default_image

2 years ago

October 31, 2021

न्युजिल्यान्डसँग भारतको लज्जास्पद ब्याटिङ

एजेन्सी – आइसिसी टि२० विश्वकप २०२१ मा भारतले सुपर १२ को समूह २ मा महत्वपूर्ण खेलमा न्युजिल्यान्डलाई १ सय ११ रनको सामान्य विजयी लक्ष्य दिएको छ । दुबई इन्टरनेशनल क्रिकेट स्टेडियममा टस हारेर ब्याटिङको निम्तो पाएको भारतले निर्धारित २० ओभरमा ७ विकेट गुमाउँदै १ सय १० रन मात्र बनाउन सक्यो । विश्वस्तरिय ब्याटरले भरिभराउ भारतीय […]

51 views

0 Bookmark

एजेन्सी – आइसिसी टि२० विश्वकप २०२१ मा भारतले सुपर १२ को समूह २ मा महत्वपूर्ण खेलमा न्युजिल्यान्डलाई १ सय ११ रनको सामान्य विजयी लक्ष्य दिएको छ ।

दुबई इन्टरनेशनल क्रिकेट स्टेडियममा टस हारेर ब्याटिङको निम्तो पाएको भारतले निर्धारित २० ओभरमा ७ विकेट गुमाउँदै १ सय १० रन मात्र बनाउन सक्यो । विश्वस्तरिय ब्याटरले भरिभराउ भारतीय टोलीले न्युजिल्यान्डको बलिङ सामू लज्जास्पद ब्याटिङ गर्दै महत्वपूर्ण खेलमा सामान्य योगफलमै समेटिएको छ । भारतका रविन्द्र जडेजा १९ बलमा २ चौका र १ छक्का सहित सर्वाधिक २६ रनमा अविजित रहे । हार्दिक पान्ड्याले २४ बलमा १ चौका सहित २३ रन बनाए ।

ओपनर ईशान किशनलाई तेस्रो ओभरको पाँचौं बलमा ट्रेन्ट बोल्टले डर्याल मिचेलबाट ४ रनमा क्याच गराउँदै न्युजिल्यान्डलाई पहिलो सफलता दिलाएका थिए । लगत्तै अर्को बलमा पुल सट खेलेका रोहित शर्माको क्याच एडम मिल्नेले क्याच ड्रप गरेपछि गोल्डेन डकबाट बचेका थिए ।
तीव्र गतिका बलर टिम साउथीले छैटौं ओभरको पाँचौं बलमा अर्का ओपनर लोकेश राहुललाई १८ रनमा डर्याल मिचेलबाटै क्याच गराएका थिए । राहुलले १६ बलमा ३ चौका प्रहार गरे । ठूलो सट खेल्ने धुनमा राहुल डीप स्क्वायर लेगमा समातिन पुगेका थिए ।


पहिलो बलमै जीवनदान पाएका रोहित शर्मा १४ रनमै आउट हुन पुगे । स्पिनर ईश सोधीको बलमा रोहित मार्टिन गुप्टिलबाट क्याच भएपछि भारत समस्यामा परेको थियो । रोहितले १४ बलमा १ चौका र १ छक्का प्रहार गरे । स्पिनर ईश सोधीको ११ औं ओभरको पहिलो बलमा विराट कोहली ठूलो सट खेल्ने धुनमा बोल्टबाट लङअनमा ९ रनमा क्याच आउट भएपछि भारत संकटमा परेको थियो । कोहलीले १७ बल खेलेका थिए ।

मिल्नेले ऋषभ पन्तलाई १२ रनमा बोल्ड आउट गरे । १९ बल खेलेका पन्तले कुनै बाउन्ड्री प्रहार गर्न सकेनन् । पन्त बोल्ड आउट हुँदा भारत १४.३ ओभरमा ७०–५ को अवस्थामा पुगेको थियो । भारतले खेलमा ५.१ ओभरपछि १७ ओभरको अन्तिम बलमा बाउन्ड्रीको रुपमा चौका प्रहार गरेको थियो । पहिलो पावर प्लेमा अर्थात सुरुवाती ६ ओभरमा भारत ३५–२ को अवस्थामा थियो । तर त्यसपछि खराब ब्याटिङका साथ सामान्य योगफलमा समेटिएको थियो ।

न्युजिल्यान्डका तीव्र गतिका बलर ट्रेन्ट बोल्टले ४ ओभरमा २० रन खर्चेर ३ विकेट लिए । स्पिनर ईश सोधीले ४ ओभरमा १७ रन खर्चेर २ विकेट लिए । एडम मिल्ने र टिम साउथीले १–१ विकेट लिए ।

March 29, 2024

इण्डो–नेपाल टि ट्वान्टी- मधेश र तालतला फाइनल भिड्ने

चितवन (हाम्रो खेलकुद)- मधेश प्रदेश र भारतीय टोली तालतला इन्स्टिटाइट कोलकाता चितवनको भरतपुरमा जारी इण्डो–नेपाल टि‌ ट्वान्टी च्याम्पियनसिप क्रिकेटको‌ फाइनलमा भिड्ने भएका छन्। गौतमबुद्ध अन्तर्राष्ट्रिय क्रिकेट रंगशालाको नमुना मैदानमा शुक्रबार भारतको क्षेत्रीय टोली पिएसआरए ग्रुप लखनउलाई २ विकेटले पराजित गर्दै मधेश फाइनलमा पुगेको हो। जितको लागि लखनउले दिएको १ सय ४८ रनको लक्ष्य मधेशले १९.४ […]

March 29, 2024

लोकेशको शतकका बाबजुद नेपाल ‘ए’ पराजित

काठमाडौं (हाम्रो खेलकुद) – ओपनर लोकेश बमको आक्रामक शतकका बाबजुद नेपाल ‘ए’ ले टि२० सिरिजको पहिलो खेलमा आयरल्यान्ड वल्भ्ससँग २१ रनले पराजित भएको छ । आयरल्यान्डले प्रस्तुत गरेको २ सय २३ रनको विजयी लक्ष्य पछ्याएको नेपाल ‘ए’ ले ३ बल अगावै २ सय १ रनमा अलआउट भयो । यससँगै वल्भ्सले सिरिजमा १-० को अग्रता लिएको […]

March 29, 2024

नेपाल ‘ए’ लाई आयरल्यान्ड वल्भ्सको विशाल लक्ष्य

काठमाडौं (हाम्रो खेलकुद) – आयरल्यान्ड वल्भ्सले नेपाल ‘ए’ विरुद्धको टि२० सिरिज अन्तर्गत पहिलो खेलमा २ सय २३ रनको विशाल लक्ष्य प्रस्तुत गरेको छ । पहिलो ब्याटिङको निम्तो पाएको वल्भ्सले निर्धारित २० ओभरमा ५ विकेट गुमाएर २ सय २२ रन बनायो । मध्यम सुरुवात गरेको आयरल्यान्ड वल्भ्सले अन्त्यतिर आक्रामक ब्याटिङ गर्दै विशाल योगफल खडा गर्यो । […]

Success

Thank you for your time.