default_image

3 years ago

November 13, 2021

रिजवान : आइसियुबाट उठेर मैदानमा प्रदर्शन

118 views

0 Bookmark

खेलाडी देशको लागि आफ्नो ज्यान दाउ लगाउन पछि पर्दैनन् । देशको लागि योगदान दिन हर समय तयार हुन्छन् । देशको खुसीनै खेलाडीको खुसी हो । त्यस्तै महान् साहस र हिम्मत पाकिस्तानका ओपनर मोहम्मद रिजवानले आइसिसी टि२० विश्वकप २०२१ को सेमिफाइनलमा अष्ट्रेलियाविरुद्ध बिहीबार देखाएका छन् ।

स्वास्थ्यमा समस्या आएपछि खेलअघि दुई रात उनी अस्पतालको सघन हेरचाह कक्ष (आइसियु) मा रहेका थिए । निकै कमजोर अवस्थामा रहेर उपचार गराएका रिजवानले अष्ट्रेलियाविरुद्ध सानदार प्रदर्शन गर्दै एक असल योद्धा र साहसिक खेलाडीको उदाहरण प्रस्तुत गरे । पाकिस्तान ५ विकेटले पराजित हुँदै बाहिरिएपनि उनको साहस र टिमलाई दिएको योगदानको चर्चा विश्व क्रिकेटमा चुलिँदो छ ।

पाकिस्तानले बिहीबार अष्ट्रेलियासँग सेमिफाइनल खेल खेल्दै थियो । प्रमुख ब्याटर मोहम्मद रिजवान र शाएब मलिक फिट नहुँदा खेल्ने वा नखेल्ने निश्चित थिएन । रिजवान मंगलबारदेखि दुई रातसम्म आइसियुमा उपचार गराएका थिए । आइसियुमा उपचार भएको दुई दिनपछि रिजवान मैदान उत्रन तयार भए । टिम भित्र उनको प्रदर्शनमा कमी आउने हो की भन्ने डर त्यतिनै थियो ।

डाक्टरले उनलाई विश्राम गर्न सुझाव पनि दिए, तर रिजवानले मानेनन् । बाबर आजमसँग ओपनिङ उत्रदै सानदार प्रदर्शनका साथ आफू विरामी भएको कुनै संकेत दिएनन् । दुबई इन्टरनेशल क्रिकेट स्टेडियममा टस हारेर पहिला ब्याटिङ थालेको पाकिस्तानले निर्धारित २० ओभरमा ४ विकेट गुमाउँदै १ सय ७६ रन बनाएको थियो । अष्ट्रेलियाको मिचेल स्टार्क, प्याट कमिन्स, जोश हेजलवुड जस्ता विश्वस्तरिय उत्कृष्ट तीव्र गतिको बलिङ आक्रामण सामु रिजवानले ५२ बलमा ३ चौका र ४ छक्का सहित सर्वाधिक ६७ रनको इनिङ खेलेका थिए । जसक्रममा मिचेल स्टार्कको बाउन्सर बलले उनको टाउँको पनि लागेको थियो । तर पनि रिजवान अत्तिएनन् । आफ्नो शैलीको खेल खेल्दै अष्ट्रेलियालाई दबाबमा राखे ।

आइसियुबाट मैदान फर्किएका रिजवानले आफ्नो उत्कृष्ट लयलाई निरन्तरता दिँदै टोलीलाई बलियो योगफलमा पुर्याए । एकै वर्षमा टि२० आईमा १ हजार रन बनाउने पहिलो खेलाडीको दुर्लभ कीर्तिमान पनि रचे । मैदानभित्र सानदार प्रदर्शन गर्दा बाहिर उनले आइसियुमा भोग्नु परेको दुई दिन निकै पिडादायी थियो । पाकिस्तानको टिमले आइसियुमा रहेर उपचार भएको कुरा बाहिर सार्वजनिक गरेन । नकरात्मक सन्देशबाट बच्न गुपगुच राखेको थियो । त्यो उत्तम निर्णय सावित पनि भयो ।

पाकिस्तान पराजित भएपछि रिजवान आइसियुमा उपचार गराएको तस्विर बाहिरिएको थियो । रिजवानको छातीमा गम्भीर संक्रमणपछि दुई रात उपचार गर्नु परेको थियो । पाकिस्तानले समूह चरणको अन्तिम खेल स्कटल्यान्डविरुद्ध आइतबार खेलेको थियो । त्यसपछि मंगलबार उनको छातीमा समस्या देखिएपछि उपचार गराएका थिए । तर दुई दिनमै रिजवान फिट हुनुलाई पाकिस्तान क्रिकेट टोलीका चिकित्सक नाजिबुउल्लाह सुमरोले अविस्वसनिय र जादुमय मान्छन् । देशप्रतिको माया र साहस नभएको भए सायद ठिक हुन धेरै समय लाग्दथ्यो । दुई दिनमा फिट हुनुमा उनी आफैं आश्चर्यमा परेका छन् ।

‘हामीले वहाँको महान दृढता देख्न सक्छौं जसले देशको लागि प्रदर्शन गर्ने भावना देखाउँछ । आज वहाँको प्रदर्शन पनि देख्न सक्छौं’, सुमरोले भने ।

‘रिजवान एक योद्धा हुन् । उनले उत्कृष्ट प्रदर्शन गरेका छन् । उनको साहसलाई मान्नुपर्छ’, पाकिस्तानका ब्याटिङ प्रशिक्षक म्याथ्यु हेडनले खेलपछि भनेका थिए ।

पाकिस्तानका क्रिकेट कप्तान बाबर आजमले उनको प्रदर्शन असाधरण बताउँछन् । ‘रिजवानले जसरी आजको खेल खेले त्यो पक्कैपनि असाधरण थियो । मैले खेलअघि उनको स्वास्थ्य बारे सोधेको थिएँ । उनले खेल्छु भनेका थिए’, बाबरले भने ।

ओपनिङ गएका रिजवान १७.२ ओभर सम्म क्रिजमा बिताएका थिए । ८७ मिनेट मैदानमै बिताऐ । त्यतिमात्र होईन विकेटकिपरको रुपमा ९० मिनेट पुरै मैदानमै बिताए । ओपनिङसँगै विकेटकिपिङ आफैंमा एक चुनौती भूमिका हो । त्यसको उनको फिटनेशलाई प्रष्टाउँछ । देशको मायाको अगाडि उनलाई यो केहि पनि अनुभव भएन । सम्पूर्ण कुरा त्याग गरेर मैदान आएका रिजवानले आफ्नो तर्फबाट उत्कृष्ट प्रदर्शन गरे । तर टिमको हारले भने उनलाई निराश बनायो । यसका बाबजुद उनको साहस र आँटलाई भने सम्मान गर्नुपर्छ ।

पछिल्लो समय रिजवानले टि२० आई क्रिकेटमा जादुमय प्रदर्शन गरे । अद्भुत रुपमा उनको ब्याटबाट रन निस्केको छ । सुपर १२ को समूह २ मा पाकिस्तानलाई अपराजित रहँदै सेमिफाइनलमा पुर्याउन रिजवान र बाबर आजमले सानदार प्रदर्शन गरे । जसक्रममा पहिलो खेलमै भारतलाई १० विकेटले पराजित गरेको थियो । विश्वकप इतिहासमा पाकिस्तानले भारतलाई पहिलो पटक हराउँदै नयाँ इतिहास कोरेको थियो । भारतले प्रस्तुत गरेको १ सय ५२ रनको विजयी लक्ष्य पाकिस्तानले १७.५ ओभरमा पूरा गरेको थियो ।

रिजवान ५५ खेलमा ६ चौका र ३ छक्का सहित ७९ रनमा अविजित रहे । विश्वस्तरिय भारतीय बलिङ आक्रामण सामु रिजवानले परिपक्क, जिम्मेवारी र उत्कृष्ट ब्याटिङ पस्किएका थिए । न्युजिल्यान्डसँग रिजवान ३३ र अफगानिस्तानविरुद्ध ८ रनमा आउट भएका थिए । एसोसियट टोली नामिबियालाई ४५ रनले हराउन रिजवान प्लेयर अफ द म्याच चुनिए । रिजवानले ५० बलमा ८ चौका र ४ छक्का सहित ७९ रनको अविजित इनिङ खेल्दै जितको आधार तय गरेका थिए ।

रिजवानको पछिल्लो एक वर्षको प्रदर्शन लोभाग्दो छ । रिजवानले यस वर्षमात्र २० टि२० आई इनिङमा १० अर्धशतक र १ शतक सहित १ हजार ३३ रन बनाएका छन् । टि२० आई इतिहासमा एकै वर्ष भनेको सर्वाधिक रन हो । रिजवानले ३९ टि२० आई इनिङमा १ शतक र १६ अर्धशतक सहित १ हजार ७ सय ४३ रन बनाएका छन् । जुन टि२० क्रिकेट इतिहासकै एक वर्षमा बनेको सर्वाधिक रन हो । बाबर र रिजवानको ओपनिङ जोडीनै मज्जाले जमेको छ । विपक्षीलाई निराश बनाउँदै आएका छन् । बाबर र रिजवानले २१ टि२० आई इनिङमा ५ पटक शतकीय र ४ पटक अर्धशतकीय साझेदारी गर्दै १ हजार २ सय ४० रन बनाएका छन् । औसत ६२ रन छ ।

रिजवानले टि२० आईमा २०१५ मा बंगलादेशविरुद्ध अप्रिलमा डेब्यू गरेका थिए । रिजवानले २०१५ मा ८ र २०१६ मा २ खेलमा मौका पाए । सुरुवाती प्रदर्शन राम्रो थिएन । २०१७ देखि कप्तान शरफराज अहमदले उच्च प्रदर्शन गरेपछि रिजवान टोलीमा पर्न सकेनन् । त्यसैले २०१६ पछि उनले २०१९ मा मौका पाएका थिए । रिजवान सुरुमा तल्लोक्रममा ब्याटिङ गर्दथे । त्यसैले धेरै समय खेल्ने मौका पाउने थिएनन् ।

पाकिस्तानले पछिल्लो समय ओपनरमा लगातार परिवर्तन गर्यो । तर खोजेको जस्तो जोडी पाउन सकेन । बाबरले २०२० डिसेम्बरमा न्युजिल्यान्डसँगको तीन टि२० आई सिरिजमा रिजवानलाई ओपनरको रुपमा प्रयोग गरेका थिए । तेस्रो खेलमा रिजवानले ८९ रनको इनिङ खेल्दै पाकिस्तानलाई ४ विकेटको जित दिलाएका थिए । रिजवानको परिपक्वता र जिम्मेवारीलाई देखेर बाबरले लगत्तै घरेलु मैदानमा सँगै ओपनिङ गर्ने निर्णय लिए । बाबर सुरुवात देखिनै ओपनिङ गर्दै विश्व क्रिकेटमा राज गर्दै आएका थिए ।

त्यसपछि यी दुई जोडीले पाकिस्तानका लागि निर्णायक बन्दै आएका छन् । दुवैको ब्याटबाट लगातार रन निस्केको छ । मैदानमा साझेदारी मज्जाले जमेको छ । रिजवान नचल्दा बाबर चलेका छन् । बाबर नचल्दा रिजवान ।

पछिल्लो समय दुवै खेलाडीसँगै एउटै रफ्तारमा रन बनाउँदै आएका छन् । रिजवानले दक्षिण अफ्रिकासँग पहिलो खेलमै ६४ बलमा ६ चौका र ७ छक्का सहित १ सय ४ रनको अविजित शतकीय इनिङ खेल्दै ३ रनको जित दिलाएका थिए । ओपनिङ गर्नुअघि रिजवानले २३ टि२० आई खेल खेल्दा उत्कृष्ट प्रदर्शन ३३ रन थियो । जसमा ८ पटक ब्याटिङ गर्ने अवसरनै पाएका थिएनन् ।

त्यसपछि बाबर र रिजवान दुवैले लगातार उत्कृष्ट प्रदर्शन गर्दै आएका छन् । २०१५ देखि २०२० सम्म १ मात्र अर्धशतक प्रहार गरेका थिए । यस वर्ष १ शतक र १० अर्धशतक प्रहार गरि सकेका छन् । जसमा ८ पटक अविजित छन् । साच्चै उनको प्रदर्शन जादुमय रुपमा रन निस्केको छ । अधिकांश स्टार खेलाडी सामाजिक सञ्जाल फेसबुक व्यस्त हुन्छन् । तर उनी आफ्नो प्रदर्शनमा केन्द्रित रहँदै आएका छन् ।

सुरुवातमा धेरैले रिजवानलाई टि२० खेलाडीनै नभएको भन्ने गर्दथे । रिजवानले छक्का प्रहार गर्न सक्छ भनेर मजाक उडाउने पनि थिए । पाकिस्तान सुपर लिगमा केहि वर्षअघि उनलाई फ्रेन्चाइज टोलीले खासै अवसर पनि दिदैन थिए । तिनीहरुलाई अहिले राम्रो जवाफ दिँदै आएका छन् । २०१६ पछि विकेटकिपर तथा कप्तान शरफराज अहमदले उत्कृष्ट प्रदर्शन गरेपछि उनी पाकिस्तानको रोजाईमा परेनन् ।

तर २०१९ मा शरफराजको खराब प्रदर्शनपछि पाकिस्तानले रिजवानलाई प्रयोग गरेको थियो । घरेलु क्रिकेटमा सानदार प्रदर्शनका साथ पाकिस्तानको टोलीमा पूनरागमन गरेका थिए । कडा मिहिनेतले रिजवानले पाएको अवसरलाई सदुपयोग गर्दै एकपछि अर्को उत्कृष्ट प्रदर्शन गरे । अहिले रिजवान पाकिस्तानका प्रमुख ब्याटर बनेका छन् । उनलाई पाकिस्तानको रन मेसिन भन्न थालिएको छ ।

जिम्मेवारी रिजवानको सबैभन्दा ठूलो खुबी हो । क्लास र हिटिङ क्षमता पनि त्यतिनै राम्रो छ । रिजवानले अहिले जसरी प्रदर्शन गरि रहेका छन्, त्यसले महान् क्रिकेटरको संकेत देखाउँछ । उनी टिम म्यान् हो । टिमलाई जे आवश्यक पर्छ त्यस्तै खेल्ने गर्दछन् । आफ्नो विकेट हतपत गुमाउँदैनन् । उनको उत्कृष्ट प्रदर्शनले पाकिस्तानलाई विश्व क्रिकेटमा थप नयाँ उचाईमा पुर्याउने छ । युवा पुस्ताले रिजवानको जिम्मेवारी प्रेरणा राम्रो लिन सक्छन् ।

एजेन्सीको सहयोगमा भुपेन्द्र जिसीको प्रस्तुति

July 23, 2024

भारतविरुद्ध फराकिलो हारसँगै नेपाल एशिया कपबाट बाहिरियो

काठमाडौं (हाम्रो खेलकुद) – भारत विरुद्ध फराकिलो हार बेहोर्दै नेपाल एसिसि एशिया कप २०२४ बाट बाहिरिएको छ । भारत विरुद्ध ८२ रनले पराजित भएसँगै नेपाल एशिया कपबाट औपचारिक रूपमा बाहिरिएको हो । १ सय ७९ रनको विशाल लक्ष्य पछ्याएको नेपालले निर्धारित २० ओभरमा ९ विकेट गुमाउँदै ९६ रन मात्र बनाउन सक्यो । नेपालका लागि सिता […]

July 23, 2024

नेपाललाई भारतविरुद्ध विशाल लक्ष्य

काठमाडौं (हाम्रो खेलकुद) – एसिसि महिला एशिया कप २०२४ अन्तर्गत समूह चरणको अन्तिम खेलमा नेपालले भारत विरुद्ध विशाल लक्ष्य पाएको छ । नेपालले भारत विरुद्ध १ सय ७९ रनको लक्ष्य पाएको हो । दाम्बुलामा टस जितेर पहिला ब्याटिङ गरेको भारतले निर्धारित २० ओभरमा ३ विकेट गुमाउँदै १ सय ७८ रन बनाएको हो । भारतका लागि […]

July 23, 2024

नेपालले भारत विरुद्ध पहिला बलिङ गर्ने

काठमाडौं (हाम्रो खेलकुद) – एसिसी महिला एशिया २०२४ अन्तर्गत समूह चरणको अन्तिम खेलमा नेपालले भारत विरुद्ध पहिला बलिङ गर्ने भएको छ । श्रीलंका स्थित दाम्बुला स्टेडियममा भारतका लागि आज कप्तानी गरिरहेकी स्मृति मान्धनाले टस जितेर ब्याटिङ गर्ने निर्णय गरेको हुन् । नेपालले पाकिस्तान विरुद्ध हार बेहोरेको टोलीमा दुई परिवर्तन गरेको छ । रोमा थापा र […]

Success

Thank you for your time.