default_image

2 years ago

July 27, 2022

साफ यू२० : नेपालद्वारा पहिलो खेलकै सुरुवाती ११ लाई निरन्तरता

काठमाडौं (हाम्रो खेलकुद) – नेपाली राष्ट्रिय यू-२० फुटबल टोलीले साफ यू-२० च्याम्पियनसिप अन्तर्गत आज श्रीलंकासँग खेल्दैछ । भारतको भुवनेश्वरस्थित कालिंगा रंगशालामा हुने खेल नेपाली समयअनुसार साँझ ७:१५ बजे सुरु हुँदैछ । प्रतियोगितामा तीन खेल सकिँदा आज दिनको दोस्रो खेल हुँदैछ । आज भएको पहिलो खेलमा बंगलादेशले साविक विजेता भारतलाई पराजित गरेको थियो । यसले नेपाललाई […]

101 views

0 Bookmark

काठमाडौं (हाम्रो खेलकुद) – नेपाली राष्ट्रिय यू-२० फुटबल टोलीले साफ यू-२० च्याम्पियनसिप अन्तर्गत आज श्रीलंकासँग खेल्दैछ । भारतको भुवनेश्वरस्थित कालिंगा रंगशालामा हुने खेल नेपाली समयअनुसार साँझ ७:१५ बजे सुरु हुँदैछ ।

प्रतियोगितामा तीन खेल सकिँदा आज दिनको दोस्रो खेल हुँदैछ । आज भएको पहिलो खेलमा बंगलादेशले साविक विजेता भारतलाई पराजित गरेको थियो । यसले नेपाललाई फाइनल पुग्ने समिकरण थप सहज भएको छ । आजको खेलमा श्रीलंकालाई हराएर अर्को खेलमा भारतलाई बराबरीमा रोकेपनि नेपाल फाइनल पुग्ने लगभग पक्का हुनेछ ।

आफ्नो पहिलो खेलमा माल्दिभ्सलाई ४–० को भारी गोल अन्तरले हराएर सुखद् सुरुवात गरेको नेपाल लगातार दोस्रो जितको लक्ष्यमा मैदान उत्रनेछ । माल्दिभ्सविरुद्ध उच्च प्रदर्शन गरेको नेपाल श्रीलंकाविरुद्ध पनि सोही प्रदर्शनलाई निरन्तरता दिँदै लगातार जितको खोजीमा हुनेछ । फाइनल यात्रालाई थप सहज बनाउन पनि नेपाललाई श्रीलंकाविरुद्ध जित आवश्यक छ ।

आजको खेलमा नेपालले पुरानै टोलीलाई निरन्तरता दिएको छ । टोलीसँग सिनियर राष्ट्रिय टोलीबाट अनुभव बटुलिसकेका मिडफिल्डर तथा टोलीका कप्तान आयुष घलानको साथ रहेको छ । आयुषसँगै अग्रपङ्तिमा सुगम सुवालले पहिलो खेलमा उत्कृष्ट प्रदर्शन गरेका थिए । दिपेश गुरुङ, कृतिश रत्न छुन्जु, सुमित श्रेष्ठ र आशिष राईले मिडफिल्डमा प्रभाव जमाएका थिए । अजय चौधरी, अमर श्रेष्ठ, अभिषेक वाइवा, सन्दीप कार्कीसँगै गोलरक्षक ईश्वर गुरुङले टोलीमा स्थान बनाउने देखिन्छ । मनग्य नकर्मीले बेन्चबाट आएर पछिल्लो खेलमा गोल गरेका थिए ।

नेपाली टोलीका प्रशिक्षक मेघराज केसीले श्रीलंकाविरुद्धको खेलको लागि टोली तयार रहेको बताए । ‘हामी च्याम्पियनसिपको लागि सम्पूर्ण तयारी पूरा गरेर नै यहाँ आएका छौं । पहिलो जितले टोलीको मनोवल बढेको छ । बंगलादेश र श्रीलंकाबीचको खेल पनि हेर्न पायौं,’ प्रशिक्षक केसीले भने, ‘श्रीलंकाविरुद्धको खेलका लागि त्यही अनुसारको प्रशिक्षण गरेका छौं । श्रीलंकाविरुद्धको खेलमा नेपालको थप सुन्दर खेल तपाईहरुले हेर्न पाउनुहुनेछ ।’

श्रीलंकाविरुद्ध सुरुवाती ११ : इश्वर गुरुङ (गोलरक्षक), अजय चौधरी, अमर श्रेष्ठ, अभिषेक वाइबा, सन्दीप कार्की, दीपेश गुरुङ, कृतिश रत्न छुन्जु, आशिष राई, सुमित श्रेष्ठ, सुगम सुवाल, आयुष घलान (कप्तान)

April 19, 2024

इंग्लिस क्लब च्याम्पियन्स र युरोपा लिगकाे क्वाटरफाइनलबाटै बाहिर

एजेन्सी – विश्व फुटबलमा सर्वाधिक चर्चित र बढी हेरिने इंग्लिस प्रिमियर लिगका टोलीहरु यसपल्ट युरोपेली क्लब फुटबलको सबैभन्दा ठुलो युइएफए च्याम्पियन्स लिग र युरोपा लिगको क्वाटरफाइनलबाटै बाहिरिएका छन् । यससँगै २१औं शताब्दीमा तेस्रोपटक इङ्ल्यान्डका कुनैपनि टोली च्याम्पियन्स लिग र युरोपा लिगको सेमिफाइनलमा पुग्न असफल भएको हो । यसअघि इंंग्लिस टोली सन् २००२–०३ र २०१४–१५ को […]

April 19, 2024

नेपाललाई हराउँदै यूएई प्रिमियर कपको फाइनलमा

मस्कट (हाम्रो खेलकुद) – साविक विजेता नेपाललाई पराजित गर्दै यूएई एसीसी मेन्स प्रिमियर कप २०२४ को फाइनलमा प्रवेश गरेको छ । अल अमेरतस्थित ओमान क्रिकेट एकेडेमीको मैदानमा नेपाललाई ६ विकेटले पराजित गर्दै यूएईले उपाधि भिडन्तमा स्थान पक्का गरेको हो । नेपालले प्रस्तुत गरेको १ सय २० रनको सामान्य लक्ष्य यूएईले ओभरमा ४ विकेटको क्षतिमा १८ […]

April 19, 2024

बागमती प्रदेशको दोस्रो जित

काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिपमा बागमती प्रदेशले दोस्रो जित निकालेको छ। आज भएको खेलमा कोशी प्रदेशलाई ७ रनको झिनो अन्तरमा हराउँदै बागमतीले ४ अंक बनाएको छ। माथिल्लो मुलपानी मैदानमा जितको लागि १ सय ३९ रनको सामान्य लक्ष्य पछ्याएको कोशी प्रदेश २० ओभरमा अल आउट हुँदै १ सय ३१ रनमा समेटियो। […]

Success

Thank you for your time.