एजेन्सी – तीव्र गतिका बलर कागिसो रबाडा र एनरिच नोर्कियाको घातक बलिङमा आइसिसी टि२० विश्वकप २०२१ मा बंगलादेशले दक्षिण अफ्रिकालाई ८५ रनको सामान्य लक्ष्य दिएको छ ।

शेख जायद स्टेडिम आबूधाबीमा टस हारेर ब्याटिङको निम्तो पाएको बंगलादेश १८.२ ओभरमा ८४ रनमा अल आउट भयो । बंगलादेशका माहेदी हसनले २५ बलमा २ चौका र १ छक्का सहित सर्वाधिक सर्वाधिक २७ रनको योगदान दिए । ओपनर लिटन दासले ३६ बलमा १ चौका सहित सर्वाधिक २४ रन जोडे । बंगलादेशका ८ खेलाडीले दोहोरो अंकमा रन बनाउन सकेनन् । पाँच खेलाडीले खाता नखोली आउट भएका थिए ।

तीव्र गतिका बलर कागिसो रबाडाले चौथो ओभरको पाँचौं बलमा ओपनर मोहम्मद नईम शेखलाई ९ रनमा रिजा हेनड्रिक्सबाट क्याच गराएका थिए । अर्को बलमा सौम्य सरकारलाई शून्यमा एलबीडब्लू आउट गर्दै गोल्डेन डक पेभेलिएन फर्काए । रबाडालेनै मुश्फिकुर रहिमलाई छैटौं ओभरको तेस्रो बलमा शून्यमा क्याच गराएपछि बंगलादेशले खराब सुरुवात गरेको थियो ।

एनरिच नोर्कियाले महमुदूल्ला रियादलाई ३ रनमा एडेन माक्ररमबाट क्याच गराए । स्पिनर तरबेज शाम्सीले दासलाई एलबीडब्लू आउट गराएका थिए । अफिफ हुसैन गोल्डेन डक र शमिम हसैन ११ रनमा आउट भए ।

दक्षिण अफ्रिका कागिसो रबाडाले ४ ओभरमा २० रन खर्चेर सर्वाधिक ३ विकेट लिए । अर्का तीव्र गतिका बलर एनरिच नोर्कियाले ३.२ ओभरमा ८ रन खर्चेर ३ विकेट लिए । स्पिनर तबरेज शाम्सीले ३ ओभरमा १४ रन खर्चेर २ विकेट लिए । ड्वेन प्रिटोरियसको नाममा १ विकेट रह्यो ।