एजेन्सी – न्युजिल्यान्डका कप्तान केन विलियम्सनले टि२० विश्वकप २०२१ को फाइनलमा पराजय पछि आफ्नो टोलीको प्रयास साँच्चै गर्व लागक रहेको बताएका छन् । आइतबार फाइनलमा अष्ट्रेलियासँग ८ विकेटले पराजित भएपछि विलियम्सनले उक्त प्रतिक्रिया दिएका हुन् ।

‘हामीले राम्रो प्लेटफम प्राप्त गर्न प्रयास गर्दै थियौं । शतहले एक तह सामातेको थियो । तर दुबईमा सामान्य रह्यो’, विलियम्सनले भने । केहि राम्रो साझेदारी बन्दा र हामीले साचेको प्रतिस्पर्धात्मक लक्ष्य बनाउन पाउँदा खुशी लाग्यो । अष्ट्रेलियाले उत्कृष्ट रुपमा लक्ष्य पूरा गर्यो, उनले भने । त्यसैमा थपे ‘लक्ष्य पछ्याउने अष्ट्रेलियाको एक उत्कृष्ट पक्ष हो । हामीले सबै प्रयास गरेका थियौं । तर उनीहरुले वास्तवमा एक इन्चपनि मौका दिएनन् । प्रतियोगिताभर हाम्रो टोलीको प्रयास साच्चै गर्व लायक छ’,।

फाइनलमा विलियम्सनले ४८ बलमा १० चौका र ३ छक्का सहित ८५ रनको उत्कृष्ट कप्तानी इनिङ खेलेका थिए । उत्कृष्ट सटहरु खेलेपनि पर्याप्त नभएको विलियम्सन बताउँछन् । ‘विश्वकपमा राम्रो प्रदर्शन गर्न पाउँदा खुसी लाग्यो । अष्ट्रेलियालाई जितको श्रेय दिनुपर्छ । आगमी दिनमा यस प्रदर्शनले ठूलो आशा पनि छ । कहिल्यै राम्रो छैन । जित वा हार सम्भावित परिणाम हुन्’, विलियम्सनले भने ।

दुबई इन्टरनेशनल क्रिकेट स्टेडियममा टस हारेर ब्याटिङ थालेको न्युजिल्यान्डले निर्धारित २० ओभरमा ४ विकेट गुमाउँदै १ सय ७२ रन बनाएको थियो । न्युजिल्यान्डका कप्तान केन विलियम्सनले ४८ बलमा १० चौका र ३ छक्का सहित सर्वाधिक ८५ रनको योगदान दिएका थिए । ओपनर मार्टिन गुप्टिल २८, डर्याल मिचेल ११, ग्लेन फिलिप्स १८ र जिमी निशमले १३ रनको योगदान दिएका थिए । अष्ट्रेलिया तीव्र गतिका बलर जोश हेजलवुडले ४ ओभरमा १६ रन खर्चेर ३ विकेट लिए ।

जितको लागि १ सय ७३ रनको विजयी लक्ष्य पछ्याएको अष्ट्रेलियाले १८.५ ओभरमा २ विकेट गुमाउँदै पूरा गर्यो । ष्ट्रेलिया जितमा मिचेल मार्श ५० बलमा ६ चौका र ४ छक्का सहित सर्वाधिक ७७ रनमा अविजित रहे । अर्का ओपनर डेविड वार्नरले ३८ बलमा ४ चौका र ३ छक्का सहित ५३ रनमा बोल्ड आउट भए । ग्लेन म्याक्सवेल १८ बलमा ४ चौका र १ छक्का सहित २८ रनमा अविजित थिए ।

सुपर १२ को समूह २ मा रहेको न्युजिल्यान्ड ५ खेलमा ४ मा जित र १ मा हार सहित ८ अंकका साथ दोस्रो स्थानमा रहँदै सेमिफाइनलमा पुगेको थियो । न्युजिल्यान्ड पहिलो खेलमा पाकिस्तानसँग ५ विकेटले पराजित भएको थियो । तर भारतलाई ८ विकेटले हराउँदै सेमिफाइनल सम्भावना बलियो बनाएको थियो । स्कटल्यान्डलाई १६ रन, नामिबियालाई ५२ रन र अफगानिस्तानलाई ८ विकेटले हराउँदै सेमिफाइनलमा स्थान बनाएको थियो । सेमिफाइनलमा उपाधिको प्रमुख दाबेदार इंग्ल्यान्डलाई ५ विकेटले स्तब्ध पार्दै न्युजिल्यान्ड पहिलो पटक टि२० विश्वकपको फाइनलमा पुगेको थियो ।

न्युजिल्यान्डले अव भारतसँग तीन टि२० आई सिरिज र दुई टेस्ट सिरिज खेल्नेछ । पहिलो टि२० आई खेल १७ नोभेम्बरमा हुनेछ । अष्ट्रेलियाले विश्वकै प्रतिष्ठित एशेज सिरिजको तयारीमा लाग्नेछ । पहिलो टेस्ट खेल ८ डिसेम्बर देखि दी गाब्बा ब्रिसबेनमा सुरुहुनेछ ।