने सम्भावना उच्च छ ।
३. लगातार सर्वाधिक प्लेयर अफ द म्याच
पछिल्ला तीन ओडिआई खेलमा नेपाललाई जिताउन सन्दीपले उत्कृष्ट प्रदर्शनका साथ लगातार तीन पटक प्लेयर अफ द म्याच चुनिएका छन् । २०२० फेब्रुअरीमा अमेरिकालाई ३५ रनमा अल आउट गर्न सन्दीपले ६ ओभरमा १ मेडन सहित १६ रन खर्चेर ६ विकेट लिँदै प्लेयर अफ द म्याच चुनिएका थिए । पिएनजीविरुद्ध पहिलो खेलमा १० ओभरमा ३५ रन खर्चेर ४ विकेट लिँदै प्लेयर अफ द म्याच चुनिएका थिए ।
पिएनजीविरुद्ध दोस्रो खेलमा ५.१ ओभरमा ११ रन खर्चेर ६ विकेट लिँदै लगातार तेस्रो पटक प्लेयर अफ द म्याच चुनिएका थिए । ओडिआई इतिहासमा लगातार सर्वाधिक चार पटक प्लेयर अफ द म्याच भारतीय क्रिकेट टोलीका पूर्व कप्तान सौरभ गांगुलीको नाममा छ । गांगुलीले सन् १९९६ मा पाकिस्तानविरुद्ध लगातार चार पटक सम्म ओडिआईमा प्लेयर अफ द म्याच चुनिएका थिए ।
क्यानडामा भएको पाँच ओडिआई सिरिजमा गांगुली दोस्रो, तेस्रो, चौथो र पाँचौं खेलमा लगातार उत्कृष्ट प्रदर्शनका साथ प्लेयर अफ द म्याच चुनिएका थिए । सन्दीपले अमेरिका र ओमानसँग सुरुवात खेलमा उत्कृष्ट प्रदर्शनका साथ प्लेयर अफ द म्याच चुनिन सके उक्त कीर्तिमान तोडिने छ । अमेरिकासँग पहिलो खेलमा चुनिएमा कीर्तिमान बराबरी गर्ने छन् । पछिल्लो समयको प्रदर्शनलाई हेर्दा गांगुलीको कीर्तिमान तोड्न सक्ने सन्दीपको सम्भावना देखिन्छ ।
२. सर्वाधिक छिटो ५० विकेट
सन्दीपले ओडिआईमा करिअरमा १२ खेलमा ३३ विकेट लिएका छन् । अब उनलाई ५० विकेट पूरा गर्न १७ विकेट आवश्यक छ । बाँकी ६ खेलमा १७ विकेट लिन सके सन्दीप ओडिआई इतिहासकै सर्वाधिक छिटो अर्थात कम खेलमा ५० विकेट लिने बलर लिने बलर बन्न सक्छन् । ओडिआईमा सर्वाधिक छिटो ५० विकेट लिने कीर्तिमान श्रीलंका पूर्वस्पिनर अजन्था मेन्डिसको नाममा छ ।
मेन्डिसले सन् २००९ मा १९ खेलमा ५० विकेट लिएका थिए । दोस्रो स्थानमा भारतका अजित अग्राकारको नाममा छ । उनले २३ खेलमा ५० विकेट पूरा गरेका थिए ।
१. चार पटक लगातार चारमाथि विकेट
सोमबार सन्दीपलाई अमेरिकाविरुद्ध मैदान उत्रदा विश्व कीर्तिमानको सुनौलो अवसर हुने छ । सन्दीपले अमेरिकाविरुद्ध पनि चार विकेट लिएमा ओडिआईमा पहिलो पटक लगातार चारमाथि चार पटक विकेट लिने पहिलो बलर बन्ने छन् । सन्दीपले पिएनजीविरुद्ध ६ विकेट लिँदै यस कीर्तिमान बराबरी गरिसकेका छन् । ओडिआईमा लगातार चारमाथि तीन पटक मात्र विकेट लिन सकेका छन् ।
पाकिस्तानका पूर्व तीव्र गतिका बलर वकार यूनिस, शादि अफ्रिदी, शाहिन शाह अफ्रिदी, अब्दुल रजाक, भारतका मोहम्मद शामी, अष्ट्रेलिया शेन वार्न, न्युजिल्यान्डका म्याट हेनरी लगायतका चर्चित बलरले तीन पटक सम्म लगातार चारमाथि विकेट लिन सकेका छन् ।
April 19, 2024
एजेन्सी –आशुतोष शर्माको सानदार ब्याटिङका बाबजुद पञ्जाब किंग्स मुम्बई इण्डियन्ससँग बिहीबार इण्डियन प्रिमियर लिग (आइपिएल) मा नाटकीय शैलीमा ९ रनले पराजित भएको छ । पञ्जाबको लागि आठौं क्रमका ब्याटर आशुतोष शर्माले ६१ रन बनाएपनि जितको लागि प्रयाप्त भएन । मुम्बइको जितमा सूर्य कुमारले अर्धशतकीय पारी खेले । मुम्बईका जसप्रित बुमराह र जेराल्ड कोएट्जेको बलिङ महत्वपुर्ण […]
April 18, 2024
काठमाडौं (हाम्रो खेलकुद) – विपिन खत्रीको उत्कृष्ट बलिङमा मधेश प्रदेशलाई ८ विकेटले हराउँदै गण्डकी प्रदेशले वीर गणेशमान सिंह राष्ट्रिय टी-ट्वान्टी च्याम्पिनसिपमापहिलो जित दर्ता गरेको छ। लगातार २ हारपछि पहिलो जित निकाल्ने क्रममा गण्डकीका अर्जुन कुमालले नटआउट ४९ रन बनाए।माथिल्लो मुलपानी मैदानमा जितको लागि १ सय ३ रनको लक्ष्य गण्डकीले १६.३ ओभरमा २ विकेटको नोक्सानीमा पुरा […]
April 18, 2024
काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिप बिहीबार भएको कम योगफलको खेलमा लुम्बिनी प्रदेशले कर्णाली प्रदेशलाई ७ विकेटले सहजै हराएको छ। लुम्बिनीको जितमा कप्तान देव खनालले अर्धशतक बनाए। लुम्बीनीको यो दोस्रो जित हो। ८२ रनको सहज लक्ष्य लुम्बिनीले १२.२ ओभरमा मात्र ३ विकेटको नोक्सानीमा पुरा गर्यो। कप्तान देवले उत्कृष्ट ब्याटिङ गरे। उनले […]