default_image

3 years ago

September 19, 2021

नेपाल फर्कने प्रशिक्षक ह्वाटमोरको इच्छा

काठमाडौं (हाम्रो खेलकुद) – नेपाली राष्ट्रिय क्रिकेट टोलीका प्रशिक्षक डेभ ह्वाटमोरले जिम्मेवारीमा रहँदाको अन्तिम खेलमा ओमानलाई हराएपछि भविष्यमा नेपाल फर्कने इच्छा व्यक्त गरेका छन् । अन्तिम खेलमा जित हासिल गरेपछि पोस्ट म्याच कन्फरेन्समा बोल्दै प्रशिक्षक ह्वाटमोरले नेपाली टोलीको प्रशंसा गरे । ‘नेपाली टोली एकदम क्षमतावान खेलाडीले भरिएको छ । हाम्रो दुर्भाग्य थियो की सिरिजका दुई […]

73 views

0 Bookmark

काठमाडौं (हाम्रो खेलकुद) – नेपाली राष्ट्रिय क्रिकेट टोलीका प्रशिक्षक डेभ ह्वाटमोरले जिम्मेवारीमा रहँदाको अन्तिम खेलमा ओमानलाई हराएपछि भविष्यमा नेपाल फर्कने इच्छा व्यक्त गरेका छन् ।

अन्तिम खेलमा जित हासिल गरेपछि पोस्ट म्याच कन्फरेन्समा बोल्दै प्रशिक्षक ह्वाटमोरले नेपाली टोलीको प्रशंसा गरे । ‘नेपाली टोली एकदम क्षमतावान खेलाडीले भरिएको छ । हाम्रो दुर्भाग्य थियो की सिरिजका दुई खेलमा हामीले सोचेजस्तो खेल्न सकेनौं,’ उनले भने, ‘तर आज टस जितेपछि खेलाडीले योजना अनुसार नै खेले र राम्रो प्रदर्शन गरे । अन्तिम खेलमा जितसँगै अन्त्य गर्न पाउँदा खुसी छु । यो २ अंक निकै महत्त्वपूर्ण पनि छ ।’

ह्वाटमोरले नेपालको प्रशिक्षक रहँदा समर्थकको निरन्तर साथको लागि धन्यवाद व्यक्त गरे । ‘समर्थकको कुरा गर्नुपर्दा मैले धेरै सुनेको थिएँ । त्यसको केहि झलक महसुस पनि गर्न पाएँ,’ उनले सम्झिए, ‘नेपालमा भएको त्रिकोणात्मक सिरिजमा सरकारले प्रतिबन्ध लगाउनुअघि समर्थकसहितको वातावरणमा पनि खेल्यौं । समर्थकहरु मैदानमा आएर टोलीको साथ दिएको देख्दा खुसी लग्यो । नेपाली क्रिकेटलाई साथ दिनुहुने सबैलाई धन्यवाद ।’

अन्त्यमा उनले टोलीसँग भविष्यमा काम गर्नेबारे इच्छा पनि जाहेर गरे । ‘हुनसक्छ भविष्यमा फेरी हामी यो यात्रालाई निरन्तरता दिन सक्नेछौं । सम्भावना छ भने । तर सबैलाई निरन्तर साथको लागि धन्यवाद,’ उनले भने ।

यो पनि : ‘प्रशिक्षक ह्वाटमोरले सोचेभन्दा चाडो छोड्नुभयो’ – कप्तान ज्ञानेन्द्र

March 29, 2024

नेपाल ‘ए’ लाई आयरल्यान्ड वल्भ्सको विशाल लक्ष्य

काठमाडौं (हाम्रो खेलकुद) – आयरल्यान्ड वल्भ्सले नेपाल ‘ए’ विरुद्धको टि२० सिरिज अन्तर्गत पहिलो खेलमा २ सय २३ रनको विशाल लक्ष्य प्रस्तुत गरेको छ । पहिलो ब्याटिङको निम्तो पाएको वल्भ्सले निर्धारित २० ओभरमा ५ विकेट गुमाएर २ सय २२ रन बनायो । मध्यम सुरुवात गरेको आयरल्यान्ड वल्भ्सले अन्त्यतिर आक्रामक ब्याटिङ गर्दै विशाल योगफल खडा गर्यो । […]

March 29, 2024

कमल प्लेइङ-११ मा खेल्दै, पवन बेन्चमा

काठमाडौं (हाम्रो खेलकुद) – तीव्र गतिका बलर कमलसिंह ऐरीले नेपाल ‘ए’ बाट आयरल्यान्ड वल्भ्सविरुद्ध शुक्रबार हुने टि२० खेलमार्फत पुनरागमन गर्ने भएका छन् । नेपाल ‘ए’ को कप्तान विनोद भण्डारीले टस जितेर पहिलो फिल्डीङ गर्ने निर्णय लिएका हुन् । आयरल्यान्ड वल्भ्सले सुरुवाती इनिङमा ब्याटिङ गर्दैछ । कमलले लामो समय चोटका कारण बाहिर रहेर आज पुनरागमन गर्दैछन् […]

March 29, 2024

नेपाल ‘ए’ ले टस जित्यो

काठमाडौं (हाम्रो खेलकुद) – नेपाल ‘ए’ क्रिकेट टोलीले आयरल्यान्ड वल्भ्सविरुद्ध पहिलो टि२० खेलमा टस जितेको छ । नेपाल ‘ए’ को कप्तान विनोद भण्डारीले टस जितेर पहिलो फिल्डीङ गर्ने निर्णय लिएका हुन् । आयरल्यान्ड वल्भ्सले पहिलो ब्याटिङ गर्दैछ । नेपालको टोली : विनोद भण्डारी (कप्तान), लोकेश बम, देव खनाल, किरण ठगुन्ना, आरिफ शेख, अर्जुन घर्ती, बसिर […]

Success

Thank you for your time.